អន្តរជាតិ
×![]()
សហភាពអឺរ៉ុបប្រកាសថា ស្ថាប័នអឺរ៉ុបត្រៀមខ្លួនដើម្បីបន្តទណ្ឌកម្មប្រឆាំងរុស្ស៊ីក្នុងកិច្ចប្រជុំមកំពូលសហភាពអឺរ៉ុបនៅថ្ងៃអង្គារនិងថ្ងៃពុធនេះ ទោះបីជាមានការចាកចេញរបស់អង់គ្លេសពីសហភាពអឺរ៉ុបក៏ដោយ។ ប៉ុន្តែព្រឹទ្ធសភាអ៊ីតាលី បានបញ្ជាក់គោលជំហររបស់ខ្លួនហើយថា គ្មានការបន្តទណ្ឌកម្មប្រឆាំងរុស្ស៊ីជាស្វ័យប្រវត្តិឡើយ។
-
ប្រទេសមួយចំនួនដូចជាបារាំងដែលចង់សម្រួលទំនាក់ទំនងជាមួយរុស្ស៊ីក៏នៅស្ទាក់ស្ទើរ តែប្រទេសនេះព្យាយាមដើរទន្ទឹមអាល្លឺម៉ង់ និងប្រទេសអឺរ៉ុបមួយចំនួនទៀតក្នុងការរក្សាវិធានការដាក់សម្ពាធលើរុស្ស៊ី។ ថ្វីបើទណ្ឌកម្មនៅសល់មែន រុស្ស៊ីញញឺមបិទមាត់មិនជិតទេ ពេលឃើញអឺរ៉ុបបែកបាក់គ្នា និងគ្មានសំឡេងរួមគ្នា ហើយការដើរចេញរបស់អង់គ្លេសនេះទៀតសោតជាសារមួយសម្រាប់ក្រេមឡាំងថា អស់«អ្នកប្រឆាំងរុស្ស៊ីផ្កាប់មុខហើយ»ក្នុងសហភាពអឺរ៉ុប។
សូមស្តាប់ការបកស្រាយរបស់លោក សៅ ផលនិស្ស័យ ពាក់ព័ន្ធបញ្ហានេះ៖
កិច្ចប្រជុំកំពូលអឺរ៉ុបចាប់ផ្តើមពីថ្ងៃអង្គារទី ២៨ ដល់ថ្ងៃពុធ ទី២៩មិថុនា។ ប្រធានបទសំខាន់ដែលគ្របដណ្តប់របៀបវារៈនៃកិច្ចប្រជុំគឺ ការចាកចេញរបស់អង់គ្លេសពីសហភាពអឺរ៉ុប និងការសម្រេចបន្តទណ្ឌកម្មប្រឆាំងរុស្ស៊ីឬអត់។
រឿងចាកចេញពីសហភាពអឺរ៉ុប មេដឹកនាំអឺរ៉ុបព្រមានអង់គ្លេសរួចរាល់ហើយ ថាគ្មានការចរចាណាមួយកើតឡើងឡើយ បើគ្មានការអនុវត្តមាត្រា ៥០នៃសន្ធិសញ្ញា Lisbon ដើម្បីចាប់ផ្តើមនីតិវិធីចាកចេញជាផ្លូវការ។ ហើយមេដឹកនាំអឺរ៉ុបក៏ត្រូវជជែករកដំណោះស្រាយដើម្បីឆ្លើយតបបញ្ហាដែលកើតមានបន្តបន្ទាប់ក្រោយការចាកចេញ និងត្រូវរៀបចំសហភាពអឺរ៉ុបបែបណាទៀត កុំឲ្យបែកបាក់ និងដើម្បីរក្សាដំណើរការសមាហរណកម្មទៅមុខដោយរលូន។
