ជាតិ
សង្គមជាតិ
សាលាចំនួន ៩ ទទួលបានសម្ភារៈសិក្សាពី ក្រុមហ៊ុនតៃខា
× ដើម្បីចូលរួមអភិវឌ្ឍវិស័យអប់រំនៅក្នុងប្រទេសកម្ពុជាក្រុមហ៊ុន តៃខា បានឧបត្ថម្ភ ខ្មៅដៃចុច រួមជាមួយបណ្តូលចំនួន ៩៥០០ដើម និងប៊ិចខៀវ៥០០ដើម ជូនដល់មន្ទីរអប់រំ យុវជន និងកីឡារាជធានីភ្នំពេញដើម្បីធ្វើការចែកជូនដល់សិស្សានុសិស្ស និងគ្រូ នៅមធ្យមសិក្សាចំនួន ៩ សាលានៅក្នុងខណ្ឌពោធិ៍សែនជ័យ រាជធានីភ្នំពេញ។
កម្មវិធីនេះប្រព្រឹត្តិឡើងនៅថ្ងៃទី ២ ខែ កញ្ញា ឆ្នាំ ២០១៦ ក្នុងវិទ្យាល័យ ហ៊ុនសែនជម្ពូវ័ន ដោយមានការពីសំណាក់ លោក ស៊ុយ ស៊ុគីថៃតុ អគ្គនាយកក្រុមហ៊ុន តៃខា លោកស្រី ហួត យ៉ារី ប្រធានមន្ទីរអប់រំយុវជននិងកីឡារាជធានីភ្នំពេញ និងឯកឧត្ដម ហែម ដារិទ្ធិ អភិបាលខណ្ឌពោធិ៍សែនជ័យព្រមទាំង លោកនាយកសាលា លោកគ្រូ អ្នកគ្រូ និងសិស្សានុសិក្ស ជាច្រើនផងដែរ។
ការជួយឧបត្ថម្ភរបស់ក្រុមហ៊ុន តៃខា បញ្ជក់អោយឃើញពីចំណងមិត្តភាពរវាង រដ្ឋាភិបាលជប៉ុន និងរដ្ឋាភិបាលកម្ពុជា ផងដែរ។
សាលាចំនួន ៩ ដែលទទួលបានសម្ភារៈសិក្សារួមមាន វិទ្យាល័យហ៊ុនសែន ជម្ពូវន័ វិទ្យាល័យ ប៊ុនរ៉ានីអរុណវត្តី អនុវិទ្យាល័យ ជន្លង់ម្លូ អនុវិទ្យាល័យ ហ៊ុនសែនពោចិនតុង អនុវិទ្យាល័យ គោកបញ្ជាន់ អនុវិទ្យាល័យ ទួលស្នោ អនុវិទ្យាល័យ ឪឡោក អនុវិទ្យាល័យ បឹងធំ និងអនុវិទ្យាល័យ កំបូល។ បន្ថែមពីនេះទៀត មន្ទីរអប់រំ យុវជន និងកីឡារាជធានីភ្នំពេញ និងការរិយាល័យអប់រំយុវជន និងកីឡា ខណ្ឌពោធិ៍សែនជ័យ ក៏ទទួលបាននូវសម្ភារៈសិក្សានេះផងដែរ។
© រក្សាសិទ្ធិដោយ thmeythmey.com