អន្តរជាតិ
លោក អូបាម៉ា ឆ្លៀតជួបសមាជិកអ្នកដឹកនាំវ័យក្មេងអាស៊ីអាគ្នេយ៍«YSEALI»នៅឡាវជាលើកចុងក្រោយ
×![]()
លួង ប្រាបាង៖ លោកប្រធានាធិបតីអាមេរិក បារ៉ាក់ អូបាម៉ា នៅថ្ងៃទី០៥-០៨ខែកញ្ញា នឹងបំពេញទស្សនកិច្ចជាលើកដំបូងក្នុងនាមជាប្រធានាធិបតីអាមេរិកមកកាន់ឡាវដើម្បីចូលរួមកិច្ចប្រជុំកំពូលអាស៊ីបូព៌ា កិច្ចប្រជុំអាមេរិក-អាស៊ាន និងកិច្ចប្រជុំពាក់ព័ន្ធផ្សេងទៀតនៅក្នុងរដ្ឋធានីវៀងចន្ទន៍។ វត្តមានប្រវត្តិសាស្ត្រមកកាន់ទីកដីឡាវនេះដែរ លោក អូបាម៉ា ក៏នឹងឆ្លៀតជួបជាមួយនឹងយុវជន និងមេដឹកនាំវ័យក្មេងនៃគំនិតផ្តួចផ្តើមផងដែរ។
ដូចសព្វមួយដង ឆ្លៀតឱកាសពីការបំពេញទស្សនកិច្ចចូលរួមកិច្ចប្រជុំកំពូលពាក់ព័ន្ធអាស៊ាន លោក បារ៉ាក់ អូបាម៉ា នៅថ្ងៃទី០៧ ខែកញ្ញាខាងនេះ នឹងជួបជជែក និងដេញដោលជាមួយនឹងយុវជន និងមេដឹកនាំវ័យក្មេងប្រមាណ១៨០នាក់មកពីប្រទេសអាស៊ានទាំងដប់ដែលជាសមាជិករបស់ YSEALI ឆ្នាំ២០១៦ នៅ Luang Prabang ដែលតំបន់វប្បធម៌ និងបុរាណរបស់ឡាវ។ នេះ គឺជាកិច្ចប្រជុំកំពូលប្រចាំឆ្នាំ២០១៦របស់ YSEALI ហើយ ដែល វា ក៏ជាឱកាសនៃជំនួបចុងក្រោយហើយសម្រាប់លោក អូបាម៉ា ក្នុងនាមជាប្រធានាធិបតីអាមេរិកជាមួយនឹងយុវជនទាំងនោះ។
សូមជម្រាបផងដែរ YSEALI (Young Southeast Asian Leaderships initiative) គឺជាគំនិតផ្តួចផ្តើមមួយដែលចុះហត្ថលេខាដោយលោកប្រធានាធិបតីអាមេរិក បារ៉ាក់ អូបាម៉ា ក្នុងឆ្នាំ២០១៣។ គំនិតផ្តួចផ្តើម ដែលផ្តោតលើបញ្ហាអភិវឌ្ឍន៍សេដ្ឋកិច្ច បរិស្ថាន អប់រំ និងការផ្សារភ្ជាប់រវាងប្រជាជនស៊ីវិលនេះ មានទិសដៅពង្រឹងភាពជាដៃគូជាមួយនឹងមេដឹកនាំដែលមានសក្តានុពលរបស់អាស៊ីអាគ្នេយ៍, ពង្រីកជំនាញរបស់ពួកគេ(មេដឹកនាំ ឬយុវជនវ័យក្មេង)ឲ្យក្លាយទៅជាពលរដ្ឋដែលប្រកបដោយសក្តានុពល មេដឹកនាំផ្នែកសេដ្ឋកិច្ច និងក្រៅអង្គការដ្ឋាភិបាលក្នុងតំបន់ និងជាពិសេសនោះ ជំរុញឲ្យពួកគេធ្វើការួមគ្នាឆ្លងប្រទេសដើម្បីដោះស្រាយបញ្ហាប្រឈមក្នុងតំបន់។