ចំណែក ការសម្រេចចុងក្រោយ ថាគួរបញ្ចប់ទណ្ឌកម្មឬបន្តទណ្ឌកម្មប្រឆាំងរុស្ស៊ីនោះក៏នៅជារឿងចម្រូងចម្រាសនិងធ្វើឲ្យអឺរ៉ុបទាស់ទែងខ្វែងគំនិតកាន់តែខ្លាំង។ អ្នកខ្លះចង់ឲ្យដក ឯអ្នកខ្លះចង់ឲ្យដកដែរតែត្រូវបង្ខំចិត្តស្តាប់តាមគេ ហើយខ្លះទៀតចង់ឲ្យបន្តទណ្ឌកម្មនេះតែម្តង។ ប៉ុន្តែការដកខ្លួនចេញពីសហភាពអឺរ៉ុបរបស់ចក្រភពអង់គ្លេសដែលជាអ្នកប្រឆាំងរុស្ស៊ីខ្លាំងជាងគេនោះ គឺជាអ្វីដែលរុស្ស៊ីចង់លឺបំផុត។
១. អ៊ីតាលី៖ ទណ្ឌកម្មប្រឆាំងរុស្ស៊ីមិនបន្តដោយស្វ័យប្រវត្តិទេ
យោងតាមទីភ្នាក់ងារព័ត៌មានរុស្ស៊ី TASS ទាក់ទងបញ្ហាទណ្ឌកម្មប្រឆាំងរុស្ស៊ីនោះ ព្រឹទ្ធសភាអ៊ីតាលីបានសម្រេចហើយថា ការបន្តទណ្ឌកម្មប្រឆាំងរុស្ស៊ីដោយស្វ័យប្រវត្តិមិនអាចកើតមានឡើយ។ ចំណែករដ្ឋាភិបាលលោក Matteo Ranzi ក៏លើកឡើងស្រដៀងគ្នានេះដែរ។ នាយករដ្ឋមន្ត្រីរូបនេះបានបង្ហាញជំហររបស់អ៊ីតាលី ក្នុងការជំរុញឲ្យមានការដកទណ្ឌកម្មប្រឆាំងរុស្ស៊ី តាំងពីពេលលោកចូលរួមក្នុងវេទិកាសេដ្ឋកិច្ចដែលរៀបចំនៅទីក្រុង St Petersburg ម្ល៉េះ។ រដ្ឋដូចជាក្រិក និងអ៊ីតាលីជាដើមនោះសុទ្ធសឹងតែជារដ្ឋដែលចង់ឲ្យអឺរ៉ុបស្តារទំនាក់ទំនងជាមួយរុស្ស៊ីឡើងវិញ ដើម្បីប្រយោជន៍សេដ្ឋកិច្ច និងចៀសវាងការប្រឈមមុខដាក់គ្នាជាមួយមហាអំណាចដូចរុស្ស៊ី។
ទាក់ទិនទណ្ឌកម្មនេះដែរ យោងតាមសារព័ត៌មាន Euro Observer សហភាពអឺរ៉ុបប្រហែលជានឹងសម្រេចបន្តទណ្ឌកម្មក្នុងពេល៦ខែទៀត ទោះបីជាអង់គ្លេសចាកចេញក៏ដោយ។ ការធ្វើបែបនេះជាការបង្ហាញទៅកាន់រុស្ស៊ីថា នយោបាយការបរទេសអឺរ៉ុបមិនប្រែប្រួលឡើយ។ ប្រទេសបារាំងនិងអាល្លឺម៉ង់ មិនសូវជាប្រឆាំងរុស្ស៊ីទេ ហើយអ្នកនយោបាយបារាំងក៏ចង់ឲ្យមានការលើកស្ទួយទំនាក់ទំនងជាមួយរុស្ស៊ីឡើងវិញដែរ។ ប៉ុន្តែក្នុងនាមជាមេដឹកនាំអឺរ៉ុប ទាំងបារាំងនិងអាល្លឺម៉ង់ ត្រូវសម្រេចតាមមតិភាគច្រើន ហើយក៏ត្រូវជំរុញឲ្យមានការអនុវត្តកិច្ចព្រមព្រៀងទីក្រុង Minsk បានជោគជ័យសិន។ចង់មិនចង់ប្រទេសទាំងនេះត្រូវប្រឹងប្រែងបង្រួបបង្រួមអឺរ៉ុបក្នុងការប្រឈមមុខជាមួយរុស្ស៊ី។
២. លោក ពូទីន ញញឹមពេលអឺរ៉ុបបែកបាក់គ្នា និងថយចុះឥទ្ធិពល?
