ពីនេះ ពីនោះ
គន្លឹះ១០យ៉ាង ដើម្បីរៀនយកនិទ្ទេសA
× ភ្នំពេញ៖ និទ្ទេស A គឺជាកម្លាំងចិត្តសម្រាប់អ្នកសិក្សា និងសមាជិកគ្រួសារ ប៉ុន្តែ មុននឹងប្រឡងបាននិទ្ទេសA មិនមែនជាការងារស្រួលប៉ុន្មានទេ។ បើចង់រៀនយកនិទ្ទេសល្អ គេមិនគួរមើលរំលងចំណុច១០យ៉ាងខាងក្រោមនេះឡើយ។
១) មករៀនទៀងទាត់៖ អ្នកសិក្សាគួរចេះស្តាយម៉ោងរៀន ត្រូវហ៊ានលះបង់ការសប្បាយផ្សេងៗ និងទម្លាប់ខ្លួនស្រឡាញ់ការសិក្សាជាងអ្វីផ្សេងៗ។
២) កុំទុកកិច្ចការចោល៖ ពេលគ្រូដាក់កិច្ចការឲ្យ កុំទម្លាប់ពន្យាពេល ត្រូវធ្វើឲ្យហើយ បើការងារលំបាកគឺត្រូវធ្វើបន្តិចម្តងៗ។
៣) ក្លាហាន ហ៊ានសួរ ហ៊ានឆ្លើយ ធ្វើដូច្នេះ គ្រូឆាប់ស្គាល់មុខ ហើយចាប់អារម្មណ៍មកលើយើង។
៤) ប្រសិនបើគ្រូប្រាប់ឲ្យធ្វើកិច្ចការងារដើម្បីយកពិន្ទុបន្ថែម កុំខ្ជិល ព្រោះអ្នកនឹងបានចំណេះដឹងបន្ថែម ហើយគ្រូក៏សប្បាយចិត្ត។
៥) កត់ត្រា៖ កុំរំពឹងខួរក្បាល ត្រូវមានប៊ិច មានសៀវភៅ ដើម្បីកត់ត្រាចំណាំ
៦) សេពគប់អ្នករៀន ពីព្រោះ យើងមានឱកាសរៀនពីគេបានបន្ថែម។ សួរគេ បើមិនចេះ កុំខ្លាចគេថាអន់។
៧) ផ្ចិតផ្ចង់កិច្ចការ ដោយធ្វើការឲ្យអស់សមត្ថភាព កុំធ្វើឲ្យរួចតែពីដៃ។ ត្រូវចាំថា គ្រូដឹងពីការខិតខំប្រឹងប្រែងរបស់អ្នក តាមរយៈកិច្ចការរបស់អ្នក។
៨) យល់បំណងគ្រូ តាមរយៈសួររៀមច្បងពីការអធ្យាស្រ័យរបស់គ្រូ វានឹងជួយអ្នកឲ្យធ្វើការងារបានល្អ។
៩) ត្រូវមានភាពជឿជាក់ មានក្តីសង្ឃឹមលើការប្រឹងប្រែង។ អ្នកពិតជាអាចទៅរួច ឲ្យតែអ្នកប្រឹងប្រែង បើគេធ្វើបានអ្នកក៏អាចធ្វើបាន។
១០) កំណត់គោលដៅ ដោយត្រូវតាំងចិត្តយកនិទ្ទេសA ឲ្យបាន ៕
ប្រភព៖ «ខ្ញុំឆ្លាត រូបមន្តរៀនពូកែ» រៀបរៀង ដោយ ភិក្ខុ គូ សុភាព សាស្ត្រាចារ្យសាកលវិទ្យាល័យបញ្ញាសាស្ត្រកម្ពុជា។ សារព័ត៌មានថ្មីៗ ទទួលបានសិទ្ធិក្នុងផ្សព្វផ្សាយសៀវភៅនេះ ពីភិក្ខុ គូ សុភាព។
Tag:
ភិក្ខុ គូ សុភាព
ខ្ញុំឆ្លាត
© រក្សាសិទ្ធិដោយ thmeythmey.com