ការរួមភេទ គឺជាការបង្កើតអារម្មណ៍ស្និទ្ធស្នាល ជាមួយដៃគូ។ វាមិនត្រឹមតែជួយ ឲ្យមានអារម្មណ៍ល្អមួយទេ តែថែមទាំងផ្តល់ជាប្រយោជន៍ ច្រើនផ្សេងៗទៀតដល់សុខភាព។
បំបាត់ស្ត្រេស
ការរួមភេទ គឺជាថ្នាំបំបាត់ភាពតានតឹងដ៏អស្ចារ្យមួយ។ ការរួមភេទ នឹងធ្វើឲ្យរាងកាយ ផលិតជាសារធាតុ Dopamine, Endorphins និងអ័រម៉ូន ជួយឲ្យមានអារម្មណ៍ល្អផ្សេងៗទៀត។
ជាការហាត់ប្រាណ
ការរួមភេទ ក៏ជាផ្នែកមួយនៃការហាត់ប្រាណដែរ។ ការរួមភេទ ៣ ដងក្នុងមួយសប្តាហ៍ និងម្តង ១៥ នាទី រយៈពេលមួយឆ្នាំពេញ គឺមានតម្លៃស្មើគ្នា នឹងការរត់ចម្ងាយ ១២០ គីឡូមែត្រដែរ។
បញ្ចុះសម្ពាធឈាម
ទាំងការរួមភេទ និងអោបគ្នា សុទ្ធតែអាចជួយបញ្ចុះសម្ពាធឈាមបានទាំងអស់។ ការរួមភេទ ក៏អាចជួយបញ្ចុះសម្ពាធឈម Diastolic ដែរ។
បង្កើនមុខងារប្រព័ន្ធភាពស៊ាំ
Immunolgoblin A គឺជាអង់ទីហ្សែន ដែលមាននាទីប្រឆាំងនឹងមេរោគ ហើយវានឹងកើន ចំនួននៅពេលអ្នកបង្កើនការរួមភេទដែរ។
កាន់តែក្មេងជាងមុន
ការរួមភេទបីដងក្នុងមួយសប្តាហ៍ អាចធ្វើឲ្យអ្នក មានអាយុក្មេងជាងមុនរហូតដល់ ១០ ឆ្នាំឯណោះ។
បេះដូងកាន់តែរឹងមាំជាងមុន
រាល់ការហាត់ប្រាណ ដែលបានមកពីការរួមភេទ នឹងបង្កើនសុខភាពបេះដូងសរសៃឈាម ព្រមទាំងជួយឲ្យបេះដូង កាន់តែរឹងមាំជាងមុនទៀត។ អ្នកនឹងអាចកាត់បន្ថយ ជំងឺបេះដូងសរសៃឈាម រហូតដល់ ៤៥ ភាគរយឯណោះ។
បំបាត់ការឈឺចាប់
តាមការស្រាវជ្រាវ រវាងជំងឺរលាកសន្លាក់ និងការរួមភេទបានរកឃើញថា អ្នកដែលរួមភេទជាញឹកញាប់ ទំនងជាមិនសូវមានការឈឺចាប់ ពីការរលាកសន្លាក់ឡើយ។
បន្ថយការប្រឈមជំងឺមហារីក
ទម្លាប់នៃការបាញ់ទឹកកាម នឹងកាត់បន្ថយការប្រឈម ជំងឺមហារីកក្រពេញប្រូស្តាតយ៉ាងអស្ចារ្យ។ បុរសដែលបាញ់ទឹកកាម ២១ ដងក្នុងមួយខែ ទំនងជាមិនសូវកើត ជំងឺមហារីកក្រពេញប្រូស្តាតទេ។
រដូវមកទៀងទាត់
ការរួមភេទ ជួយធ្វើឲ្យអ័រម៉ូនរបស់ស្ត្រី មានភាពទៀងទាត់ ដូច្នេះ វាក៏ធ្វើឲ្យរដូវរបស់ពួកគេ មកទៀងទាត់ផងដែរ។
មិនមានការងាប់លិង្គ ឬលិង្គមិនព្រមងើប
បុរសស្ទើរតែពាក់កណ្តាលហើយ ដែលមានអាយុចាប់ពី ៤០ ឆ្នាំឡើងទៅ គឺមានបញ្ហាលិង្គមិនព្រមងើប។ ដូច្នេះ ថ្នាំដ៏ល្អបំផុតសម្រាប់ពួកគេ គឺការរួមភេទនេះឯង។ ការឡើងរឹងរបស់លិង្គ នឹងជួយថែរក្សាលំហូរឈាមកាន់តែត្រឹមត្រូវ។
អាយុវែង
កាលណាមនុស្សយើងមិនសូវស្ត្រេស បេះដូងកាន់តែរឹងមាំ របត់ឈាមរត់មានអុកស៊ីសែនកាន់តែច្រើន និងមានសុភមង្គលទៀតនោះ សុទ្ធតែជាកត្តា ដែលជំរុញឲ្យមនុស្ស មានអាយុវែងទាំងអស់៕