អឺរ៉ុបខ្វែងគំនិតគ្នា និងឈានដល់ការបែកបាក់គ្នាដោយចក្រភពអង់គ្លេសដកខ្លួនពីសហភាពអឺរ៉ុបផងនោះ ធ្វើឲ្យមានអ្នកខ្លះយំ អ្នកខ្លះសើច។ គេចោទសួរថា អឺរ៉ុបបែកបាក់គ្នា អ្នកណាញញឹម? ចម្លើយគឺវាប្រាកដជាប្រធានាធិបតីលោក វ្ល៉ាឌីមៀ ពូទីន និងបណ្តាមេដឹកនាំរុស្ស៊ីផ្សេងទៀតដែលឈរប្រឆាំងលោកខាងលិច និងឥទ្ធិពលអាមេរិកលើអឺរ៉ុបតែម្តង។
យោងតាមសារព័ត៌មាន CNN សូម្បីតែលោក ដេវីដ ខេមេរ៉ូន ខ្លួនឯងក៏ធ្លាប់និយាយលេងដែរ បើសិនជាលោកចាកចេញពីតំណែង អ្នកដែលសប្បាយចិត្តជាងគេប្រហែលជាលោក វ្ល៉ាឌីមៀ ពូទីននេះឯង។ចក្រភពអង់គ្លេស ត្រូវបានគេស្គាល់ច្បាស់ថា ជាអ្នកដែលមានជំហរប្រឆាំងរុស្ស៊ីខ្លាំងជាងគេបំផុត ហើយអង់គ្លេសក៏ជាអ្នកដែលតស៊ូរមតិទាមទារឲ្យអឺរ៉ុបរក្សាទុកទណ្ឌកម្មប្រឆាំងរុស្ស៊ីឲ្យស្ថិតស្ថេរមកដល់បច្ចុប្បន្នដែរ។
ក្រោយលទ្ធផលប្រជាមតិនៅអង់គ្លេសប្រកាសជាផ្លូវការ អភិបាលក្រុងម៉ូស្គូលោក Sergei Sobyanin បានសរសេរបង្ហោះតាមប្រព័ន្ធទំនាក់ទំនងសង្គម Twitter របស់ខ្លួនថា លោកមើលឃើញការដើរចេញពីសហភាពអឺរ៉ុបរបស់អង់គ្លេសនឹងជះ ឥទ្ធិពលវិជ្ជមានលើរុស្ស៊ី។ លោកពន្យល់បន្ថែមថាវិជ្ជមាននោះគឺ គ្មានចក្រភពអង់គ្លេសក្នុងសហភាពអឺរ៉ុប បញ្ជាក់ច្បាស់ថា គ្មានអ្នកក្រោកឈរតស៊ូរមតិឲ្យបន្តទណ្ឌកម្មប្រឆាំងរុស្ស៊ីទៀតឡើយ។
យោងតាមសារព័ត៌មាន Washington Post អតីតឯកអគ្គរដ្ឋទូតអាមេរិកប្រចាំរុស្ស៊ី Michael McFaul បានអះអាងថា ការចាកចេញរបស់អង់គ្លេសជាជ័យជម្នះមួយរបស់លោក ពូទីន។ លោកសង្កត់ធ្ងន់ថា មិនមែនលោក ពូទីន ជាអ្នកធ្វើឲ្យអង់គ្លេសចាកចេញឡើយ ប៉ុន្តែកម្មវត្ថុនៃគោលនយោបាយការបរទេសរបស់លោក ពូទីន គឺទាញយកប្រយោជន៍ពីការបែកបាក់គ្នានេះតែម្តង។
