ព័ត៍មានសុខភាព
សុខភាព៖ កើតជំងឺស្រឡទែន គួរធ្វើម៉េចទើបឆាប់ជា?
×
ជំងឺស្រឡទែន គឺជាការបង្ករោគ ដោយវីរុសមួយប្រភេទ ដែលវាវាយប្រហារទៅលើក្រពេញទឹកមាត់។ បើសិនជាអ្នក ឬកូនកើតជំងឺស្រឡទែនហើយ វាអាចនឹងធ្វើឲ្យក្រពេញទឹកមាត់មួយ ឬពីរហើម ជាពិសេស នៅខាងក្រោម និងមុខរបស់ត្រចៀកតែម្តង។
ជំងឺនេះ គ្មានថ្នាំអ្វីពិសេស សម្រាប់ព្យាបាលឡើយ តែវាមានវ៉ាក់សាំង ដែលអាចជួយបង្ការជំងឺនេះបាន។ យ៉ាងណាមិញ បើសិនជាអ្នក ឬកូនមានជំងឺស្រឡទែនហើយ ការប្រើរយៈពេលសម្រាកឲ្យបានច្រើនគឺជាវិធីព្យាបាលដ៏ល្អបំផុត។ ប៉ុន្តែ មានរឿងមួយចំនួន ដែលអាចជួយបន្ថយការឈឺចាប់ និងមិនមានផាសុកភាព នៅពេលមានជំងស្រឡទែននេះ ដូចជា ៖
សម្រាកឲ្យបានច្រើន
នៅឲ្យឆ្ងាយពីក្មេងដទៃ ដើម្បីកុំឲ្យចម្លងទៅអ្នកដទៃទៀត
ប្រើថ្នាំបំបាត់ការឈឺចាប់
ប្រើទឹកកក ឬទឹកក្តៅស្អំនៅក្រពេញទឹកមាត់ដែលហើម
ចៀសវាងការញ៉ាំទំពារអាហារច្រើន
ចៀសវាងអាហារជូរ
ញ៉ាំទឹកឲ្យបានច្រើន។
ករណីបើសិនជាកូន មានជំងឺស្រឡទែនមែន អ្នកគួរតែសង្កេតមើល ផលវិបាករបស់វាផង។ ចូរទាក់ទងទៅគ្រូពេទ្យភ្លាម បើសិនជាកូនអ្នក កើតមានអាការៈបន្ថែម ដូចខាងក្រោមនេះ ៖
ក្តៅខ្លួនចាប់ពី ៣៩ អង្សារសេឡើងទៅ
ពិបាកញ៉ាំ ឬផឹក
វង្វេងវង្វាន់
ឈឺក្នុងពោះ
ឈឺ និងហើមពងស្វាស៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com