លោក​សាស្ត្រាចារ្យ នាង បូ ប្រាប់​ពី​វិធី​រៀន​គណិតវិទ្យា​ឲ្យ​ក្លាយជា​សិស្ស​ពូកែ​
ជាតិ
បទយកការណ៍ / បទសម្ភាសន៍
សង្គមជាតិ
លោក​សាស្ត្រាចារ្យ នាង បូ ប្រាប់​ពី​វិធី​រៀន​គណិតវិទ្យា​ឲ្យ​ក្លាយជា​សិស្ស​ពូកែ​
21, Aug 2016 , 3:30 pm        
រូបភាព
​លោក សាស្ត្រាចារ្យ​គណិតវិទ្យា​ដ៏​ល្បីល្បាញ នាង បូ បាន​ប្រាប់​ទៅដល់​សិស្សានុសិស្ស​ដែល​ចង់​រៀន​គណិតវិទ្យា​ឲ្យ​ពូកែ សិស្សានុសិស្ស​ត្រូវតែមាន​គ្រឹះ​រឹងមាំ​ពី​ថ្នាក់ក្រោម​មក​។ បើ​ចង់​ក្លាយជា​សិស្ស​ពូកែ​គណិតវិទ្យា​ទៀត​នោះ ត្រូវបង្កើត​បណ្ណាល័យ​នៅក្នុង​ផ្ទះ​តែម្តង ដើម្បី​ធ្វើការ​សិក្សា​ស្រាវជ្រាវ​។ លោក​សាស្ត្រាចារ្យ​នាង បូ បញ្ជាក់បន្ថែម​យ៉ាង​ដូច្នេះ​៖«​កូន​ចង់​ក្លាយទៅជា​សិស្ស​ពូកែ​គណិតវិទ្យា កូន​ត្រូវ​ចាប់ផ្តើម​បង្កើត​បណ្ណាល័យ​នៅ​ក្នុងផ្ទះ​ចាប់តាំងពី​ថ្នាក់​ទី​៧​មក​។ កូន​ទិញ​សៀវភៅ​មក​ទុក រៀបចំ​តាម​លំដាប់លំដោយ ហើយ​មិនមែន​តែមួយ​ក្បាល ពីរ​ក្បាល​ទេ គឺ​កូន​បណ្ណាល័យ​នៅក្នុង​ផ្ទះ​តែម្តង​»​។ លោក សាស្ត្រាចារ្យ​បន្តថា​៖«​ពេល​ដែលមាន​ឯកសារ​ច្រើន យើង​ទើរ​កន្លែង​ណា យើង​ទៅ​បើក​មើល​កន្លែង​នោះ​»​។​


 
​ចំពោះ​លោក លោក​សាស្ត្រាចារ្យ នាង បូ ទោះ​គណិតវិទ្យា ជា​មុខវិជ្ជា​ដែល​ហាក់​ស្មុគស្មាញ​បន្តិច ប៉ុន្តែ​វា​មាន​ប្រយោជន៍​ណាស់​សម្រាប់​ជីវភាព​ប្រចាំថ្ងៃ​។ មុខវិជ្ជា​នេះ ធ្វើ​ឲ្យ​អ្នករៀន​មាន​សមត្ថភាព​ក្នុង​ការគិត វិភាគ និង​វិនិច្ឆ័យ​អ្វីដែល​ល្អ អ្វី​អាក្រក់ ព្រមទាំង​ពិចារណា​បាន​ល្អិតល្អន់​លើ​រឿង​អ្វីមួយ មុននឹង​ធ្វើការ​សម្រេច​ចិត្ត​។ នេះ​ជាការ​បញ្ជាក់​របស់លោក នាង បូ​។ 
 
​ជាមួយគ្នា​នោះ លោក​សាស្ត្រាចារ្យ បានបង្ហាញ​មោទនភាព និង​ពេញចិត្ត​យ៉ាងខ្លាំង​នៅក្នុង​អាជីព​ជា​គ្រូបង្រៀន​របស់ខ្លួន​រយៈ​ពេល​ជាង​២០​ឆ្នាំ​មកនេះ​។ លោក​សាស្ត្រាចារ្យ បាន​ផ្ទេរ​ចំណេះដឹង​ដល់​សិស្ស​រាប់ម៉ឺន​នាក់​ហើយ តាមរយៈ​ការបង្រៀន​សិស្ស​ត្រៀមប្រឡង​បាក់​ឌុប​ដោយផ្ទាល់​ប្រមាណ​២​ពាន់​នាក់​ក្នុង​មួយឆ្នាំៗ​។ 
 
​សូម​អញ្ជើញ​ស្តាប់​បទសម្ភាសន៍​រវាង កញ្ញា ខន ចំប៉ា និង​លោក សា​ស្រា្ត​ចា​រ្យ នាង បូ ដូចតទៅ​៖


 
 

Tag:
 នាង បូ​
© រក្សាសិទ្ធិដោយ thmeythmey.com