ជាតិ
អន្តរជាតិ
សកម្មជនដែលធ្លាប់ស្រែកថា «ហ៊ុន សែន អើយ ចុះចេញទៅ!» បានការសរសើពីសម្តេច
× សម្ដេចនាយករដ្ឋមន្ត្រី ហ៊ុន សែន បានអំពាវនាវឲ្យស្ថាប័នពាក់ព័ន្ធ អង្គការសង្គមស៊ីវិល និងប្រជាពលរដ្ឋ ចូលរួមការពារព្រៃឈើដែលនៅសេសសល់បច្ចុប្បន្ន។ ប្រមុខរដ្ឋាភិបាល បញ្ជាក់ថា បញ្ហាកាប់ព្រៃឈើ គឺជារឿងស្មុគស្មាញ ដែលបង្កការឈឺក្បាល ដល់សម្ដេច។
ក្នុងទិវាមច្ឆាជាតិលើកទី១៤ នៅខេត្តកំពង់ស្ពឺព្រឹកនេះ នាយករដ្ឋមន្ត្រី ហ៊ុន សែន ក៏បានលើកពីសកម្មភាពកញ្ញា ធី សុវណ្ណថា ដែលបានដឹកនាំក្រុមយុវជន ប្រជាពលរដ្ឋទៅកាន់តំបន់អារ៉ែងកន្លងមក ដោយសម្ដេច ចាត់ទុកសកម្មភាពកញ្ញា ធី សុវណ្ណថា ជាការចូលរួមការពារព្រៃឈើ ដែលគួរតែត្រូវបានការលើកទឹកចិត្ត។ ក្រៅពីកញ្ញា ធី សុវណ្ណថា នោះ ប្រមុខរដ្ឋាភិបាល ក៏បានលើកពីសកម្មភាពតារាចម្រៀងកញ្ញា មាស សុខសោភា ដែលធ្លាប់ធ្វើសកម្មភាព បំបួសដើមឈើផងដែរ។
សូមស្ដាប់ប្រសាសន៍សម្ដេច ហ៊ុន សែន ៖
គួរបញ្ជាក់ថា ក្រៅពីមានសកម្មភាពក្នុងការការពារព្រៃឈើនោះ កញ្ញា ធី សុវណ្ណថា បានចេញមុខយ៉ាងសកម្មក្នុងរឿងនយោបាយ ក្រោយពីការបោះឆ្នោតអាណត្តិទី៥ កាលឆ្នាំ២០១៣កន្លងមកដែរ។ កញ្ញា ធី សុវណ្ណថា ជាសកម្មជននយោបាយប្រឆាំងរដ្ឋាភិបាលមួយរូប និងតែងតែស្រែកទាមទារឲ្យសម្ដេចនាយករដ្ឋមន្ត្រី ហ៊ុន សែន ចុះចេញពីតំណែង ក្រោមពាក្យថា«ហ៊ុន សែន អើយ ចុះចេញទៅ!»។
ប៉ុន្ដែនៅពេលនេះ កញ្ញា ធី សុវណ្ណថា ក៏នៅតែជាសកម្មជននយោបាយដែរ តែនាងចេញមុខប្រឆាំងនឹងគណបក្សសង្គ្រោះជាតិវិញម្ដង សម្រាប់ការបោះឆ្នោតអាណត្តិទី៦ ឆ្នាំ២០១៨ខាងមុខនេះ។ កញ្ញា ធី សុវណ្ណថា ក៏បានប្ដឹងឯកឧត្តម កឹម សុខា ពីបទ «បរិហាកេរ្ត៍» ផងដែរ៕
Tag:
ហ៊ុន សែន
កញ្ញា ធី សុវណ្ណថា
© រក្សាសិទ្ធិដោយ thmeythmey.com