ពីនេះ ពីនោះ
ដេម៉ូគ្រីត៖ ត្រូវគោរព«មតិស្រប មតិផ្ទុយ និងមតិសំយោគ»
× ដេម៉ូគ្រីត ជាទស្សនវិទូរូបធាតុនិយមក្រិចបូរាណដ៏ល្បីមួយរូប ដែលស្ថិតនៅក្នុងវណ្ណៈនៃស្រទាប់ម្ចាស់ទាសករប្រជាធិបតេយ្យ។ ដេម៉ូគ្រីត ជាអ្នកចង់កែប្រែសង្គមដោយបើកសិទ្ធិសេរីភាពឲ្យប្រជាពលករ។ ដេម៉ូគ្រីតបានចែកពុទ្ធិជាពីរបែប៖ ទី១ ពុទ្ធិងងឹត ជាពុទ្ធិចាប់ផ្តើមដឹងពីឥន្ត្រីយារម្មណ៍ គឺដឹងដោយសារអង្គវិញ្ញាណា និងទី២ ពុទ្ធិពិត ជាពុទ្ធិវិចារ (ការពិចារណា)។
ដេម៉ូគ្រីតជាមនុស្សសុទ្ធិដ្ឋិនិយមដែលនិយមថា៖
១- មនុស្សត្រឹមចេះសប្បាយ និងស្វែងរកការសប្បាយ
២- សុខចិត្តឲ្យមានសំឡាញ់តិច (មិត្តសំឡាញ់ដែលកើតដោយសារការជ្រើសរើស ដោយហ្មត់ចត់ហើយគួររើសអ្នកណាដែលមានគំនិតដូចអ្នកដែរ)
៣- ត្រូវចៀសវាងជម្លោះគ្រប់បែបយ៉ាង ពិសេសជាមួយអ្នកនៅក្បែរខ្លួនយើង
៤- ត្រូវគោរព មតិស្រប មតិផ្ទុយ មតិសំយោគ ដែលជាច្បាប់ដ៍ធំសម្រាប់ទ្រទ្រង់ដំណើរពិភពលោក។
ដេម៉ូគ្រីត មានកម្រិតវប្បធម៌ខ្ពស់ផ្នែកអក្សារសាស្ត្រ គាត់ជាអ្នកស្រាវជ្រាវទស្សនវិជ្ជា ឧតុនិយម គណិតវិទ្យា រូបវិទ្យា ជីវវិទ្យា និងសិល្ប៍វិជ្ជា។ ដេម៉ូគ្រីត ជាមនុស្សឈ្លាវៃ អាចសម្របសម្រួលការងារបានគ្រប់យ៉ាង ដែលលេនីន ឬអង់ហ្គែលក្តី បានចាត់ទុកដេម៉ូគ្រីជាមនុស្សសព្វវចនានុក្រម ព្រោះគាត់ចេះសព្វមុខវិជ្ជា៕
[ដកស្រង់ពីសៀវភៅ មេរៀនសង្ខេបទស្សនវិជ្ជាថ្នាក់ទី១១ ដែលរៀបរៀងដោយសាស្ត្រាចារ្យ នង ប៊ុនហេង]
© រក្សាសិទ្ធិដោយ thmeythmey.com