អន្តរជាតិ
ម្តាយម្នាក់បាញ់កម្ទេចទូរសព្ទរបស់កូនៗ ព្រោះខឹងពួកគេវក់នឹងបណ្តាញសង្គមពេក
× ស្ត្រីជនជាតិអាមេរិកម្នាក់បង្ហាញពីអារម្មណ៍ខឹងសម្បារយ៉ាងខ្លាំង ដែលកូនៗរបស់ខ្លួនវក់នឹងបណ្តាញសង្គមគ្មានគិតបាយគិតទឹក។ គាត់បានប្រកាសសង្គ្រាមប្រឆាំងនឹងបច្ចេកវិទ្យា ដោយបានយកកាំភ្លើងបាញ់កម្ទេចទូរសព្ទរបស់កូនៗ ។
«ឥទ្ធិពលនៃបណ្តាញសង្គមមកលើកូនៗរបស់ខ្ញុំ គឺនាំឲ្យពួកគេលែងស្តាប់បង្គាប់ និងខ្វះការគោរព» នេះបើតាមការប្រកាសរបស់ស្ត្រីអាមេរិកនៅលើវីដេអូ ដែលគាត់បានថតដើម្បីទុកជាគម្រូដល់ឪពុកម្តាយដទៃទៀតក្នុងការប្រយុទ្ធប្រឆាំងនឹងបច្ចេកវិទ្យា។
ជាមួយនឹងសម្តីដ៏ម៉ឺងម៉ាត់ ស្ត្រីរូបនោះ បានយកកាំភ្លើងបាញ់កម្ចេចទូរសព្ទ ហើយដំវាបន្ថែមឲ្យខ្ទេចខ្ទី១០០ភាគរយ។ គាត់បានបញ្ជាក់ថា នេះជាតួនាទីរបស់គាត់ក្នុងនាមជាឪពុកម្តាយដែលទាញកូនឲ្យឈប់ចំណាយពេលឥតប្រយោជន៍លើបច្ចេកវិទ្យា។
បន្ថែមពីលើនេះទៀត គាត់បានបង្ហោះវីដេអូមួយទៀតដែលទាក់ទងនឹងការប្រយុទ្ធប្រឆាំងគ្រឿងញៀន។ ស្ត្រីរូបនោះ សង្កេតឃើញថា គ្រឿងញៀននាំឲ្យកូនៗពួកគាត់ក្លាយជាមនុស្សខ្ជិលច្រអូស ហើយចូលចិត្តដេកអត់ធ្វើការ។ ដើម្បីបង្ហាញជាគំរូ គាត់បានយកសម្ភារមួយចំនួនរបស់កូនដុតកំទេចចោល៕
Tag:
ប្លែកៗ
បណ្តាញសង្គម
© រក្សាសិទ្ធិដោយ thmeythmey.com