ជាតិ
បទយកការណ៍ / បទសម្ភាសន៍
សង្គមជាតិ
រៀនពូកែមិនទាក់ទងនឹងជីវភាពគ្រួសារទេ តែទាក់់ទងនឹងការតាំងចិត្តច្រើនជាង
× ភ្នំពេញ៖ កើតចេញពីត្រកូលកសិករនៅក្នុងខេត្តតាកែវ លោក សឹង រេត ឆ្លងកាត់ការតស៊ូរៀនសូត្រយ៉ាងលំបាកនៅក្នុងវត្តផង ខ្វះមុនខ្វះក្រោយផង មុននឹងបញ្ចប់ការសិក្សាថ្នាក់់ក្រោយបណ្ឌិត។ បច្ចុប្បន្ននេះ លោកបានក្លាយទៅជាសាស្ត្រាចារ្យ Fulbright បង្រៀនផ្នែកសេដ្ឋកិច្ចនៅសហរដ្ឋអាមេរិកក្នុងកម្មវិធី Fulbright Scholar in residence សម្រាប់ពីរឆមាសក្នុងឆ្នាំសិក្សា២០១៦-២០១៧ ។ លោក សឹង រេត គឺជាសាស្ត្រាចារ្យខ្មែរទី១ដែលទទួលបានឋានៈជា Fulbright Scholar បង្រៀនផ្នែកសេដ្ឋកិច្ចនៅសកលវិទ្យាល័យអាមេរិក Middlesex Community College នៅរដ្ឋ Massachusetts នៃសហរដ្ឋអាមេរិក។
លោក សឹង រេត គឺជាកូនអ្នកក្រីមកពីខេត្តតាកែវ។ លោកទទួលបានបញ្ញាបត្រគណិតវិទ្យាពីសកលវិទ្យាល័យភ្នំពេញ ក្រោយមកទទួលបានបរិញ្ញាបត្រជាន់ខ្ពស់ផ្នែកហិរញ្ញវត្ថុ និងនៅចុងក្រោយបំផុត លោកទទួលបានសញ្ញាបត្របណ្ឌិតសេដ្ឋកិច្ចនៅឆ្នាំ២០០៩ពីប្រទេសប៊ែលហ្សិក និងទទួលបានអាហារូបករណ៍ថ្នាក់ក្រោយបណ្ឌិតផ្នែកសេដ្ឋកិច្ចដដែល នៅវិទ្យាស្ថាន Flemish Center on International Policy of University of Antwerp (Belgium)។ បច្ចុប្បន្ននេះ លោកបានក្លាយទៅជាសាស្ត្រាចារ្យ Fulbright បង្រៀនផ្នែកសេដ្ឋកិច្ចនៅសហរដ្ឋអាមេរិកក្នុងកម្មវិធី Fulbright Scholar in residence សម្រាប់ពីរឆមាសក្នុងឆ្នាំសិក្សា២០១៦-២០១៧ ។ លោក សឹង រេត គឺជាសាស្ត្រាចារ្យខ្មែរទី១ដែលទទួលបានឋានៈជា Fulbright Scholar បង្រៀនផ្នែកសេដ្ឋកិច្ចនៅសកលវិទ្យាល័យអាមេរិក Middlesex Community College នៅរដ្ឋ Massachusetts នៃសហរដ្ឋអាមេរិក។
មុននឹងបានក្លាយទៅជានិស្សិតឆ្នើម និងសាស្ត្រាចារ្យឆ្នើម លោក សឹង រេត បានរៀបរាប់ប្រាប់ថា ជីវិតសិក្សារបស់លោកមានការតស៊ូខ្លាំងណាស់ ពេលខ្លះ លោកយកចេតិយធ្វើជាកន្លែងសម្រាប់សិក្សា។
ដើម្បីជ្រាបព័ត៌មានលម្អិតថា តើមូលហេតុអ្វីបានជាលោក សឹង រេត ត្រូវបានគេជ្រើសរើសឲ្យទៅបង្រៀននៅសហរដ្ឋអាមេរិក ហើយថា តើលោកសិក្សាដូចម្តេចបានជាពូកែ? សូមអញ្ជើញស្តាប់បទសម្ភាសន៍រវាងលោក គី សុខលីម អគ្គនាយកសារព័ត៌មានអេឡិចត្រូនិកថ្មីៗ និងលោក សឹង រេត សាស្ត្រាចារ្យសេដ្ឋកិច្ច និងជាមន្ត្រីខុទ្ទកាល័យលោក សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ដូចតទៅ៖
សូមបញ្ជាក់ថា បទសម្ភាសន៍នេះ បានធ្វើឡើងមុនពេលលោក សឹង រេត ចាកចេញទៅកាន់សហរដ្ឋអាមេរិក៕
© រក្សាសិទ្ធិដោយ thmeythmey.com