អន្តរជាតិ
ប្រជុំអាស៊ានឆ្នាំនេះ ប្រជាប្រិយភាពលោក Duterte វ៉ាដាច់លោកស្រី ស៊ូជី និងមេដឹកនាំដទៃទៀត
លោក Rodrigo Duterte នាកិច្ចប្រជុំអាស៊ាននៅឡាវ។ រូបថតហ្វេសប៊ុក Rody Duterte
×![]()
ដោយ: តន ចាន់រិទ្ធារ៉ា
កិច្ចប្រជុំអាស៊ានលើកទី២៨ និងលើកទី២៩ និងកិច្ចប្រជុំពាក់ព័ន្ធ នឹងត្រូវបញ្ចប់នៅថ្ងៃទី៨ ខែកញ្ញានេះ។ រយៈពេលបីថ្ងៃមកនេះ សារព័ត៌មានជាច្រើន បានផ្ដោតខ្លាំងលើប្រធានាធិបតីហ្វីលីពីន លោក Rodrigo Duterte និយាយស្ដីមិនសូវប្រកាន់ពាក្យសម្ដីឡើយ ខណៈដែលមេដឹកនាំទៃទៀត ដូចជាទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី បែរមិនសូវចេញមុខទៅវិញ។ 
ប្រមុខរដ្ឋ-ប្រមុខរដ្ឋាភិបាលសមាជិកអាស៊ានទាំង១០ និងមេដឹកនាំប្រទេសដៃគូ បានចូលរួមប្រជុំអាស៊ាន និងកិច្ចប្រជុំពាក់ព័ន្ធផ្សេងទៀត ប៉ុន្តែមានតែប្រធានាធិបតីហ្វីលីពីន លោក Rodrigo Duterte ដែលទាក់ទាញចំណាប់អារម្មណ៍មេដឹកនាំជាច្រើន ក៏ដូចជាបណ្ដាអ្នកសារព័ត៌មានដែរ។ របៀបរបបនៃការស្លៀកពាក់ ការប្រើប្រាស់ពាក្យសម្ដី និងនយោបាយនៅក្នុងស្រុកទាក់ទិនការបោសសម្អាតគ្រឿងញៀន ជាចំណុចធ្វើឲ្យលោក Duterte មានប្រជាប្រិយភាពខ្លាំង។
តាមពិតទៅ នេះជាលើកដំបូងនៃទស្សនកិច្ចក្រៅប្រទេស ក៏ដូចជាការចូលរួមលើកទីមួយក្នុងកិច្ចប្រជុំអាស៊ាន របស់ប្រធានាធិបតីហ្វីលីពីន ព្រោះលោកទើបតែចូលកាន់តំណែងកាលពីខែមិថុនាប៉ុណ្ណោះ។ នេះអាចចាត់ទុកបានថា ជាការណែនាំខ្លួនទៅកាន់មេដឹកនាំដទៃទៀត ក្នុងនាមជាប្រមុខរដ្ឋថ្មីនៃរដ្ឋសមាជិកអាស៊ាន។ អ្វីដែលគួរកត់សម្គាល់នោះ ក្នុងពិធីបើកកិច្ចប្រជុំ លោក Duterte បែរជាពាក់អាវប្រពៃណីហ្វីលីពីនពណ៌ស ស្របពេលដែលមេដឹកនាំដទៃទៀត ស្លៀកសម្លៀកបំពាក់ខោអាវធំ។
ពីដំបូង គេគ្រប់គ្នាគិតថា ទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី ឯណោះទេ ដែលនឹងទាក់ទាញចំណាប់អារម្មណ៍ ដ្បិតលោកស្រីជាមេដឹកនាំស្ត្រីតែម្នាក់គត់ ក្នុងចំណោមបណ្ដាមេដឹកនាំអាស៊ានផ្សេងទៀត។ លោកស្រី ចូលរួមប្រជុំលើកនេះ ជំនួសលោកប្រធានាធិបតី ធិន ច (Htin Kyaw) ដែលមិនសូវលេចមុខលើឆាកអន្តរជាតិ ព្រោះលោកស្រី ស៊ូជី ជាអ្នកលើកបន្តុបលោកឲ្យកាន់តំណែងនេះប៉ុណ្ណោះ។
