អន្តរជាតិ
×![]()
ដោយ: តន ចាន់រិទ្ធារ៉ា
ពាក្យសំដីមិនសមរម្យរបស់លោក Rodrigo Duterte ដាក់ប្រធានាធិបតីអាមេរិក លោក បារ៉ាក់ អូបាម៉ា បានជំរុញឲ្យអាមេរិកលុបចោលជំនួបទ្វេភាគី ដែលគ្រោងធ្វើក្នុងរដ្ឋធានីវៀងចន្ទន៍។ នៅមុនពេលធ្វើដំណើរទៅកាន់ឡាវដើម្បីចូលរួមប្រជុំអាស៊ាន ប្រធានាធិបតីហ្វីលីពីន ដែលមិនពេញចិត្តនឹងការរិះគន់របស់អាមេរិក ជុំវិញការសម្លាប់ឧក្រិដ្ឋជនគ្រឿងញៀន បានប្រើពាក្យអសុរោះខ្លាំងលើប្រធានាធិបតីអាមេរិក ដែលធ្វើឲ្យជំនួបទ្វេភាគីលើកដំបូង ត្រូវអាក់ខាន បើទោះជាហ្វីលីពីន សម្ដែងការសោកស្ដាយក៏ដោយ។
សូមស្ដាប់ព័ត៌មានលម្អិត៖
ជំនួបទ្វេភាគីលើកដំបូងរវាងប្រធានាធិបតីអាមេរិក បារ៉ាក់ អូបាម៉ាប និងប្រធានាធិបតីហ្វីលីពីន Rodrigo Duterte ដែលគ្រោងធ្វើនៅថ្ងៃទី៦ ខែកញ្ញា ត្រូវបានលុបចោល បន្ទាប់ពីការវាយប្រហារដោយពាក្យសម្ដីមិនសមរម្យដាក់ប្រធានាធិបតីអាមេរិក ពីសំណាក់ប្រមុខរដ្ឋហ្វីលីពីន។ ទាក់ទិននឹងបញ្ហានេះ អ្នកនាំពាក្យសេតវិមានអះអាងថា អាមេរិកលុបចោលជំនួបទ្វេភាគី ព្រោះសម្ដីលោក Duterte ធ្វើឲ្យបរិយាកាសមិនអំណោយផលដល់ការជជែកគ្នាឡើយ។
ក្នុងសន្និសីទកាសែតប្រចាំថ្ងៃ ទីប្រឹក្សារងសន្តិសុខជាតិ លោក Ben Rhodes បានបញ្ជាក់ពីមូលហេតុដែលនាំដល់ការលុបចោលជំនួបរវាងលោក អូបាម៉ា និងលោក Duterte។ វាច្បាស់ណាស់ថា ពាក្យសម្ដីមិនសមរម្យរបស់លោក Duterte ជាកត្តាសំខាន់ក្នុងរឿងនេះ ដោយលោក Ben Rhodes និយាយថា សម្ដីគំរោះគំរើយរបស់ប្រធានាធិបតីហ្វីលីពីន មិនបានផ្ដល់បរិយាកាសមានប្រយោជន៍ដល់ជំនួបទ្វេភាគីឡើយ។
មន្ត្រីជាន់ខ្ពស់អាមេរិកខាងលើបន្តថា វាក៏មិនមែនជាពេលសមស្របសម្រាប់ជំនួបទ្វេភាគីរវាងប្រធានាធិបតីដែរ ព្រោះនៅមុនជំនួបដែលគ្រោងទុកមកដល់ បែរជាប្រមុខរដ្ឋហ្វីលីពីន វាយប្រហារលោក អូបាម៉ា ទៅវិញ។ យ៉ាងណាមិញ បើតាមលោក Ben Rhodes សហរដ្ឋអាមេរិក និងហ្វីលីពីន នឹងបន្តកិច្ចសហប្រតិបត្តិការជាមួយគ្នាទៅមុខទៀត។ ហើយក្នុងករណីដែលមានការខ្វែងគំនិតនោះ ភាគីទាំងពីរ នឹងរួមគ្នាដោះស្រាយ។
ជាមួយគ្នានោះ បើទោះជាមានការប្រទាំងប្រទើសសម្ដីខ្លះ និងការរិះគន់ជុំវិញការសម្លាប់ក្រៅប្រព័ន្ធតុលាការដើម្បីបង្ក្រាបគ្រឿងញៀនក្ដី ទំនាក់ទំនងរវាងអាមេរិក និងហ្វីលីពីន នឹងនៅតែបន្តដដែល។ ក្នុងសន្និសីទកាសែត ថ្ងៃទី៦ ខែកញ្ញា លោក Ben Rhodes បញ្ជាក់ថា អាមេរិកគាំទ្រប្រទេសទាំងអស់ ដែលបោសសម្អាតគ្រឿងញៀន តែប្រតិបត្តិការទាំងនោះ គួរតែឡើងស្របតាមច្បាប់របស់ប្រទេស។
