ជាតិ
សង្គមជាតិ
×![]()
ដោយ: សារព័ត៌មានថ្មីៗ
សៀមរាប៖ បទបង្ហាញស្តីពី «លទ្ធផលជាបឋមនៃការធ្វើកំណាយស្រាវជ្រាវ អំពីការតាំងទីលំនៅរបស់ប្រជាជននាសម័យអង្គរនៅភាគអាគ្នេយ៍ក្នុងប្រាសាទអង្គរវត្ត» នឹងរៀបចំធ្វើនៅថ្ងៃទី១០ មិថុនា។ បទបង្ហាញនេះគ្រោងរៀបចំធ្វើនៅស្ថាប័នអាជ្ញាធរជាតិអប្សរា ចាប់ពីម៉ោង ៩ព្រឹកតទៅ។
ក្នុងសេចក្តីជូនដំណឹងរបស់អាជ្ញាធរជាតិអប្សរាបានសរសេរថា បទបង្ហាញនេះ ធ្វើឡើងដោយលោកស្រីបណ្ឌិត Alison Carter ដែលបានដឹកនាំធ្វើកំណាយបុរាណវិទ្យានោះផ្ទាល់។ គម្រោងកំណាយនេះ គឺជាកិច្ចសហប្រតិបត្តិការរវាងអាជ្ញាធរ ជាមួយសាកលវិទ្យាល័យស៊ីដនី ក្នុងគម្រោងមហានគរ «The Greater Angkor Project» នៅឆ្នាំ២០១៥ ។ គម្រោងនេះ បានធ្វើកំណាយស្រាវជ្រាវមួយ នៅភាគអាគ្នេយ៍ក្នុងប្រាសាទអង្គរវត្ត ដោយបានសិក្សាលើការតាំងទីលំនៅរបស់ប្រជាជននាសម័យនោះ។
អាជ្ញាធរជាតិអប្សរា បានអំពាវនាវតាមរយៈសេចក្តីជូនដំណឹងរបស់ខ្លួន ដល់សាធារណជនទាំងអស់ ជាពិសេសអ្នកសិក្សាស្រាវជ្រាវ សិស្សនិស្សិត ចូលរួមស្តាប់បទបង្ហាញនេះ នៅសាលសិក្សាលលៃ នៃមជ្ឈមណ្ឌលបណ្តុះបណ្តាលអង្គរ ចាប់ម៉ោង៩ព្រឹកតទៅ។
លោកស្រីបណ្ឌិត Alison Carter គឺជាជនជាតិអាមេរិក ជាជំនួយការសាស្ត្រាចារ្យនៃនាយកដ្ឋានមនុស្សសាស្ត្រក្នុងសាកលវិទ្យាល័យ Illinois នៃរដ្ឋ Urbana-Champaign សហរដ្ឋអាមេរិក។ ក្រៅពីទទួកសញ្ញាបត្របណ្ឌិតពីសាកលវិទ្យាល័យ Wisconsi-Madison ក្នុងឆ្នាំ២០១៣ លោកស្រីក៏ធ្លាប់ស្រាវជ្រាវពីការតាំងទីរបស់ប្រជាជនសម័យអង្គរ ក្នុងគម្រោងខាងលើផងដែរ៕
ក្នុងសេចក្តីជូនដំណឹងរបស់អាជ្ញាធរជាតិអប្សរាបានសរសេរថា បទបង្ហាញនេះ ធ្វើឡើងដោយលោកស្រីបណ្ឌិត Alison Carter ដែលបានដឹកនាំធ្វើកំណាយបុរាណវិទ្យានោះផ្ទាល់។ គម្រោងកំណាយនេះ គឺជាកិច្ចសហប្រតិបត្តិការរវាងអាជ្ញាធរ ជាមួយសាកលវិទ្យាល័យស៊ីដនី ក្នុងគម្រោងមហានគរ «The Greater Angkor Project» នៅឆ្នាំ២០១៥ ។ គម្រោងនេះ បានធ្វើកំណាយស្រាវជ្រាវមួយ នៅភាគអាគ្នេយ៍ក្នុងប្រាសាទអង្គរវត្ត ដោយបានសិក្សាលើការតាំងទីលំនៅរបស់ប្រជាជននាសម័យនោះ។
អាជ្ញាធរជាតិអប្សរា បានអំពាវនាវតាមរយៈសេចក្តីជូនដំណឹងរបស់ខ្លួន ដល់សាធារណជនទាំងអស់ ជាពិសេសអ្នកសិក្សាស្រាវជ្រាវ សិស្សនិស្សិត ចូលរួមស្តាប់បទបង្ហាញនេះ នៅសាលសិក្សាលលៃ នៃមជ្ឈមណ្ឌលបណ្តុះបណ្តាលអង្គរ ចាប់ម៉ោង៩ព្រឹកតទៅ។
លោកស្រីបណ្ឌិត Alison Carter គឺជាជនជាតិអាមេរិក ជាជំនួយការសាស្ត្រាចារ្យនៃនាយកដ្ឋានមនុស្សសាស្ត្រក្នុងសាកលវិទ្យាល័យ Illinois នៃរដ្ឋ Urbana-Champaign សហរដ្ឋអាមេរិក។ ក្រៅពីទទួកសញ្ញាបត្របណ្ឌិតពីសាកលវិទ្យាល័យ Wisconsi-Madison ក្នុងឆ្នាំ២០១៣ លោកស្រីក៏ធ្លាប់ស្រាវជ្រាវពីការតាំងទីរបស់ប្រជាជនសម័យអង្គរ ក្នុងគម្រោងខាងលើផងដែរ៕
© រក្សាសិទ្ធិដោយ thmeythmey.com
