ព័ត៍មានសុខភាព
សុខភាព៖ រឿងដែលអ្នកមិនត្រូវធ្វើភ្លាមៗ ក្រោយពីរួមភេទរួច
× រឿងដែលអ្នកធ្វើ ក្រោយពីរួមភេទរួច អាចនឹងផ្តល់ភាពរីករាយ និងបង្កើនទំនុកចិត្តដល់ដៃគូផង ប៉ុន្តែមានសកម្មភាពច្រើនណាស់ ដែលអាចបំផ្លាញអារម្មណ៍គេបាន។ អ្វីដែលសំខាន់នោះ គឺត្រូវធ្វើយ៉ាងណា បង្កើនការសប្បាយដដែលទៅ ទោះបីជារួមភេទរួចក៏ដោយ។ ដូច្នេះ ដើម្បីកុំឲ្យដៃគូអ្នកមិនសប្បាយចិត្ត ចូរកុំធ្វើរឿងដូចខាងក្រោមនេះ ក្រោយពីរួមភេទរួចឲ្យសោះ។
ចូលបន្ទប់ទឹក
តើអ្នកដឹងតែប្រញាប់ ចូលក្នុងបន្ទប់ទឹកភ្លាមៗដែរទេ ក្រោយពីចេញទឹកកាមរួច? ខណៈពេលដែលអ្នក មិនទាន់ធ្វើឲ្យមានការប្រឡូកប្រឡាក់អ្វីខ្លះផង ក្រោយពីរួមភេទនោះ ដៃគូអ្នកប្រហែលជានៅមានអារម្មណ៍ ចង់ឲ្យអ្នកបន្តនៅជាមួយនាងទៀត។ ការដែលរត់ទៅបន្ទប់ទឹកតែម្តងបែបនេះ ប្រហែលជាអាចបំបាក់ទឹកចិត្ត ដៃគូរបស់អ្នកកាន់តែខ្លាំងបាន។
រកកន្លែងគេង
ក្រោយពីរួមភេទរួច វាប្រហែលជាមិនមែនជាគំនិតដ៏ល្អមួយទេ ដែលអ្នកត្រូវរកកន្លែងគេង ឲ្យលក់ភ្លាមៗ ព្រោះវានឹងសម្លាប់អារម្មណ៍ដ៏ពុះកញ្ជ្រោលរបស់នាងបាន។ ផ្ទុយទៅវិញ អ្នកគួរតែថ្នាក់ថ្នមនាង និងផ្តល់ក្តីស្រឡាញ់បន្ថែមដល់នាងទៀត។
ឲ្យអ្នកផ្សេងចូលក្នុងបន្ទប់អ្នក
មានមនុស្សច្រើនណាស់ ដែលមានទម្លាប់ឲ្យឪពុកម្តាយ ឬកូនរបស់ខ្លួន ចូលក្នុងបន្ទប់ពួកគេភ្លាមៗក្រោយពីរួមភេទរួច។ ប៉ុន្តែ ហេតុអ្វីបានជាអ្នកចង់ឲ្យអ្នកផ្សេង ចូលបំផ្លាញអារម្មណ៍ឯកជនអ្នកទាំងពីរធ្វើអី? ដៃគូអ្នកប្រហែលជាមានគម្រោងអ្វី ត្រូវធ្វើជាមួយអ្នកបន្ថែមទៀត ហើយអ្នកក៏អាចប្រើប្រាស់ពេលវេលានេះ បង្កើនភាពស្និទ្ធស្នាលនឹងគ្នាដែរ។
មើលសារ ឬអ៊ីម៉ែល
ការរកមើលទូរស័ព្ទភ្លាមៗ ក្រោយពីរួមភេទរួច អាចក្លាយទៅជារឿងមិនល្អទេ។ វាប្រហេលជាផ្តល់ចំណាប់អារម្មណ៍ដល់ដៃគូថា អ្នកជាមិនត្រូវការរូបគេ ក្រៅពីរួមភេទឡើយ។ ការមើលសារ ឬអ៊ីម៉ែលលើទូរស័ព្ទ ក្រោយពីរួមភេទរួច នឹងមិនអាចផ្តល់អ្វីល្អ ដល់ចំណងស្នេហារបស់អ្នកឡើយ។
ទូរស័ព្ទហៅមិត្តភក្តិ
ដៃគូអ្នកប្រហែលជាចង់បាន ភាពស្និទ្ធស្នាលកាន់ច្រើនទៀត ដូច្នេះ ទំនាក់ទំនងទៅមិត្តភក្តិ ឬដៃគូជំនួញ គួរតែជារឿងទុកមួយឡែកសិន។ មិនត្រូវប្រញាប់ពេកឡើយ។ ចូរចំណាយពេលវេលានៅជាមួយនាង និងឲ្យនាងដឹងថា អ្នកពិតជាចង់បង្កើត ទំនាក់ទំនងជាមួយនាងមែន៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com