អន្តរជាតិ
នយោបាយអន្តរជាតិ
កូរ៉េខាងជើង បាញ់មីស៊ីលបីគ្រាប់ ក្រោយកូរ៉េខាងត្បូងប្រកាសដំឡើងខែលTHAAD
កូរ៉េខាងជើង បាញ់មីស៊ីល (ប្រភពរូបភាព EPA)
×![]()
ដោយ: ថ្មីៗ
ក្រុងព្យុងយ៉ាង នៅព្រឹកថ្ងៃអង្គារទី១៩ខែកក្កដានេះ បានបាញ់មីស៊ីលបីគ្រាប់ជាថ្មី ដែលសកម្មភាពនេះ បាននិងកំពុងតែបំពានទៅនឹងបម្រាបសហគមន៍អន្តរជាតិជាថ្មី។ ការបាញ់សាកល្បងនេះដែរ ត្រូវបានមើលឃើញថាជាប្រតិកម្មជាលើកដំបូងក្រោយនៃការប្រកាសដំឡើងខែលការពារមីស៊ីលរបស់អាមេរិកនៅកូរ៉េខាងត្បូង។
សេនាធិការកូរ៉េខាងត្បូង បានអះអាងនៅក្នុងសេចក្តីថ្លែងការណ៍ នៅថ្ងៃអង្គារនេះ ថា មីស៊ីលបីគ្រាប់ដែលបាញ់ដោយកូរ៉េខាងជើង បានបាញ់ចេញឡើងពីភាគីលិចនៃក្រុង Hwangju ដែលដាលបានចម្ងាយចម្លោះ៥០០ទៅ៦០០គីឡូម៉ែតឆ្ពោះទៅកាន់សមុទ្រជប៉ុន។ នេះបើយោងតាមភ្នាក់ងារព័ត៌មាន AFP។
បើតាមសេចក្តីថ្លែងការណ៍ដដែលនោះ មីស៊ីលដែលបានបាញ់នោះ អាចជាប្រភេទមីស៊ីល SCUD ដែលមានសមត្ថភាពអាចបាញ់ទៅដល់កូរ៉េខាងត្បូងទៀតផង។ តែយ៉ាងណាក៏ដោយ យោធាកូរ៉េខាងត្បូង បានអះអាងថា ពួកគេ កំពុងតែតាមដានយ៉ាងយកចិត្តទុកដាក់ពីសកម្មភាពរបស់កូរ៉េខាងជើង។
សូមជម្រាបផងដែរថា ក្រោយអាមេរិក និងកូរ៉េខាងត្បូង ព្រមព្រៀងគ្នាក្នុងការដំឡើងប្រព័ន្ធការពារមីស៊ីលTHAADរបស់អាមេរិកនៅក្នុងទឹកដីកូរ៉េខាងត្បូងនៅថ្ងៃទី០៨ ខែកក្កដាកន្លងទៅ កូរ៉េខាងជើង ក៏បានប្រតិកម្មភា្លមៗគ្នានោះដែរ ដោយបានអះអាងថា កូរ៉េខាងជើង នឹងមានការឆ្លើយតបផ្នែកយោធាវិញ នៅពេលដែល ភាគីទាំងពីរកំណត់យកកន្លែងដើម្បីដំឡើងប្រព័ន្ធការពារនោះ។
ចុងក្រោយ អាមេរិក និងកូរ៉េខាត្បូង នៅថ្ងៃទី១៣ ខែកក្កដាកន្លងទៅ ក្រសួងកាពារជាតិកូរ៉េខាងត្បួង បានប្រកាសថា ប្រព័ន្ធការពារមីស៊ីល THAAD នឹងត្រូវដាក់នៅតំបន់ Seongju ដែលស្ថិតនៅភាគខាងត្បូងប្រទេសដែលប្រព័ន្ធការពារនេះ នឹងជួយពង្រឹងសមត្ថភាពរបស់យោធាក៏ដូចជាសុវត្ថិភាពប្រជាជនក្នុងស្រុកពីការគំរាមកំហែងពីកូរ៉េខាងជើង។ ហើយវា ក៏គួរតែដល់ពេលកូរ៉េខាងជើង ចេញសកម្មភាពជាថ្មីដូចការសន្យារបស់ខ្លួនហើយ៕
Tag:
កូរ៉េខាងជើង
កូរ៉េខាងត្បូង
© រក្សាសិទ្ធិដោយ thmeythmey.com
