ព័ត៍មានសុខភាព
សុខភាព៖ កូនខ្ចីគួរតែញ៉ាំអីទើបងាយស្រកក្បាលពោះ
×
ក្រោយពេលដែលអ្នកសម្រាលហើយ ពោះអ្នកនឹងមិនងាយស្រកឡើយ វានឹងមានលក្ខណៈធំដូចជាក្បាលពោះអញ្ចឹង។ ដូចនេះខាងក្រោមនេះយើងខ្ញុំនឹងណែនាំអ្នកពីម្ហូបមួយចំនួនដែលអ្នកអាចពិសារបានដែលអាចធ្វើឲ្យអ្នកងាយស្រកក្បាលពោះ។ តើអ្នកគួរតែញ៉ាំអ្វីខ្លះទៅ?
អ្នកគួរតែញ៉ាំអាហារដែលមានប្រូតេអ៊ីនឲ្យបានច្រើន ប៉ុន្តែមិនត្រូវហួសកំណត់នោះទេ ដោយអ្នកអាចញ៉ាំត្រឹម៩៥ក្រាមបានហើយ។ អ្នកអាចញ៉ាំមាន់ ត្រី ថ្លើមសត្វ ឈាម និងពពួកសណ្តែកបាន។
អ្នកគួរតែពិសារបន្លែ និងផ្លែឈើឲ្យបានច្រើន ព្រោះនៅក្នុងនោះសំបូរទៅដោយសារធាតុចិញ្ចឹមដែលល្អចំពោះសុខភាពអ្នកម្តាយ។ ម្យ៉ាងទៀតវានឹងអាចជួយអ្នកឲ្យកាត់បន្ថយការញ៉ាំបង្អែមច្រើន ជាហេតុដែលអាចធ្វើឲ្យអ្នកងាយស្រកក្បាលពោះបានលឿន។
អ្នកគួរតែញ៉ាំសម្លឲ្យបានច្រើន ព្រោះវាអាចជួយធ្វើឲ្យអ្នកមានទឹកដោះ ថែមទាំងអាចធ្វើឲ្យអ្នកងាយរំលាយអាហារដូចគ្នា។
នៅពេលដែលអ្នកស្ថិតក្នុងដំណាក់កាលកូនខ្ចី អ្នកមិនគួរពិសារអាហារដលហិរ(ម្ទេស)នោះទេ ព្រោះវាអាចធ្វើឲ្យប៉ះពាល់ដល់ក្រពះអ្នក។
អ្នកគួរតែញ៉ាំទឹកឲ្យបានច្រើន ព្រោះវាក៏អាចជួយអ្នកឲ្យស្រកក្បាលពោះបានលឿនដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com