ទោះមានការបកស្រាយឬលើកឡើងបែបនេះក្តី វិមានក្រេមឡាំងនៅតែរក្សាជំហរអព្យាក្រឹត្យដោយបញ្ជាក់ច្បាស់ថាខ្លួនគ្មាន ទស្សនៈនិងការយល់ឃើញបែបណាចំពោះការសម្រេចរបស់ប្រជាជនអង់គ្លេសឡើយ។ តែផ្ទុយទៅវិញមន្ត្រីជាន់ខ្ពស់ក្រុងម៉ូស្គូបានពន្យល់ទៅវិញថា រុស្ស៊ីបារម្ភពីផលប៉ះពាល់ដែលបណ្តាលមកពីការបែកខ្ញែកគ្នារវាងសមាជិកអឺរ៉ុបទៅវិញទេ។
តាមពិតទៅ ការចាកចេញរបស់អង់គ្លេសធ្វើឲ្យអាមេរិកឈឺក្បាល ព្រោះនយោបាយការបរទេសអឺរ៉ុបអាចនឹងប្រែប្រួលផង។ អាចថាអាមេរិកនឹងថមថយឥទិ្ធពលលើការសម្រេចចិត្តរបស់សហភាពអឺរ៉ុប។ ជាឧទាហរណ៍ជាក់ស្តែង នយោបាយប្រឆាំងនិងដាក់គំនៀបលើរុស្ស៊ីតែម្តង។ ដោយសារបញ្ហានេះហើយ ម្សិលមិញនេះ ប្រមុខការទូតអាមេរិកលោក ចន ឃែរី ត្រហេប ត្រហបទៅចូលរួមក្នុងកិច្ចពិភាក្សានៅប៊ែកឡាំងជុំវិញការស្វែងរកដំណោះស្រាយឆ្លើយតបការចាកចេញរបស់អង់គ្លេស។ លោក ឃែរី បានបញ្ជាក់ជាថ្មីថា សហរដ្ឋអាមេរិកចង់ឲ្យអឺរ៉ុបរួបរួមគ្នា និងសាមគ្គីគ្នា ព្រោះកាលណាបើមានការបន្តបែកខ្ញែកគ្នានេះ នយោបាយការបរទេស និងឥទ្ធិពលរបស់អឺរ៉ុបក៏ថយចុះដែរ៕
-
ប្រទេសមួយចំនួនដូចជាបារាំងដែលចង់សម្រួលទំនាក់ទំនងជាមួយរុស្ស៊ីក៏នៅស្ទាក់ស្ទើរ តែប្រទេសនេះព្យាយាមដើរទន្ទឹមអាល្លឺម៉ង់ និងប្រទេសអឺរ៉ុបមួយចំនួនទៀតក្នុងការរក្សាវិធានការដាក់សម្ពាធលើរុស្ស៊ី។ ថ្វីបើទណ្ឌកម្មនៅសល់មែន រុស្ស៊ីញញឺមបិទមាត់មិនជិតទេ ពេលឃើញអឺរ៉ុបបែកបាក់គ្នា និងគ្មានសំឡេងរួមគ្នា ហើយការដើរចេញរបស់អង់គ្លេសនេះទៀតសោតជាសារមួយសម្រាប់ក្រេមឡាំងថា អស់«អ្នកប្រឆាំងរុស្ស៊ីផ្កាប់មុខហើយ»ក្នុងសហភាពអឺរ៉ុប។
សូមស្តាប់ការបកស្រាយរបស់លោក សៅ ផលនិស្ស័យ ពាក់ព័ន្ធបញ្ហានេះ៖
កិច្ចប្រជុំកំពូលអឺរ៉ុបចាប់ផ្តើមពីថ្ងៃអង្គារទី ២៨ ដល់ថ្ងៃពុធ ទី២៩មិថុនា។ ប្រធានបទសំខាន់ដែលគ្របដណ្តប់របៀបវារៈនៃកិច្ចប្រជុំគឺ ការចាកចេញរបស់អង់គ្លេសពីសហភាពអឺរ៉ុប និងការសម្រេចបន្តទណ្ឌកម្មប្រឆាំងរុស្ស៊ីឬអត់។
