ជាតិ
អ្នកនាំពាក្យ៖ ឯកឧត្តម កឹម សុខា នៅតែឆ្លើយថា «ទេ» ទៅកាន់តុលាការ
× ភ្នំពេញ៖ តុលាការ បានចេញដីកាកោះហៅឯកឧត្តម កឹម សុខា ជាលើកទី២ ដើម្បីចូលខ្លួនបំភ្លឺក្នុងនាមជាសាក្សី ជុំវិញអំពើសញ្ចារកម្ម នៅថ្ងៃទី២៦ ខែឧសភា ខាងមុខ។ នេះក៏ជាលើកទី២ហើយ ដែលឯកឧត្តម កឹម សុខា ច្រានចោលដីកាកោះហៅរបស់តុលាការ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានឲ្យដឹងថា ប្រធានស្តីទីគណបក្ស សង្គ្រោះជាតិ នៅតែរក្សាជំហរ មិនឡើងតុលាការដដែល ព្រោះឯកឧត្តមមានធុរៈបំពេញការងារសភា ក្នុងនាមឯកឧត្តម ជាអ្នកតំណាងរាស្រ្តមានអភ័យឯកសិទ្ធិសភា។ ម្យ៉ាងទៀត លោកថា នីតិវិធីតុលាការ គឺពុំមានជនជាប់ចោទច្បាស់លាស់។
សំឡេង លោក យឹម សុវណ្ណ នៅថ្ងៃទី២៣ ខែឧសភានេះ៖
ថ្មីៗនេះ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានចេញដីកាកោះហៅជាលើកទី២ ឲ្យឯកឧត្តម កឹម សុខា ប្រធានស្តីទីគណបក្សសង្គ្រោះជាតិ បង្ហាញខ្លួន នៅតុលាការក្នុងនាមជាសាក្សី ទាក់ទងនឹងដំណើររឿង សញ្ចារកម្ម។ កន្លងទៅដែរ តុលាការបានចេញដីកាម្តងរួចទៅហើយ ដើម្បីឲ្យឯកឧត្តម កឹម សុខា ចូលបំភ្លឺ នៅថ្ងៃទី១១ ខែឧសភា។ តែ ប្រធានស្តីទីបក្សជំទាស់រូបនេះ បានបដិសេធ មិនបង្ហាញខ្លួនតាមការកោះហៅរបស់តុលាការ នោះទេ៕
© រក្សាសិទ្ធិដោយ thmeythmey.com