គិតចាប់ពីឆ្នាំ២០១៤មក លោកប្រធានាធិបតីអាមេរិក បារ៉ាក់ អូបាម៉ា ធ្លាប់បានជួបយុវជន និងមេដឹកនាំវ័យក្មេងអាស៊ានជាងពីរពាន់នាក់ ប្រាំដងរួចទៅហើយ។ លោក អូបាម៉ា តែងតែយកឱកាសនៃការចូលរួមកិច្ចប្រជុំកំពូលក្នុងតំបន់ជាមួយនឹងមេដឹកនាំកំពូលអាស៊ានដើម្បីជជែកដេញដោល និងស្វែងយល់ជាមួយនឹងយុវជនអាស៊ីអាគ្នេយ៍ដែលជាសមាជិកYSEALI៕
ដូចសព្វមួយដង ឆ្លៀតឱកាសពីការបំពេញទស្សនកិច្ចចូលរួមកិច្ចប្រជុំកំពូលពាក់ព័ន្ធអាស៊ាន លោក បារ៉ាក់ អូបាម៉ា នៅថ្ងៃទី០៧ ខែកញ្ញាខាងនេះ នឹងជួបជជែក និងដេញដោលជាមួយនឹងយុវជន និងមេដឹកនាំវ័យក្មេងប្រមាណ១៨០នាក់មកពីប្រទេសអាស៊ានទាំងដប់ដែលជាសមាជិករបស់ YSEALI ឆ្នាំ២០១៦ នៅ Luang Prabang ដែលតំបន់វប្បធម៌ និងបុរាណរបស់ឡាវ។ នេះ គឺជាកិច្ចប្រជុំកំពូលប្រចាំឆ្នាំ២០១៦របស់ YSEALI ហើយ ដែល វា ក៏ជាឱកាសនៃជំនួបចុងក្រោយហើយសម្រាប់លោក អូបាម៉ា ក្នុងនាមជាប្រធានាធិបតីអាមេរិកជាមួយនឹងយុវជនទាំងនោះ។
សូមជម្រាបផងដែរ YSEALI (Young Southeast Asian Leaderships initiative) គឺជាគំនិតផ្តួចផ្តើមមួយដែលចុះហត្ថលេខាដោយលោកប្រធានាធិបតីអាមេរិក បារ៉ាក់ អូបាម៉ា ក្នុងឆ្នាំ២០១៣។ គំនិតផ្តួចផ្តើម ដែលផ្តោតលើបញ្ហាអភិវឌ្ឍន៍សេដ្ឋកិច្ច បរិស្ថាន អប់រំ និងការផ្សារភ្ជាប់រវាងប្រជាជនស៊ីវិលនេះ មានទិសដៅពង្រឹងភាពជាដៃគូជាមួយនឹងមេដឹកនាំដែលមានសក្តានុពលរបស់អាស៊ីអាគ្នេយ៍, ពង្រីកជំនាញរបស់ពួកគេ(មេដឹកនាំ ឬយុវជនវ័យក្មេង)ឲ្យក្លាយទៅជាពលរដ្ឋដែលប្រកបដោយសក្តានុពល មេដឹកនាំផ្នែកសេដ្ឋកិច្ច និងក្រៅអង្គការដ្ឋាភិបាលក្នុងតំបន់ និងជាពិសេសនោះ ជំរុញឲ្យពួកគេធ្វើការួមគ្នាឆ្លងប្រទេសដើម្បីដោះស្រាយបញ្ហាប្រឈមក្នុងតំបន់។
គិតចាប់ពីឆ្នាំ២០១៤មក លោកប្រធានាធិបតីអាមេរិក បារ៉ាក់ អូបាម៉ា ធ្លាប់បានជួបយុវជន និងមេដឹកនាំវ័យក្មេងអាស៊ានជាងពីរពាន់នាក់ ប្រាំដងរួចទៅហើយ។ លោក អូបាម៉ា តែងតែយកឱកាសនៃការចូលរួមកិច្ចប្រជុំកំពូលក្នុងតំបន់ជាមួយនឹងមេដឹកនាំកំពូលអាស៊ានដើម្បីជជែកដេញដោល និងស្វែងយល់ជាមួយនឹងយុវជនអាស៊ីអាគ្នេយ៍ដែលជាសមាជិកYSEALI៕
© រក្សាសិទ្ធិដោយ thmeythmey.com