ហ្វីលីពីន គឺជាសម្ព័ន្ធមិត្តយូរអង្វែងមួយរបស់អាមេរិកនៅក្នុងតំបន់អាស៊ី។ ប្រទេសទាំងពីរ សហការគ្នាយ៉ាងស៊ីជម្រៅ ទាំងវិស័យការទូត សេដ្ឋកិច្ច និងយោធា ព្រមទាំងកិច្ចការសមុទ្រផងដែរ។ ក្រុងវ៉ាស៊ីនតោន ក៏កាន់ជើងក្រុងម៉ានីល លើសំណុំរឿងសមុទ្រចិនខាងត្បូងដែរ។ ប៉ុន្តែរយៈពេលចុងក្រោយ ទំនាក់ទំនងប្រទេសទាំងពីរ បានធ្លាក់ចុះ ដោយសារតែការរិះគន់របស់អាមេរិកលើការបង្ក្រាបគ្រឿងញៀនរបស់ហ្វីលីពីន៕
សូមស្ដាប់ព័ត៌មានលម្អិត៖
ជំនួបទ្វេភាគីលើកដំបូងរវាងប្រធានាធិបតីអាមេរិក បារ៉ាក់ អូបាម៉ាប និងប្រធានាធិបតីហ្វីលីពីន Rodrigo Duterte ដែលគ្រោងធ្វើនៅថ្ងៃទី៦ ខែកញ្ញា ត្រូវបានលុបចោល បន្ទាប់ពីការវាយប្រហារដោយពាក្យសម្ដីមិនសមរម្យដាក់ប្រធានាធិបតីអាមេរិក ពីសំណាក់ប្រមុខរដ្ឋហ្វីលីពីន។ ទាក់ទិននឹងបញ្ហានេះ អ្នកនាំពាក្យសេតវិមានអះអាងថា អាមេរិកលុបចោលជំនួបទ្វេភាគី ព្រោះសម្ដីលោក Duterte ធ្វើឲ្យបរិយាកាសមិនអំណោយផលដល់ការជជែកគ្នាឡើយ។
ក្នុងសន្និសីទកាសែតប្រចាំថ្ងៃ ទីប្រឹក្សារងសន្តិសុខជាតិ លោក Ben Rhodes បានបញ្ជាក់ពីមូលហេតុដែលនាំដល់ការលុបចោលជំនួបរវាងលោក អូបាម៉ា និងលោក Duterte។ វាច្បាស់ណាស់ថា ពាក្យសម្ដីមិនសមរម្យរបស់លោក Duterte ជាកត្តាសំខាន់ក្នុងរឿងនេះ ដោយលោក Ben Rhodes និយាយថា សម្ដីគំរោះគំរើយរបស់ប្រធានាធិបតីហ្វីលីពីន មិនបានផ្ដល់បរិយាកាសមានប្រយោជន៍ដល់ជំនួបទ្វេភាគីឡើយ។
មន្ត្រីជាន់ខ្ពស់អាមេរិកខាងលើបន្តថា វាក៏មិនមែនជាពេលសមស្របសម្រាប់ជំនួបទ្វេភាគីរវាងប្រធានាធិបតីដែរ ព្រោះនៅមុនជំនួបដែលគ្រោងទុកមកដល់ បែរជាប្រមុខរដ្ឋហ្វីលីពីន វាយប្រហារលោក អូបាម៉ា ទៅវិញ។ យ៉ាងណាមិញ បើតាមលោក Ben Rhodes សហរដ្ឋអាមេរិក និងហ្វីលីពីន នឹងបន្តកិច្ចសហប្រតិបត្តិការជាមួយគ្នាទៅមុខទៀត។ ហើយក្នុងករណីដែលមានការខ្វែងគំនិតនោះ ភាគីទាំងពីរ នឹងរួមគ្នាដោះស្រាយ។
ជាមួយគ្នានោះ បើទោះជាមានការប្រទាំងប្រទើសសម្ដីខ្លះ និងការរិះគន់ជុំវិញការសម្លាប់ក្រៅប្រព័ន្ធតុលាការដើម្បីបង្ក្រាបគ្រឿងញៀនក្ដី ទំនាក់ទំនងរវាងអាមេរិក និងហ្វីលីពីន នឹងនៅតែបន្តដដែល។ ក្នុងសន្និសីទកាសែត ថ្ងៃទី៦ ខែកញ្ញា លោក Ben Rhodes បញ្ជាក់ថា អាមេរិកគាំទ្រប្រទេសទាំងអស់ ដែលបោសសម្អាតគ្រឿងញៀន តែប្រតិបត្តិការទាំងនោះ គួរតែឡើងស្របតាមច្បាប់របស់ប្រទេស។
ហ្វីលីពីន គឺជាសម្ព័ន្ធមិត្តយូរអង្វែងមួយរបស់អាមេរិកនៅក្នុងតំបន់អាស៊ី។ ប្រទេសទាំងពីរ សហការគ្នាយ៉ាងស៊ីជម្រៅ ទាំងវិស័យការទូត សេដ្ឋកិច្ច និងយោធា ព្រមទាំងកិច្ចការសមុទ្រផងដែរ។ ក្រុងវ៉ាស៊ីនតោន ក៏កាន់ជើងក្រុងម៉ានីល លើសំណុំរឿងសមុទ្រចិនខាងត្បូងដែរ។ ប៉ុន្តែរយៈពេលចុងក្រោយ ទំនាក់ទំនងប្រទេសទាំងពីរ បានធ្លាក់ចុះ ដោយសារតែការរិះគន់របស់អាមេរិកលើការបង្ក្រាបគ្រឿងញៀនរបស់ហ្វីលីពីន៕
Tag:
អាមេរិក
ហ្វីលីពីន
Barack Obama
Rodrigo Duterte
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
