មនុស្សស្រីភាគច្រើន រួមទាំងបុរសទៀតនោះ តែងតែចូលចិត្តការបរបោសអង្អែល មុនពេលរួមភេទ ជាជាងការរួមភេទតែម្តង ព្រោះថា វានឹងផ្តល់ឲ្យអ្នកនូវឱកាសច្រើន ដើម្បីប៉ះពាល់ដល់រាងកាយរបស់ដៃគូ និងរកកន្លែងដែលសុខស្រួល របស់គ្នាទៅវិញទៅមកទៀតផង។ ទោះបីជាយ៉ាងណាក៏ដោយ មានរឿងមួយចំនួនដែលខាងប្រុស គប្បីណាកុំប្រព្រឹត្តិអី ក្នុងដំណាក់កាលបរបោសអង្អែល មុនពេលរួមភេទនេះ ដើម្បីកុំឲ្យខាងស្រីខឹង ឬលែងមានអារម្មណ៍ ចំពោះអ្នកទៀត។
រុញក្បាលនាងចុះក្រោម
ចូរមិនត្រូវរុញក្បាលនាងចុះក្រោម ដើម្បីបម្រើអារម្មណ៍អ្នកនៅខាងក្រោមឡើយ។ វាអាចជារឿងដ៏សំខាន់មួយ ដែលនាំឲ្យអ្នកលែងមានចំណង់ជាមួយអ្នកបាន។ យ៉ាងណាមិញ បើសិនជាអ្នកចង់ធ្វើបែបនេះមែន អ្នកគួរតែសួរនាងជាមុនសិនថា អាចធ្វើបាន ឬអត់។
ស្ទាប ឬលេងសុដន់នាងខ្លាំងៗពេក
យើងដឹងហើយថា អ្នកពិតជាមានការភ្ញាក់ផ្អើល ក្នុងការមើលឃើញសុដន់ដ៏ទ្រលុកទ្រលន់របស់នាង និងចង់ស្ទាបអង្អែលវាណាស់ ប៉ុន្តែ មិនមែនមានន័យថា អ្នកត្រូវតែអង្អែល ឬលេងវាដូចច្របាច់បាល់ឡើយ។ មិនត្រូវចាប់មួល និងទាញក្បាលសុដន់ខ្លាំងៗពេកឡើយ ព្រោះវាអាចជារឿងនាំឲ្យឈឺចាប់ខ្លាំងបាន។
អ្នកប៉ះកន្លែងខុស
បើសិនជាខាងស្រីប្រាប់អ្នកថា នាងមិនចូលចិត្តពេលអ្នកត្រដុស ដដែលៗនៅលើពោះ ឬភ្លៅ ឬកន្លែងណាផ្សេងៗទៀត នៃរាងកាយរបស់នាងហើយ អ្វីដែលអ្នកត្រូវធ្វើនោះ គឺបញ្ឈប់វាភ្លាមៗទៅ។ ពេលនោះនាងនឹងមានអារម្មណ៍កាន់តែខ្លាំងបន្ថែមទៀត ចំពោះអ្នកហើយ។
ប្រើម្រាមដៃជ្រុលពេក
អ្នកប្រហែលជាធ្លាប់អានអត្ថបទរបស់យើង ទាក់ទងនឹងសារៈសំខាន់ នៃការភ្ញោចលើសេរ (Clitoris) ហើយ ប៉ុន្តែ មិនត្រូវធ្វើវាខ្លាំងពេកទេ។ សេររបស់មនុស្សស្រី គឺជាកន្លែងដែលមានរំញោចខ្លាំងបំផុត ហើយការភ្ញោចលើកន្លែងនេះជាប់រហូត ឬខ្លាំងៗពេក មិនត្រឹមតែធ្វើឲ្យមិនអាចឈានដល់ចំណុចកំពូលទេ តែថែមទាំងបង្កការឈឺចាប់ទៀតផង។ ដូច្នេះ អ្វីដែលគួរធ្វើទៅថ្នមៗ និងសុំការណែនាំពីនាង។
ប្រើអំណាចពេក
វាពិតជាគ្មានអ្វីខុសឡើយ ក្នុងការប្រាប់នាងនូវអ្វី ដែលអ្នកចង់បានពេលឡើងគ្រែ និងផ្តល់នូវការណែនាំមួយចំនួន ប៉ុន្តែ មុនពេលអ្នកចង់សាកល្បង អ្វីៗដែលថ្មីនោះ ចូរសួរយោបល់នាងជាមុនសិនថា តើនាងអាចនឹងមានផាសុកភាព ចំពោះវាដែរឬអត់។ មិនត្រូវគិតថា នាងប្រាកដថាជាពេញចិត្តរហូតនោះទេ។
មានលក្ខណៈប្រញាប់ពេក
បើសិនជា អ្វីៗទាំងអស់ដែលអ្នកគិតនោះ គឺគ្រាន់តែចង់រួមភេទជាមួយនាងទេ ហើយអ្នកមិនចង់ឲ្យការបរបោសអង្អែល មុនពេលរួមភេទមានរយៈពេលយូរជាងបី ឬប្រាំនាទីទេនោះ អាចនិយាយបានថា នាងពិតជាមិនពេញចិត្តនឹងអ្នកឡើយ។
ស្ងៀមស្ងាត់ពេក ឬនិយាយច្រើនពេក
ការបរបោសអង្អែល មុនពេលរួមភេទ គឺជារឿងសប្បាយមួយនៅពេលអ្នក និងដៃគូនិយាយបនិ្តចបន្តួច នូវអ្វីដែលកំពុងតែធ្វើឲ្យអ្នក មានអារម្មណ៍នឹងគ្នា។ ការដែលនៅស្ងៀមស្ងាត់ពេក នៅពេលឡើងគ្រែ អាចនឹងធ្វើឲ្យខាងស្រីឆ្ងល់បាន ប៉ុន្តែ ការនិយាយច្រើនពេក ក៏អាចធ្វើឲ្យអ្នកនាងអស់អារម្មណ៍បានដែរ។ ដូច្នេះ ត្រូវតែធ្វើយ៉ាងណា ឲ្យមានតុល្យភាព។
ត្រួតពិនិត្យដោយ www.health.com.kh