រឿងចាកចេញពីសហភាពអឺរ៉ុប មេដឹកនាំអឺរ៉ុបព្រមានអង់គ្លេសរួចរាល់ហើយ ថាគ្មានការចរចាណាមួយកើតឡើងឡើយ បើគ្មានការអនុវត្តមាត្រា ៥០នៃសន្ធិសញ្ញា Lisbon ដើម្បីចាប់ផ្តើមនីតិវិធីចាកចេញជាផ្លូវការ។ ហើយមេដឹកនាំអឺរ៉ុបក៏ត្រូវជជែករកដំណោះស្រាយដើម្បីឆ្លើយតបបញ្ហាដែលកើតមានបន្តបន្ទាប់ក្រោយការចាកចេញ និងត្រូវរៀបចំសហភាពអឺរ៉ុបបែបណាទៀត កុំឲ្យបែកបាក់ និងដើម្បីរក្សាដំណើរការសមាហរណកម្មទៅមុខដោយរលូន។
ចំណែក ការសម្រេចចុងក្រោយ ថាគួរបញ្ចប់ទណ្ឌកម្មឬបន្តទណ្ឌកម្មប្រឆាំងរុស្ស៊ីនោះក៏នៅជារឿងចម្រូងចម្រាសនិងធ្វើឲ្យអឺរ៉ុបទាស់ទែងខ្វែងគំនិតកាន់តែខ្លាំង។ អ្នកខ្លះចង់ឲ្យដក ឯអ្នកខ្លះចង់ឲ្យដកដែរតែត្រូវបង្ខំចិត្តស្តាប់តាមគេ ហើយខ្លះទៀតចង់ឲ្យបន្តទណ្ឌកម្មនេះតែម្តង។ ប៉ុន្តែការដកខ្លួនចេញពីសហភាពអឺរ៉ុបរបស់ចក្រភពអង់គ្លេសដែលជាអ្នកប្រឆាំងរុស្ស៊ីខ្លាំងជាងគេនោះ គឺជាអ្វីដែលរុស្ស៊ីចង់លឺបំផុត។
១. អ៊ីតាលី៖ ទណ្ឌកម្មប្រឆាំងរុស្ស៊ីមិនបន្តដោយស្វ័យប្រវត្តិទេ
យោងតាមទីភ្នាក់ងារព័ត៌មានរុស្ស៊ី TASS ទាក់ទងបញ្ហាទណ្ឌកម្មប្រឆាំងរុស្ស៊ីនោះ ព្រឹទ្ធសភាអ៊ីតាលីបានសម្រេចហើយថា ការបន្តទណ្ឌកម្មប្រឆាំងរុស្ស៊ីដោយស្វ័យប្រវត្តិមិនអាចកើតមានឡើយ។ ចំណែករដ្ឋាភិបាលលោក Matteo Ranzi ក៏លើកឡើងស្រដៀងគ្នានេះដែរ។ នាយករដ្ឋមន្ត្រីរូបនេះបានបង្ហាញជំហររបស់អ៊ីតាលី ក្នុងការជំរុញឲ្យមានការដកទណ្ឌកម្មប្រឆាំងរុស្ស៊ី តាំងពីពេលលោកចូលរួមក្នុងវេទិកាសេដ្ឋកិច្ចដែលរៀបចំនៅទីក្រុង St Petersburg ម្ល៉េះ។ រដ្ឋដូចជាក្រិក និងអ៊ីតាលីជាដើមនោះសុទ្ធសឹងតែជារដ្ឋដែលចង់ឲ្យអឺរ៉ុបស្តារទំនាក់ទំនងជាមួយរុស្ស៊ីឡើងវិញ ដើម្បីប្រយោជន៍សេដ្ឋកិច្ច និងចៀសវាងការប្រឈមមុខដាក់គ្នាជាមួយមហាអំណាចដូចរុស្ស៊ី។
