អន្តរជាតិ
×![]()
មេដឹកនាំគណបក្ស «រណសិរ្សជាតិ»បារាំងលោកស្រី Marine Le Pen បានសន្យាជាថ្មីថា បើលោកស្រីជាប់ឆ្នោត ប្រជាមតិមួយនឹងត្រូវរៀបចំដើម្បីបើកផ្លូវឲ្យបារាំងចាកចេញពីសហភាពអឺរ៉ុប។ អ្នកនយោបាយរូបនេះនឹងឈរឈ្មោះបោះឆ្នោតប្រធានាធិបតីក្នុងឆ្នាំ ២០១៧ ដើម្បីប្រជែងបេក្ខជនផ្សេងទៀតរួមជាមួយអតីតប្រធានាធិបតី នីកូឡា សាកូហ្ស៊ីផង។ 
បារាំងប្រហែលត្រូវប្រឈមជាមួយចលនាប្រឆាំងសហភាពអឺរ៉ុបកាន់តែខ្លាំង បើសិនជាអ្នកនយោបាយស្តាំនិយមជ្រុលលោកស្រី Marine Le Pen ឈ្នះឆ្នោតក្នុងការបោះឆ្នោតប្រធានាធិបតីក្នុងឆ្នាំ ២០១៧។
យោងតាមទីភ្នាក់ងារព័ត៌មានរុស្ស៊ី TASS ថ្លែងក្នុងសភាអឺរ៉ុបនាថ្ងៃពុធទី ១៤ កញ្ញា ប្រធានបក្សរណសិរ្សជាតិ លោកស្រី Marine Le Pen បានប្រកាសថា លោកស្រីត្រៀមខ្លួនរួចរាល់ហើយដើម្បីរៀបចំប្រជាមតិនៅទូទាំងប្រទេស ដើម្បីកំណត់សមាជិកភាពរបស់បារាំងនៅសហភាពអឺរ៉ុប នៅពេលដែលោកក្លាយជាប្រធានាធិបតី។
លោកស្រីបានថ្លែងថា៖«ប្រជាមតិជាវិធីសាស្ត្រល្អបំផុតដែលយើងអាចរៀបចំឡើងអនុលោមតាមច្បាប់និងគោលការណ៍ប្រជាធិបតេយ្យ។រយៈពេល ៤ ឆ្នាំមកហើយ ខ្ញុំបានសន្យាថា ខ្ញុំនឹងរៀបចំប្រជាមតិដែលអនុញ្ញាតឲ្យប្រជាជនបារាំងបញ្ចេញគំនិតយោបល់លើការចាកចេញរបស់បារាំងពីសហភាពអឺរ៉ុប»។
អ្នកនយោបាយអភិរក្សនិយមរូបនេះ ក៏បានបន្តរិះគន់សុន្ទរកថារបស់ប្រមុខគណកម្មាធិការអឺរ៉ុបលោក Jean-Claude Juncker ដែលបានលើកឡើងថា ការចាកចេញពីសហភាពអឺរ៉ុបរបស់អង់គ្លេសមិនជួយដោះស្រាយបញ្ហាអឺរ៉ុបឡើយ ហើយសហភាពអឺរ៉ុបត្រូវការសមាហរណកម្មស៊ីជម្រៅជាងមុន។
លោកស្រី Le Pen បានឆ្លើយតបថា៖« គេត្រូវអនុញ្ញាតឲ្យប្រជាជាតិនីមួយៗមានសិទ្ធិជ្រើសរើសយកសេរីភាពពីការគ្រប់គ្រងផ្តាច់មុខ។ សូមអនុញ្ញាតឲ្យ ពួកគេមានឱកាសសហការជាមួយប្រទេសដទៃទៀតក្នុងកម្រិតមួយដែលពួកគេចង់បាន។ ដូច្នេះ អ្នកគួរក្លាយជាអ្នកប្រជាធិបតេយ្យ និងអនុញ្ញាតឲ្យពួកគេអាចកំណត់ជោគវាសនារបស់ខ្លួនបានដោយសេរី»។
