ប្រធានរដ្ឋសភាកម្ពុជា នឹងធ្វើទស្សនកិច្ចនៅប្រទេសចិន

ជាតិ

សង្គមជាតិ

ប្រធានរដ្ឋសភាកម្ពុជា នឹងធ្វើទស្សនកិច្ចនៅប្រទេសចិន

22, Jul 2016 , 6:07 pm

រូបភាព

ដោយ: ថ្មីៗ

ភ្នំពេញ៖ សម្តេច ហេង សំរិន ប្រធានរដ្ឋសភា នឹងដឹកនាំគណៈប្រតិភូទៅធ្វើទស្សនកិច្ចជាផ្លូវការ នៅសាធារណរដ្ឋប្រជាមានិតចិន ចាប់ពីថ្ងៃទី២៥ ដល់ថ្ងៃទី២៩ ខែកក្កដា ឆ្នាំ២០១៦។ នេះបើតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា ចុះថ្ងៃទី២២ ខែកក្កដានេះ។

ក្នុងអំឡុងពេលនៃទស្សនកិច្ច សម្តេច ហេង សំរិន រួមទាំងគណៈប្រតិភូ នឹងជួបពិភាក្សាការងារជាមួយនឹងភាគីនៃសាធារណរដ្ឋប្រជាមានិតចិន។ ថ្នាក់ដឹកនាំជាន់ខ្ពស់មួយចំនួននៃប្រទេសចិន ដែលនឹងជួបជាមួយគណៈប្រតិភូនៃរដ្ឋសភាកម្ពុជា រួមមាន លោក Li Yuanchaoអនុប្រធានាធិបតី, លោក Yu Zhengshengប្រធានក្រុមប្រឹក្សាពិគ្រោះយោបល់នយោបាយ និងលោក Zhang Dejiangប្រធានសភាប្រជាជនចិន។

ក្រៅពីជំនួបជាមួយឥស្សរជនទាំងនោះ ភាគីកម្ពុជា ក៏នឹងមានកិច្ចប្រជុំជាមួយប្រធានគណៈកម្មាធិការអចិន្ត្រៃយ៍ នៃសភាប្រជាជនចិននៃខេត្តក្វាងស៊ី ផងដែរ។លើសពីនេះ ភាគីនៃប្រទេសទាំងពីរ ក៏នឹងបើកកិច្ចប្រជុំរវាង អគ្គលេខាធិការរដ្ឋសភាកម្ពុជា និងអគ្គលេខាធិការរដ្ឋសភាចិន ថែមទៀត៕