រូបត្លុក
×![]()
ភ្នំពេញ៖ មិនឈឺទេ តែបុគ្គលិកបានកុហក់ក្រុមហ៊ុនថា ឈឺ ដើម្បីបានទៅដើរលេងជាមួយមិត្តភក្តិ។ ពេលដើរលេងសប្បាយពេក ភ្លេចខ្លួន ក៏បង្ហោះរូបមួយនៅលើ Wall របស់ខ្លួន។ ជាលទ្ធផល ក្រុមហ៊ុនដឹងថា ភូតភរ គេក៏ដេញបុគ្គលិកនោះចេញពីការងារទៅ។ 
រឿងមួយទៀត អត់ការងារធ្វើដោយសារតែហ្វេសប៊ុកដែរ។ ថ្ងៃមួយ អ្នកស្វែងរកការងារធ្វើ ទទួលបានការធ្វើបទសម្ភាសន៍ជាមួយក្រុមហ៊ុន។ ពេលធ្វើបទសម្ភាសន៍ ម្ចាស់ក្រុមហ៊ុនសម្រេចក្នុងចិត្តទទួលឲ្យធ្វើការហើយ ព្រោះ សមត្ថភាពការងារ ចំណេះដឹងទូទៅ ចំណេះដឹងជំនាញ ចំណេះដឹងភាសា មានគ្រប់ទាំងអស់។ ប៉ុន្តែមួយថ្ងៃក្រោយមក មុននឹងសម្រេចជាផ្លូវការ, ម្ចាស់ក្រុមហ៊ុនក៏ចូលទៅមើលគណនីហ្វេសប៊ុករបស់អ្នកស្វែងរកការងារធ្វើនោះ ពេលចូលមើល ម្ចាស់ក្រុមហ៊ុនក៏បានឃើញថា បុគ្គលនោះ បង្ហោះរូបរញ៉េរញ៉ៃច្រើន នៅលើគណនីហ្វេសប៊ុករបស់ខ្លួន។ នៅទីបញ្ចប់ ម្ចាស់ក្រុមហ៊ុន ក៏សម្រេចប្តូរចិត្តឈប់ផ្តល់ការងារឲ្យធ្វើវិញ ដោយសារ តែការបង្ហោះរូបភាពមើលទៅដែលគេអាចវាយតម្លៃបានថា ជាបុគ្គលមិនសូវហ្មត់ចត់៕
© រក្សាសិទ្ធិដោយ thmeythmey.com