ទាក់ទិនទណ្ឌកម្មនេះដែរ យោងតាមសារព័ត៌មាន Euro Observer សហភាពអឺរ៉ុបប្រហែលជានឹងសម្រេចបន្តទណ្ឌកម្មក្នុងពេល៦ខែទៀត ទោះបីជាអង់គ្លេសចាកចេញក៏ដោយ។ ការធ្វើបែបនេះជាការបង្ហាញទៅកាន់រុស្ស៊ីថា នយោបាយការបរទេសអឺរ៉ុបមិនប្រែប្រួលឡើយ។ ប្រទេសបារាំងនិងអាល្លឺម៉ង់ មិនសូវជាប្រឆាំងរុស្ស៊ីទេ ហើយអ្នកនយោបាយបារាំងក៏ចង់ឲ្យមានការលើកស្ទួយទំនាក់ទំនងជាមួយរុស្ស៊ីឡើងវិញដែរ។ ប៉ុន្តែក្នុងនាមជាមេដឹកនាំអឺរ៉ុប ទាំងបារាំងនិងអាល្លឺម៉ង់ ត្រូវសម្រេចតាមមតិភាគច្រើន ហើយក៏ត្រូវជំរុញឲ្យមានការអនុវត្តកិច្ចព្រមព្រៀងទីក្រុង Minsk បានជោគជ័យសិន។ចង់មិនចង់ប្រទេសទាំងនេះត្រូវប្រឹងប្រែងបង្រួបបង្រួមអឺរ៉ុបក្នុងការប្រឈមមុខជាមួយរុស្ស៊ី។
២. លោក ពូទីន ញញឹមពេលអឺរ៉ុបបែកបាក់គ្នា និងថយចុះឥទ្ធិពល?
អឺរ៉ុបខ្វែងគំនិតគ្នា និងឈានដល់ការបែកបាក់គ្នាដោយចក្រភពអង់គ្លេសដកខ្លួនពីសហភាពអឺរ៉ុបផងនោះ ធ្វើឲ្យមានអ្នកខ្លះយំ អ្នកខ្លះសើច។ គេចោទសួរថា អឺរ៉ុបបែកបាក់គ្នា អ្នកណាញញឹម? ចម្លើយគឺវាប្រាកដជាប្រធានាធិបតីលោក វ្ល៉ាឌីមៀ ពូទីន និងបណ្តាមេដឹកនាំរុស្ស៊ីផ្សេងទៀតដែលឈរប្រឆាំងលោកខាងលិច និងឥទ្ធិពលអាមេរិកលើអឺរ៉ុបតែម្តង។
យោងតាមសារព័ត៌មាន CNN សូម្បីតែលោក ដេវីដ ខេមេរ៉ូន ខ្លួនឯងក៏ធ្លាប់និយាយលេងដែរ បើសិនជាលោកចាកចេញពីតំណែង អ្នកដែលសប្បាយចិត្តជាងគេប្រហែលជាលោក វ្ល៉ាឌីមៀ ពូទីននេះឯង។ចក្រភពអង់គ្លេស ត្រូវបានគេស្គាល់ច្បាស់ថា ជាអ្នកដែលមានជំហរប្រឆាំងរុស្ស៊ីខ្លាំងជាងគេបំផុត ហើយអង់គ្លេសក៏ជាអ្នកដែលតស៊ូរមតិទាមទារឲ្យអឺរ៉ុបរក្សាទុកទណ្ឌកម្មប្រឆាំងរុស្ស៊ីឲ្យស្ថិតស្ថេរមកដល់បច្ចុប្បន្នដែរ។