ប៉ុន្តែបណ្តាមេដឹកនាំអាស៊ាន និងមេដឹកនាំពិភពលោក សុទ្ធតែចង់ជួបលោក Duterte ដោយផ្ទាល់ដើម្បីឲ្យបានដឹងថាលោកជាមនុស្សបែបណា។ លោក Martin Andanar រដ្ឋមន្ត្រីព័ត៌មានហ្វីលីពីនបានអះអាងថា លោក Duterte បានទទួលការស្វាគមន៍ពីមេដឹកនាំដទៃដូចជា «តារា Rock»។ សូម្បីតែនាយករដ្ឋមន្ត្រីជប៉ុន ស៊ីនហ្សូ អាបេ ក៏សរសើរលោក Duterte ដែរ ដោយនិយាយថា លោកជាអ្នកនយោបាយដែលល្បីខ្លាំងនៅប្រទេសជប៉ុន។
ទោះបីជាលោកល្បីល្បាញ ហើយមានអ្នកសុំជួបច្រើនយ៉ាងណាក៏ដោយ លោក បារ៉ាក់ អូបាម៉ា មិនមែនជា Fan របស់លោក Duterte ទេ។ ដោយសារតែពាក្យសម្តីគំរោះគំរើយនិងអសុរោះរបស់លោក Duterte លោក អូបាម៉ា ខឹងរហូតលុបចោលជំនួបទ្វេភាគីដែលគ្រោងទុករាប់ខែមកនេះផងដែរ។ លើសពីនេះ លោក Duterte ក៏មិនមានវត្តមានរវាងអាស៊ាន-អាមេរិក និងអាស៊ាន-អង្គការសហប្រជាជាតិទៅទៀត។
រឿងរ៉ាវរបស់លោក Duterte មានប្រជាប្រិយភាពខ្លាំង ដែលត្រូវគេមើលឃើញថា គ្របដណ្ដប់របៀបវារៈសំខាន់នៃកិច្ចប្រជុំទៀតផង។ កម្ដៅជម្លោះសមុទ្រចិនខាងត្បូងសមុទ្រ មិនសូវជាតានតឹងប៉ុន្មានឡើយក្នុងកិច្ចប្រជុំក្នុងរដ្ឋធានីវៀងចន្ទន៍ សូម្បីតែសេចក្ដីថ្លែងការណ៍មេដឹកនាំអាស៊ាន ក៏មិនបានបញ្ចូលសេចក្ដីសម្រេចរបស់តុលាការអន្តរជាតិដែរ៕
ប្រមុខរដ្ឋ-ប្រមុខរដ្ឋាភិបាលសមាជិកអាស៊ានទាំង១០ និងមេដឹកនាំប្រទេសដៃគូ បានចូលរួមប្រជុំអាស៊ាន និងកិច្ចប្រជុំពាក់ព័ន្ធផ្សេងទៀត ប៉ុន្តែមានតែប្រធានាធិបតីហ្វីលីពីន លោក Rodrigo Duterte ដែលទាក់ទាញចំណាប់អារម្មណ៍មេដឹកនាំជាច្រើន ក៏ដូចជាបណ្ដាអ្នកសារព័ត៌មានដែរ។ របៀបរបបនៃការស្លៀកពាក់ ការប្រើប្រាស់ពាក្យសម្ដី និងនយោបាយនៅក្នុងស្រុកទាក់ទិនការបោសសម្អាតគ្រឿងញៀន ជាចំណុចធ្វើឲ្យលោក Duterte មានប្រជាប្រិយភាពខ្លាំង។
