យុវជនខ្មែរ១៤នាក់ ត្រៀមស្វាគមន៍លោក អូបាម៉ា ជាមួយសំលៀកបំពាក់ប្រពៃណី

អន្តរជាតិ

នយោបាយអន្តរជាតិ

យុវជនខ្មែរ១៤នាក់ ត្រៀមស្វាគមន៍លោក អូបាម៉ា ជាមួយសំលៀកបំពាក់ប្រពៃណី

07, Sep 2016 , 12:47 pm

រូបភាព

ដោយ:

លួងប្រាបាង៖ ខណៈសន្តិសុខកំពុងរឹងបន្តឹងខ្លាំងនៅខាងក្រៅនៃបន្ទប់ ជំនួបកំពូល YSEALI នៅសាកលវិទ្យាល័យSouphanouvong ស្ថិតនៅទីក្រុងលួងប្រាបាង យុវជនអាស៊ាន១៨០នាក់រួមទាំងកម្ពុជា១៤នាក់ផងដែរ ក៏កំពុងរង់ចាំស្វាគមន៍លោក អូបាម៉ា នៅក្នុងបន្ទប់ផងដែរ។ នាជំនួបនេះ យុវជន តម្រូវឱ្យស្លៀកពាក់បែបប្រពៃណីនៃប្រទេសរៀងៗខ្លួនផងដែរ។

(យុវជនកម្ពុជាដែលត្រៀមជួបជាមួយលោកបារ៉ាក់ អូបាម៉ា)

លោក អូបាម៉ា នឹងជួបយុវជននៅម៉ោង២ រសៀលដើម្បីស្វែងយល់ និងជជែកដេញដោលពីបញ្ហាប្រឈមសកលជាពិសេសបញ្ហាពាក់ពន្ធ័នឹងការអភិវឌ្ឍប្រកបដោយនិរន្តភាពដែលជាប្រធានបទនៃជំនួបគំនិតផ្តួចផ្តើមភាពជាអ្នកដឹកនាំអាស៊ីអាគ្នេយ៍ YSEALI ប្រចាំឆ្នាំ២០១៦។

សូមជម្រាបផងដែរថា លោក បារ៉ាក់ អូបាម៉ា គឺជាប្រធានាធិបតីអាមេរិកទីមួយដែលបាននិងកំពុងតែបំពេញទស្សនកិច្ចលើកដំបូងមកកាន់ឡាវ ដែលស្ថិតនៅក្នុងដំណើរទស្សនកិច្ចទី១១មកកាន់អាស៊ីក្នុងនាមជាប្រធានាធិបតីអាមេរិក៕