ជាតិ
សង្គមជាតិ
សម្តេច ស ខេង ណែនាំមន្ត្រីឲ្យពង្រឹងសមត្ថភាពប៉ូលិសប៉ុស្តិ៍ និងសហការជាមួយពលរដ្ឋ នៅមូលដ្ឋាន
× ភ្នំពេញ៖ សម្តេច ស ខេង រដ្ឋមន្ត្រីក្រសួងមហាផ្ទៃ បានណែនាំមន្ត្រីនាយកដ្ឋាននគរបាលប៉ុស្តិ៍ឲ្យបន្តរៀបចំផែនការពង្រឹងសមត្ថភាពនគរបាលប៉ុស្តិ៍មូលដ្ឋាន និងសហការជាមួយពលរដ្ឋ ក្នុងមូលដ្ឋានបន្ថែមទៀត ដើម្បីពង្រឹងគោលនយោបាយភូមិឃុំ មានសុវត្ថិភាព ឲ្យកាន់តែល្អប្រសើរ។
រដ្ឋមន្ត្រីក្រសួងមហាផ្ទៃ បានអំពាវនាវប្រជាពលរដ្ឋនៅមូលដ្ឋាន និងភាគីពាក់ព័ន្ធនានា រួមសហការជាមួយកម្លាំងនគរបាលជាតិ ដើម្បីធ្វើឲ្យសន្តិសុខ សណ្តាប់ធ្នាប់សង្គមល្អប្រសើរឡើងបន្ថែមទៀត។ លើសពីនេះ សម្តេចបានជំរុញមន្ត្រីឲ្យពង្រឹងសមត្ថភាពការងារ ទាំងសម្ភារៈ និងទាំងស្មាតីដល់នគរបាលមូលដ្ឋានថែមទៀត ដើម្បីពង្រឹងសន្តិសុខ សុវត្ថិភាព នៅថ្នាក់មូលដ្ឋាន។ សម្តេចលើកឡើងថា នគរបាលប៉ុស្តិ៍ស្ថិតនៅមូលដ្ឋាក្បែរពលរដ្ឋផ្ទាល់ ដូច្នេះពួកគេអាចក្តាប់បញ្ហានានា បានច្បាស់លាស់ជាងមន្ត្រីថ្នាក់ជាតិ។
សំឡេង សម្តេច ស ខេង៖
ជាតិដែលបំពេញតួនាទី ភារកិច្ចល្អ ក្នុងការការពារឯករាជ្យ អធិបតេយ្យភាពជាតិ បូរណភាពទឹកដី រក្សាស្ថិរភាពនយោបាយ និងប្រឆាំងទប់ស្កាត់រាល់អំពើភេរវកម្ម បទល្មើសគ្រប់ប្រភេទ ប្រកបដោយស្មារតីទទួលខុសត្រូវខ្ពស់ ដើម្បីការពារសន្តិសុខសង្គម។ សម្តេច ថ្លែងបែបនេះ ក្នុងឱកាសពិធីសាទរខួប លើកទី៧១ ថ្ងៃកំណើតនគរបាលជាតិកម្ពុជា នៅថ្ងៃទី១៦ ខែឧសភា ឆ្នាំ២០១៦ នៅទីស្តីការក្រសួងមហាផ្ទៃ។
ក្នុងឱកាសនោះដែរ លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានអានរបាយការណ៍ការងារប៉ូលិសប្រចាំឆ្នាំ២០១៥ ថា នគរបាលជាតិបាន អនុវត្តភារកិច្ចល្អ ក្នុងការថែរក្សាសន្តិសុខសង្គម។ បើតាមលោក នេត សាវឿន ឆ្នាំ២០១៥ បទល្មើសបន្តធ្លាក់៤ភាគរយបន្ថែមទៀត បើធៀបឆ្នាំ២០១៤ ពោលគឺ ចំនួន ២៧០៨ករណី លើ ២៨១៤ករណី ឆ្នាំមុន។ លោកបន្តថា សមត្ថកិច្ចបានចាត់វិធានការបង្ក្រាប បទល្មើសកើនឡើងរហូតដល់ ៧៩ភាគរយ និងឃាត់ខ្លួនជនល្មើសជាង ៣០០០នាក់។
គួរបញ្ជាក់ផងដែរ បើតាមរបាយការណ៍ប៉ូលីស កន្លងមក បច្ចុប្បន្ននេះ កម្ពុជាមានប៉ុស្តិ៍នគរបាលរដ្ឋបាលចំនួន ១៦៣៣ប៉ុស្តិ៍ និងមានមន្ត្រីនគរបាលបម្រើការងារជិត ១៥០០០នាក់ ស្រី ៤៣៩នាក់៕
Tag:
ស ខេង
ប៉ុស្តិ៍នគរបាល
© រក្សាសិទ្ធិដោយ thmeythmey.com