តាមពិតទៅ នេះជាលើកដំបូងនៃទស្សនកិច្ចក្រៅប្រទេស ក៏ដូចជាការចូលរួមលើកទីមួយក្នុងកិច្ចប្រជុំអាស៊ាន របស់ប្រធានាធិបតីហ្វីលីពីន ព្រោះលោកទើបតែចូលកាន់តំណែងកាលពីខែមិថុនាប៉ុណ្ណោះ។ នេះអាចចាត់ទុកបានថា ជាការណែនាំខ្លួនទៅកាន់មេដឹកនាំដទៃទៀត ក្នុងនាមជាប្រមុខរដ្ឋថ្មីនៃរដ្ឋសមាជិកអាស៊ាន។ អ្វីដែលគួរកត់សម្គាល់នោះ ក្នុងពិធីបើកកិច្ចប្រជុំ លោក Duterte បែរជាពាក់អាវប្រពៃណីហ្វីលីពីនពណ៌ស ស្របពេលដែលមេដឹកនាំដទៃទៀត ស្លៀកសម្លៀកបំពាក់ខោអាវធំ។
ពីដំបូង គេគ្រប់គ្នាគិតថា ទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី ឯណោះទេ ដែលនឹងទាក់ទាញចំណាប់អារម្មណ៍ ដ្បិតលោកស្រីជាមេដឹកនាំស្ត្រីតែម្នាក់គត់ ក្នុងចំណោមបណ្ដាមេដឹកនាំអាស៊ានផ្សេងទៀត។ លោកស្រី ចូលរួមប្រជុំលើកនេះ ជំនួសលោកប្រធានាធិបតី ធិន ច (Htin Kyaw) ដែលមិនសូវលេចមុខលើឆាកអន្តរជាតិ ព្រោះលោកស្រី ស៊ូជី ជាអ្នកលើកបន្តុបលោកឲ្យកាន់តំណែងនេះប៉ុណ្ណោះ។
ប៉ុន្តែបណ្តាមេដឹកនាំអាស៊ាន និងមេដឹកនាំពិភពលោក សុទ្ធតែចង់ជួបលោក Duterte ដោយផ្ទាល់ដើម្បីឲ្យបានដឹងថាលោកជាមនុស្សបែបណា។ លោក Martin Andanar រដ្ឋមន្ត្រីព័ត៌មានហ្វីលីពីនបានអះអាងថា លោក Duterte បានទទួលការស្វាគមន៍ពីមេដឹកនាំដទៃដូចជា «តារា Rock»។ សូម្បីតែនាយករដ្ឋមន្ត្រីជប៉ុន ស៊ីនហ្សូ អាបេ ក៏សរសើរលោក Duterte ដែរ ដោយនិយាយថា លោកជាអ្នកនយោបាយដែលល្បីខ្លាំងនៅប្រទេសជប៉ុន។
ទោះបីជាលោកល្បីល្បាញ ហើយមានអ្នកសុំជួបច្រើនយ៉ាងណាក៏ដោយ លោក បារ៉ាក់ អូបាម៉ា មិនមែនជា Fan របស់លោក Duterte ទេ។ ដោយសារតែពាក្យសម្តីគំរោះគំរើយនិងអសុរោះរបស់លោក Duterte លោក អូបាម៉ា ខឹងរហូតលុបចោលជំនួបទ្វេភាគីដែលគ្រោងទុករាប់ខែមកនេះផងដែរ។ លើសពីនេះ លោក Duterte ក៏មិនមានវត្តមានរវាងអាស៊ាន-អាមេរិក និងអាស៊ាន-អង្គការសហប្រជាជាតិទៅទៀត។
រឿងរ៉ាវរបស់លោក Duterte មានប្រជាប្រិយភាពខ្លាំង ដែលត្រូវគេមើលឃើញថា គ្របដណ្ដប់របៀបវារៈសំខាន់នៃកិច្ចប្រជុំទៀតផង។ កម្ដៅជម្លោះសមុទ្រចិនខាងត្បូងសមុទ្រ មិនសូវជាតានតឹងប៉ុន្មានឡើយក្នុងកិច្ចប្រជុំក្នុងរដ្ឋធានីវៀងចន្ទន៍ សូម្បីតែសេចក្ដីថ្លែងការណ៍មេដឹកនាំអាស៊ាន ក៏មិនបានបញ្ចូលសេចក្ដីសម្រេចរបស់តុលាការអន្តរជាតិដែរ៕
Tag:
អាស៊ាន
Rodrigo Duterte
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