ក្រោយលទ្ធផលប្រជាមតិនៅអង់គ្លេសប្រកាសជាផ្លូវការ អភិបាលក្រុងម៉ូស្គូលោក Sergei Sobyanin បានសរសេរបង្ហោះតាមប្រព័ន្ធទំនាក់ទំនងសង្គម Twitter របស់ខ្លួនថា លោកមើលឃើញការដើរចេញពីសហភាពអឺរ៉ុបរបស់អង់គ្លេសនឹងជះ ឥទ្ធិពលវិជ្ជមានលើរុស្ស៊ី។ លោកពន្យល់បន្ថែមថាវិជ្ជមាននោះគឺ គ្មានចក្រភពអង់គ្លេសក្នុងសហភាពអឺរ៉ុប បញ្ជាក់ច្បាស់ថា គ្មានអ្នកក្រោកឈរតស៊ូរមតិឲ្យបន្តទណ្ឌកម្មប្រឆាំងរុស្ស៊ីទៀតឡើយ។
យោងតាមសារព័ត៌មាន Washington Post អតីតឯកអគ្គរដ្ឋទូតអាមេរិកប្រចាំរុស្ស៊ី Michael McFaul បានអះអាងថា ការចាកចេញរបស់អង់គ្លេសជាជ័យជម្នះមួយរបស់លោក ពូទីន។ លោកសង្កត់ធ្ងន់ថា មិនមែនលោក ពូទីន ជាអ្នកធ្វើឲ្យអង់គ្លេសចាកចេញឡើយ ប៉ុន្តែកម្មវត្ថុនៃគោលនយោបាយការបរទេសរបស់លោក ពូទីន គឺទាញយកប្រយោជន៍ពីការបែកបាក់គ្នានេះតែម្តង។
ទោះមានការបកស្រាយឬលើកឡើងបែបនេះក្តី វិមានក្រេមឡាំងនៅតែរក្សាជំហរអព្យាក្រឹត្យដោយបញ្ជាក់ច្បាស់ថាខ្លួនគ្មាន ទស្សនៈនិងការយល់ឃើញបែបណាចំពោះការសម្រេចរបស់ប្រជាជនអង់គ្លេសឡើយ។ តែផ្ទុយទៅវិញមន្ត្រីជាន់ខ្ពស់ក្រុងម៉ូស្គូបានពន្យល់ទៅវិញថា រុស្ស៊ីបារម្ភពីផលប៉ះពាល់ដែលបណ្តាលមកពីការបែកខ្ញែកគ្នារវាងសមាជិកអឺរ៉ុបទៅវិញទេ។
តាមពិតទៅ ការចាកចេញរបស់អង់គ្លេសធ្វើឲ្យអាមេរិកឈឺក្បាល ព្រោះនយោបាយការបរទេសអឺរ៉ុបអាចនឹងប្រែប្រួលផង។ អាចថាអាមេរិកនឹងថមថយឥទិ្ធពលលើការសម្រេចចិត្តរបស់សហភាពអឺរ៉ុប។ ជាឧទាហរណ៍ជាក់ស្តែង នយោបាយប្រឆាំងនិងដាក់គំនៀបលើរុស្ស៊ីតែម្តង។ ដោយសារបញ្ហានេះហើយ ម្សិលមិញនេះ ប្រមុខការទូតអាមេរិកលោក ចន ឃែរី ត្រហេប ត្រហបទៅចូលរួមក្នុងកិច្ចពិភាក្សានៅប៊ែកឡាំងជុំវិញការស្វែងរកដំណោះស្រាយឆ្លើយតបការចាកចេញរបស់អង់គ្លេស។ លោក ឃែរី បានបញ្ជាក់ជាថ្មីថា សហរដ្ឋអាមេរិកចង់ឲ្យអឺរ៉ុបរួបរួមគ្នា និងសាមគ្គីគ្នា ព្រោះកាលណាបើមានការបន្តបែកខ្ញែកគ្នានេះ នយោបាយការបរទេស និងឥទ្ធិពលរបស់អឺរ៉ុបក៏ថយចុះដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
