ជាតិ
សង្គមជាតិ
ប្រធាន គ.ជ.ប បង្ហាញគំរូចុះឈ្មោះបោះឆ្នោតនៅព្រឹកនេះ
× ភ្នំពេញ៖ នៅព្រឹកថ្ងៃទី០១ កញ្ញានេះ គឺជាថ្ងៃដំបូងនៃការចុះឈ្មោះបោះឆ្នោតទូទាំងប្រទេសកម្ពុជា។ នៅព្រឹកនេះដែរ គេសង្កេតឃើញថា ប្រធានគណៈកម្មាធិការជាតិរៀបចំការបោះឆ្នោត លោក ស៊ិក ប៊ុនហុក បានបង្ហាញវត្តមានចុះឈ្មោះបោះឆ្នោតមុនគេ នៅសាលាសង្កាត់ បឹងកេងកងទី៣ ។
លោក ស៊ិក ប៊ុនហុក អំពាវនាវឲ្យពលរដ្ឋគ្រប់រូបចុះឈ្មោះបោះឆ្នោត ឲ្យបានគ្រប់គ្នានៅទីកន្លែងដែលជិតកន្លែងរស់នៅរបស់ពួកគេ។
អត្តសញ្ញាណបណ្ណសញ្ជាតិខ្មែរ គឺជាឯកសារគោលសម្រាប់ការចុះឈ្មោះបោះឆ្នោត។ នៅថ្ងៃទី១ ខែកញ្ញា ឆ្នាំ២០១៦ គឺជាកាលបរិច្ឆេទនៃការចុះឈ្មោះបោះឆ្នោតថ្នាក់ឃុំ-សង្កាត់។ ការចុះឈ្មោះបោះឆ្នោតនេះ មានរយៈពេល៣ខែ គឺចាប់ពីថ្ងៃទី១ ខែកញ្ញា រហូតដល់ថ្ងៃទី២៩ ខែវិច្ឆិកា ឆ្នាំ២០១៦៕
© រក្សាសិទ្ធិដោយ thmeythmey.com