ព័ត៍មានសុខភាព
×![]()
ដោយ: ថ្មីៗ
សុខភាពល្អ មិនមែនមានន័យថា គ្មានបាក់តេរីនោះទេ ពីព្រោះ មានបាក់តេរីល្អច្រើនណាស់ ដែលរាងកាយត្រូវការ ដូចជាបាក់តេរីនៅពោះវៀន ដែលជួយដល់ការរំលាយអាហារ។ ទោះបីជាយ៉ាងណា ប្រសិនបើរាងកាយអ្នក មានបាក់តេរីអាក្រក់ច្រើនពេក ច្បាស់ណាស់ អ្នកប្រាកដជាឈឺហើយ។
សុខភាពមាត់ធ្មេញក៏ដូចគ្នា មានបាក់តេរីជាច្រើន ឆ្លងតាមមាត់របស់អ្នក រួចបន្តទៅក្នុងពោះ ឬចរន្តឈាម។ វាអាចទៅតោងភ្ជាប់នឹងកោសិកា ដែលបណ្តាលឲ្យអ្នកឈឺ។
ខាងក្រោមនេះ ជាកត្តាទាំង ៦ ដែលធ្វើឲ្យមាត់មានមេរោគ និងធុំក្លិន ៖
១. ញ៉ាំអាហារមានជាតិផ្អែម និងជូរ ដោយមិនបានដុសសម្អាតធ្មេញ ដែលជាហេតុធ្វើឲ្យពុកធ្មេញ និងមានកំណកជាប់ធ្មេញជាដើម
២. ការមិនលាងដៃ មុនពេលញ៉ាំអាហារ អាចធ្វើឲ្យអ្នកឈឺ ដោយសារការលេបបាក់តេរី និងមេរោគដោយមិនដឹងខ្លួន
៣. ការខាំក្រចកដៃ ជាទង្វើរដ៏គួរឲ្យខ្ពើមរអើម ហើយបង្កជាបញ្ហា ដល់សុខភាពថែមទៀតផង
៤. ការជក់បារី ជាកត្តាចំបង ដែលធ្វើឲ្យមាត់ធុំក្លិន និងបង្កជាកំណកមេរោគ នៅក្នុងមាត់ធ្មេញ
៥. អាចមានមេរោគមួយ ឆ្លងតាមរយៈទឹកមាត់ ពេលអ្នកថើប ឬប្រើរបស់រួមគ្នា ដូចជា ក្រែមលាបបបូរមាត់ ថ្នាំ ឬច្រាស់ដុសធ្មេញ
៦. ការមិនសម្អាតធ្មេញជាទៀងទាត់ អាចធ្វើឲ្យសុខភាពមាត់ធ្មេញរបស់អ្នក ជួបបញ្ហាជាច្រើន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