តាំងពីដើមមកហើយ លោកស្រី Marine Le Pen តែងតែប្រឆាំងសហភាពអឺរ៉ុប និងគាំទ្របារាំងក្នុងការចាកចេញពីសហភាពអឺរ៉ុប ដោយយកលំនាំតាមចក្រភពអង់គ្លេស។ ហើយចលនាប្រឆាំងសហភាពអឺរ៉ុបកើនឡើងកាន់តែខ្លាំង ក្រោយអង់គ្លេសបោះឆ្នោតជ្រើសរើសយកការលែងលះជាមួយសហភាពអឺរ៉ុបកាលពីចុងខែមិថុនា។ ទោះជាយ៉ាងណាក្តី ដំណើរការនីតិវិធីចាកចេញពីសហភាពអឺរ៉ុបមិនទាន់ចាប់ផ្តើមនៅឡើយទេ ព្រោះរដ្ឋាភិបាលអង់គ្លេសហាក់បីដូចជាស្ទាក់ស្ទើរក្នុងការជ្រើសរើសយកផ្លូវដើរដាច់ដោយឡែកពីសហភាពអឺរ៉ុប។
ក្រៅពីការចាកចេញពីសហភាពអឺរ៉ុប លោកស្រីក៏មានគំនិតមិនសូវខុសគ្នាប៉ុន្មានពីបេក្ខជនប្រធានាធិបតីអាមេរិក ដូណាល់ ត្រាំ ឡើយនៅពេលលើកឡើងពីបញ្ហាសន្តិសុខ។ Marine Le Pen បានស្នើឲ្យរដ្ឋាភិបាលក្រុងប៉ារីសឈប់ទទួលជនភៀសខ្លួន និងរឹតត្បិតសិទ្ធិសេរីភាពសាសនាដើម្បីប្រឆាំងភេរវកម្ម។
ដូចឃើញស្រាប់ នៅពេលមានការវាយប្រហារជាបន្តបន្ទាប់នៅបារាំង លោកស្រី Marine Le Pen បានឆ្លៀតឱកាសគេងចំណេញស្ថានការណ៍អាសន្ន ដោយប្រឹងទាញយកបញ្ហាសាសនាមកឡូកឡំក្នុងបញ្ហានយោបាយក៏ដូចជាសន្តិសុខជាតិដែរ។ មិនត្រឹមតែប៉ុណ្ណោះទេ លោកស្រី អំពាវនាវឲ្យរដ្ឋាភិបាលប្រកាសសង្គ្រាមប្រឆាំងជនជ្រុលនិយម និងធ្វើយ៉ាងណារកវិធានការដើម្បីលុបបំបាត់ឲ្យបាននូវចលនាឥស្លាមជ្រុលនិយមថែមទៀផង៕
បារាំងប្រហែលត្រូវប្រឈមជាមួយចលនាប្រឆាំងសហភាពអឺរ៉ុបកាន់តែខ្លាំង បើសិនជាអ្នកនយោបាយស្តាំនិយមជ្រុលលោកស្រី Marine Le Pen ឈ្នះឆ្នោតក្នុងការបោះឆ្នោតប្រធានាធិបតីក្នុងឆ្នាំ ២០១៧។
យោងតាមទីភ្នាក់ងារព័ត៌មានរុស្ស៊ី TASS ថ្លែងក្នុងសភាអឺរ៉ុបនាថ្ងៃពុធទី ១៤ កញ្ញា ប្រធានបក្សរណសិរ្សជាតិ លោកស្រី Marine Le Pen បានប្រកាសថា លោកស្រីត្រៀមខ្លួនរួចរាល់ហើយដើម្បីរៀបចំប្រជាមតិនៅទូទាំងប្រទេស ដើម្បីកំណត់សមាជិកភាពរបស់បារាំងនៅសហភាពអឺរ៉ុប នៅពេលដែលោកក្លាយជាប្រធានាធិបតី។
លោកស្រីបានថ្លែងថា៖«ប្រជាមតិជាវិធីសាស្ត្រល្អបំផុតដែលយើងអាចរៀបចំឡើងអនុលោមតាមច្បាប់និងគោលការណ៍ប្រជាធិបតេយ្យ។រយៈពេល ៤ ឆ្នាំមកហើយ ខ្ញុំបានសន្យាថា ខ្ញុំនឹងរៀបចំប្រជាមតិដែលអនុញ្ញាតឲ្យប្រជាជនបារាំងបញ្ចេញគំនិតយោបល់លើការចាកចេញរបស់បារាំងពីសហភាពអឺរ៉ុប»។
