ពីនេះ ពីនោះ
តើពាក្យ«ឯកអគ្គរដ្ឋទូត និង ឯកអគ្គរាជទូត» មានលក្ខណៈខុសគ្នាដូចម្ដេច?
× វចនានុក្រមខ្មែរសម្ដេច ព្រះសង្ឃរាជ ជួន ណាត បានកំណត់អត្ថន័យនៃពាក្យទាំងពីនេះដូចខាងក្រោម៖
ពាក្យ« ឯកអគ្គរដ្ឋទូត» មានថ្នាក់ពាក្យជា នាម មានន័យថា រដ្ឋទូតឫរាជទូតថ្នាក់ខ្ពស់(សុទ្ធតែមានឋានៈជាឯកឧត្ដម )។ ឯកអគ្គរដ្ឋទូត ជាមន្ត្រីថ្នាក់ខ្ពស់ដែលត្រូវបានរដ្ឋាភិបាលចាត់ជាតំណាងប្រទេសខ្លួន ទៅប្រចាំការក្នុងប្រទេសមួយទៀត ដើម្បីផ្សារភ្ជាប់ទំនាក់ទំនងកិច្ចការទូតរវាងគ្នានឹងគ្នា។
ចំណែកពាក្យថា«ឯកអគ្គរាជទូត»វិញ មានថ្នាក់ពាក្យជានាម មានន័យថា មន្ត្រីជាន់ខ្ពស់ដែលរាជរដ្ឋាភិបាលចាត់តាំងឲ្យទៅជាតំណាងនៅក្នុងប្រទេសណាមួយ ដើម្បីផ្សារភ្ជាប់ទំនាក់ទំនងកិច្ចការទូតរវាងគ្នានឹងគ្នា។
ពាក្យទាំងពីនេះ មានអត្ថន័យដូចគ្នា ប៉ុន្តែភាពខុសគ្នាគឺនៅត្រង់ ឯកអគ្គរាជទូត គឺជាមន្ត្រីដែលប្រទេសរបស់ខ្លួនមានស្ដេចគ្រងរាជ្យ។
ដកស្រង់ពីវចនានុក្រមខ្មែរសម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com