ជាតិ
សង្គមជាតិ
ក្រោយមានករណីបំផ្ទុះគ្រាប់បែក អភិបាលរាជធានី ប្រាប់ពលរដ្ឋកុំឲ្យបារម្ភពីសន្តិសុខ
×![]()
តាមរយៈសារព័ត៌មានថ្មីៗ អភិបាលរាជធានីភ្នំពេញ លោក ប៉ា សុជាតិវង្ស បានប្រាប់ទៅប្រជាជនរស់នៅរាជធានីភ្នំពេញទាំងអស់ កុំព្រួយបារម្ភពីបញ្ហាសន្តិសុខ ឬសុវត្ថិភាពឡើយ បន្ទាប់ពីមានករណីបំផ្ទុះគ្រាប់បែកនៅផ្លូវ ១៦៣ ក្នុងសង្កាត់បឹងកេងកង ៣ ខណ្ឌចំការមន រាជធានីភ្នំពេញ។
តាមរយៈសារព័ត៌មានថ្មីៗ អភិបាលរាជធានីភ្នំពេញ លោក ប៉ា សុជាតិវង្ស បានប្រាប់ទៅប្រជាជនរស់នៅរាជធានីភ្នំពេញទាំងអស់ កុំព្រួយបារម្ភពីបញ្ហាសន្តិសុខ ឬសុវត្ថិភាពឡើយ បន្ទាប់ពីមានករណីបំផ្ទុះគ្រាប់បែកនៅផ្លូវ ១៦៣ ក្នុងសង្កាត់បឹងកេងកង ៣ ខណ្ឌចំការមន រាជធានីភ្នំពេញ។
លោក ប៉ា សុជាតិវង្ស បានថ្លែងប្រាប់សារព័ត៌មានថ្មីៗតាមទូរសព្ទនៅម៉ោងជិត ១០ យប់នេះថា បញ្ហាសន្តិសុខ អាជ្ញាធរអាចគ្រប់គ្រងបាន។ « យើងអាចក្តោបក្តាប់សភាពការណ៍បាន។ ដូច្នេះមិនមានអ្វីជាការព្រួយបារម្ភឡើយ»។ នេះជាការបញ្ជាក់របស់លោកអភិបាលរាជធានីភ្នំពេញ។
យ៉ាងណា លោក សុជាតិវង្ស នៅមិនទាន់អាចបញ្ជាក់ថា ករណីបំផ្ទុះគ្រាប់បែកនៅសង្កាត់បឹងកេងកង ៣ កាលពីម៉ោង ៧ និង ៤០ នាទី យប់ ដែលបានបណ្តាលឲ្យមនុស្ស ៣ នាក់រងរបួសនោះ កើតឡើងពីហេតុអ្វី ឬក្រុមណាមួយជាអ្នកធ្វើឡើយ។ លោកគ្រាន់តែអាចប្រាប់បានយ៉ាងខ្លីបែបនេះថា៖« សមត្ថកិច្ចយើងកំពុងស្រាវជ្រាវហើយ»។
Tag:
បំផ្ទុះគ្រាប់បែកបឹងកេងកង៣
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
