Premier League ចាយ ជាង​១.៥​ពាន់​លាន​ដុល្លារ​លើ​ការដោះដូរ​កីឡាករ​រដូវ​កាល​ថ្មី​
កីឡាអន្តរជាតិ
អន្តរជាតិ
Premier League ចាយ ជាង​១.៥​ពាន់​លាន​ដុល្លារ​លើ​ការដោះដូរ​កីឡាករ​រដូវ​កាល​ថ្មី​
01, Sep 2016 , 2:39 pm        
រូបភាព
 ​ក្លិប​នៅក្នុង​ក្របខណ្ឌ Premier League របស់​អង់គ្លេស បាន​ចំណាយ​ប្រាក់​សន្ធឹកសន្ធាប់​រហូត​ដល់​ទៅ​ជាង  ១.១៦៥​ពាន់​លាន​ផោន (​ប្រហែល ១.៥៣២​ពាន់​លាន​ដុល្លារ​អាមេរិក​) សម្រាប់​ការដោះដូរ​កីឡាករ​ក្នុង​រដូវក្តៅ ២០១៦-២០១៧ នេះ ។​

 
​រដូវ​កាល​ថ្មី ២០១៦-២០១៧ ក្នុង​ក្របខណ្ឌ​កំពូល English Premier League មានការ​ដោះដូរ​កីឡាករ​គួរ​ឲ្យ​កត់សំគាល់​ដែលមាន​តម្លៃ​ផ្ទេរ​សរុប​រហូតដល់​ទៅ​ជាង​១.៥៣២​លាន​ដុល្លារ បើ​ធៀប​ជាមួយ​ឆ្នាំមុន ការចំណាយ​មានការ​កើនឡើង​ខ្ពស់ ព្រោះ​រដូវ​កាល​មុន ក្លិប​ទាំងអស់​ចំណាយ​សរុប​អស់​ត្រឹម ៨៧០​លាន​ផោន ប្រហែល​១.១៤៤​លាន​ដុល្លារ​ប៉ុណ្ណោះ​។​

 
 ក្នុងនោះដែរ​ខ្សែបម្រើ​កណ្តាល់ Paul Pogba មានតម្លៃ​ផ្ទេរ​ខ្ពស់បំផុត​រហូតដល់​ទៅ ៨៩​លាន​ផោន ប្រហែល ជាង​១១៧​លាន​ដុល្លារ ដែលជា​តម្លៃ​បំបែក​កំណត់ត្រា​របស់​ក្លិប Man Utd​។ សម្រាប់​ខ្សែការពារ John Stones ដែល​ផ្ទេរ​ពី Everton ទៅ Mancester City ក្នុងតម្លៃ ៤៧.៥​លាន​ផោន ប្រហែល​ជាង ៦២​លាន​ដុល្លារ​នោះ ក៏បាន​បំបែក​កំណត់ត្រា​កីឡាករ​អង់គ្លេស​ដែលមាន​តម្លៃ​ថ្លៃ​បំផុត​ផងដែរ​។ 

 
​អ្វីដែល​ជាការ​កត់សំគាល់​មួយទៀត​នោះ គឺមាន​ក្លិប​១៣​នៅក្នុង​ក្របខណ្ឌ​កំពួ​ល​របស់​អង់គ្លេស​នេះ បាន​បំបែក​កំណត់ត្រា​ចាស់​សម្រាប់​ការផ្ទេរ​ចូល​កីឡាករ​ដែលមាន​តម្លៃ​ថ្លៃ​បំផុត​របស់ខ្លួន​ដូចជា​៖ 
 
Manchester United៖ Paul Pogba ផ្ទេរ​ពី Juventus  ក្នុងតម្លៃ ជាង​១១៧​លាន​ដុល្លារ​
 
Liverpool៖ Sadio Mane ផ្ទេរ​ពី​  Southampton ក្នុងតម្លៃ ជាង ៤៧​លាន​ដុល្លារ​
 
Crystal Palace៖ Christian Benteke ផ្ទេរ​ពី Liverpool ក្នុងតម្លៃ​ជាង ៤២​លាន​ដុល្លារ​
 
Leicester៖ Islam Slimani  ផ្ទេរ​ពី Sporting Lisbon ក្នុងតម្លៃ ជាង ៣៨​លាន​ដុល្លារ​
 
West Ham៖ Andre Ayew ផ្ទេរ​ពី Swansea ក្នុងតម្លៃ ជិត​២៧​លាន​ដុល្លារ​
 
Southampton៖ Sofiane Boufal  ផ្ទេរ​ពី Lille ក្នុងតម្លៃ ២១​លាន​ដុល្លារ​
 
Swansea៖ Borja Baston  ផ្ទេរ​ពី Atletico Madrid ក្នុងតម្លៃ ជាង ២០​លាន​ដុល្លារ​
Bournemouth៖ Jordon Ibe  ផ្ទេរ​ពី Liverpool ក្នុងតម្លៃ ជាង ១៩​លាន​ដុល្លារ​
 
Sunderland៖ Didier N'Dong ផ្ទេរ​ពី Lorient ក្នុងតម្លៃ ជិត ១៨​លាន​ដុល្លារ​
 
Hull៖ Ryan Mason ផ្ទេរ​ពី Spurs ក្នុងតម្លៃ ១៧​លាន​ដុល្លារ​
 
West Brom៖ Nacer Chadli ផ្ទេរ​ពី Spurs ក្នុងតម្លៃ ១៧​លាន​ដុល្លារ​
 
Watford៖ Roberto Pereyra ផ្ទេរ​ពី Juventus ក្នុងតម្លៃ ១៧​លាន​ដុល្លារ​
 
Burnley៖ Jeff Hendrick ផ្ទេរ​ពី Derby ក្នុងតម្លៃ​ជិត ១៤​លាន​ដុល្លារ​
 
 

Tag:
 EPL
  ដោះដូរកីឡាករ
© រក្សាសិទ្ធិដោយ thmeythmey.com