កីឡាអន្តរជាតិ
អន្តរជាតិ
Pogba ឈានដល់ការពិនិត្យសុខភាពនៅ Man Utd
× ខ្សែបម្រើ Paul Pogba នឹងត្រឡប់មកកាន់ទឹកដី Old Trafford វិញបន្ទាប់ពីក្លិបបិសាចក្រហម Manchester United យល់ព្រមលើកិច្ចព្រមព្រៀងក្នុងតម្លៃផ្ទេរខ្ពស់បំផុតលើលោក១០០លានផោន ប្រហែលជាង១៣០លានដុល្លារអាមេរិក ពីក្លិបជើងឯកអ៊ីតាលី Juventus កាលពីម្សិលមិញ។ នេះបើយោងតាមការចុះផ្សាយរបស់ dailymail។
ក្រោយពី Juventus ទិញបានខ្សែប្រយុទ្ធ Gonzalo Higuain ពី Napoli ក្នុងតម្លៃថ្លៃជាងគេនៅអ៊ីតាលីនោះ មានន័យថាបិសាចក្រហមមានឱកាសច្រើនដើម្បីនាំយកអតីតខ្សែបម្រើវ័យ២៣ឆ្នាំ ដែលចាកចេញពីMan Utd ដោយគ្មានតម្លៃខ្លួន កាលពីឆ្នាំ២០១២នេះ ត្រឡប់មកពង្រឹងក្លិបឡើងវិញបាន ក្រោមការដឹកនាំរបស់អ្នកចាត់ការថ្មី Jose Mourinho ដែលគេជឿជាក់ថាPogba នឹងទទួលបានថ្លៃឈ្នួលខ្ពស់ប្រចាំសប្តាហ៍ ២៩សែនផោន ស្មើនឹង ជាង៣៨សែនដុល្លារអាមេរិក។
កិច្ចព្រមព្រៀងសម្រាប់ខ្សែបម្រើអន្តរជាតិបារាំង ត្រូវបានរំពឹងថានឹងរៀបចំចប់សប់គ្រប់ និងឈានដល់ការពិនិត្យសុខភាពនៅថ្ងៃសុក្រនេះបន្ទាប់ពីភ្នាក់ងារផ្ទាល់របស់ Pogba លោក Mino Raiola បានចរចាជាមួយក្លិប Juventus រួចរាល់ហើយនោះ។ ហើយបើការចរចានេះបានជោគជ័យក្លិបទាំងពីរ និងផ្តល់ប្រាក់រង្វាន់ដល់លោក Raiola មួយចំណែកទៀតផងដែរ៕
© រក្សាសិទ្ធិដោយ thmeythmey.com