អ្នកនយោបាយអភិរក្សនិយមរូបនេះ ក៏បានបន្តរិះគន់សុន្ទរកថារបស់ប្រមុខគណកម្មាធិការអឺរ៉ុបលោក Jean-Claude Juncker ដែលបានលើកឡើងថា ការចាកចេញពីសហភាពអឺរ៉ុបរបស់អង់គ្លេសមិនជួយដោះស្រាយបញ្ហាអឺរ៉ុបឡើយ ហើយសហភាពអឺរ៉ុបត្រូវការសមាហរណកម្មស៊ីជម្រៅជាងមុន។
លោកស្រី Le Pen បានឆ្លើយតបថា៖« គេត្រូវអនុញ្ញាតឲ្យប្រជាជាតិនីមួយៗមានសិទ្ធិជ្រើសរើសយកសេរីភាពពីការគ្រប់គ្រងផ្តាច់មុខ។ សូមអនុញ្ញាតឲ្យ ពួកគេមានឱកាសសហការជាមួយប្រទេសដទៃទៀតក្នុងកម្រិតមួយដែលពួកគេចង់បាន។ ដូច្នេះ អ្នកគួរក្លាយជាអ្នកប្រជាធិបតេយ្យ និងអនុញ្ញាតឲ្យពួកគេអាចកំណត់ជោគវាសនារបស់ខ្លួនបានដោយសេរី»។
តាំងពីដើមមកហើយ លោកស្រី Marine Le Pen តែងតែប្រឆាំងសហភាពអឺរ៉ុប និងគាំទ្របារាំងក្នុងការចាកចេញពីសហភាពអឺរ៉ុប ដោយយកលំនាំតាមចក្រភពអង់គ្លេស។ ហើយចលនាប្រឆាំងសហភាពអឺរ៉ុបកើនឡើងកាន់តែខ្លាំង ក្រោយអង់គ្លេសបោះឆ្នោតជ្រើសរើសយកការលែងលះជាមួយសហភាពអឺរ៉ុបកាលពីចុងខែមិថុនា។ ទោះជាយ៉ាងណាក្តី ដំណើរការនីតិវិធីចាកចេញពីសហភាពអឺរ៉ុបមិនទាន់ចាប់ផ្តើមនៅឡើយទេ ព្រោះរដ្ឋាភិបាលអង់គ្លេសហាក់បីដូចជាស្ទាក់ស្ទើរក្នុងការជ្រើសរើសយកផ្លូវដើរដាច់ដោយឡែកពីសហភាពអឺរ៉ុប។
ក្រៅពីការចាកចេញពីសហភាពអឺរ៉ុប លោកស្រីក៏មានគំនិតមិនសូវខុសគ្នាប៉ុន្មានពីបេក្ខជនប្រធានាធិបតីអាមេរិក ដូណាល់ ត្រាំ ឡើយនៅពេលលើកឡើងពីបញ្ហាសន្តិសុខ។ Marine Le Pen បានស្នើឲ្យរដ្ឋាភិបាលក្រុងប៉ារីសឈប់ទទួលជនភៀសខ្លួន និងរឹតត្បិតសិទ្ធិសេរីភាពសាសនាដើម្បីប្រឆាំងភេរវកម្ម។
ដូចឃើញស្រាប់ នៅពេលមានការវាយប្រហារជាបន្តបន្ទាប់នៅបារាំង លោកស្រី Marine Le Pen បានឆ្លៀតឱកាសគេងចំណេញស្ថានការណ៍អាសន្ន ដោយប្រឹងទាញយកបញ្ហាសាសនាមកឡូកឡំក្នុងបញ្ហានយោបាយក៏ដូចជាសន្តិសុខជាតិដែរ។ មិនត្រឹមតែប៉ុណ្ណោះទេ លោកស្រី អំពាវនាវឲ្យរដ្ឋាភិបាលប្រកាសសង្គ្រាមប្រឆាំងជនជ្រុលនិយម និងធ្វើយ៉ាងណារកវិធានការដើម្បីលុបបំបាត់ឲ្យបាននូវចលនាឥស្លាមជ្រុលនិយមថែមទៀផង៕
Tag:
Marine Le Pen
នីកូឡា សាកូហ្ស៊ី
Jean-Claude Juncker
© រក្សាសិទ្ធិដោយ thmeythmey.com
