អន្តរជាតិ
ចិន ថា គម្រោងលក់អាវុធបញ្ចុះតម្លៃរបស់ជប៉ុនឲ្យឥណ្ឌា «ជារឿងដ៏អាម៉ាស់»
×![]()
រដ្ឋាភិបាលក្រុងប៉េកាំង បានហៅគម្រោងនៃការលក់អាវុធរបស់រដ្ឋាភិបាលក្រុងតូក្យូទៅកាន់រដ្ឋាភិបាលក្រុងញូវដែលី ថាជា«ឥរិយាបថមួយគួរឲ្យខ្មាស» ប្រសិន គម្រោងនោះ ពាក់ព័ន្ធនឹងបុព្វហេតុដែលមានការលាក់បាំង។
«ចិន មិនជំទាស់ទៅនឹងកិច្ចសហប្រតិបត្តិការការពារជាតិក្នុងក្របខណ្ឌធម្មតាឡើយ, ក៏ប៉ុន្តែ វា នឹងក្លាយជារឿងមួយដ៏គួរឲ្យអាម៉ាស់ ប្រសិន អ្នកណាម្នាក់ មានហេតុផលលាក់បាំងផ្សេងទៀតនោះ។» នេះគឺជាចម្លើយរបស់អ្នកនាំពាក្យក្រសួងការបរទេសចិន លោកស្រី Hua Chunying នៅថ្ងៃទី១៣ ខែកញ្ញា ទៅនឹងសំណួរអ្នកកាសែតដែលបានសួរថា «តើចិនគិតយ៉ាងដូចម្តេចចំពោះរបាយការណ៍ ដែលថា ជប៉ុន កំពុងតែចរចាលក់អាវុធឲ្យឥណ្ឌា ដោយសន្យាថា នឹងបញ្ចុះតម្លៃ ហើយ ជប៉ុន ក៏បានលើកទឹកចិត្តឲ្យឥណ្ឌានិយាយពីបញ្ហាសមុទ្រចិនខាងត្បូងនោះ?»
បើយោងតាមការចុះផ្សាយរបស់សារព័ត៌មាន The Time of India នៅថ្ងៃទី១១ ខែកញ្ញាកន្លងទៅ ជប៉ុន កំពុងតែចរចាលក់យន្តហោះរុករក ប្រភេទ Shinmaywa US-2+ និងយន្តហោះសង្គ្រោះឲ្យឥណ្ឌា ដោយមិនគិតពីផលប្រយោជន៍សេដ្ឋកិច្ចនោះទេ តែ ក៏ព្រោះតែ ឥណ្ឌាគឺជាប្រទេសមានទំនាក់ទំនងល្អ និងគួរឲ្យចង់រាប់អាន។
តាមប្រភពព័ត៌មានដដែលនោះ មន្ត្រីជាន់ខ្ពស់ក្រសួងការពារជាតិជប៉ុន បានអះអាងថា ជប៉ុន កំពុងតែពិចារណាក្នុងការបញ្ចុះតម្លៃប្រមាណ ១.៦ពាន់លានដុល្លារ ចំពោះកិច្ចព្រមព្រៀងនោះ ដោយអាស្រ័យលើការចរចាគ្នាសិន។ ហើយមន្ត្រីរូបនោះ ក៏បានបន្ថែមថា «ប្រសិនបើ កិច្ចព្រមព្រៀងនោះអាចធ្វើទៅបានមែននោះ វា នឹងផ្តល់លក្ខខណ្ឌអនុគ្រោះសម្រាប់ទំនាក់ទំនងជប៉ុន និងឥណ្ឌា»។
សូមជម្រាបផងដែរ ឥណ្ឌា គឺជាប្រទេសជិតខាងដ៏មានសក្តានុពលរបស់ចិន។ រយៈពេលចុងក្រោយនេះ មហាយក្សអាស៊ីឥណ្ឌា ក៏មានការប្រឈមមុខជាមួយនឹងចិនតាមបណ្តោយព្រំដែនផងដែរ។ ក្នុងន័យនេះ មានន័យថា ជប៉ុន អាចកំពុងតែព្យាយាមចាប់ដៃគូជាមួយនឹងឥណ្ឌា ដើម្បីប្រឆាំងចិន ដែលជាភាគីជម្លោះសមុទ្រខាងកើតរបស់ខ្លួននោះ។ ថ្មីៗនេះ ជប៉ុន ក៏បានប្រកាសផ្តល់ជំនួយការពារជាតិដល់ហ្វីលីពីន និងវៀតណាមដែលជាភាគីជម្លោះរបស់ចិននៅក្នុងសមុទ្រចិនខាងត្បូងផងដែរ៕
«ចិន មិនជំទាស់ទៅនឹងកិច្ចសហប្រតិបត្តិការការពារជាតិក្នុងក្របខណ្ឌធម្មតាឡើយ, ក៏ប៉ុន្តែ វា នឹងក្លាយជារឿងមួយដ៏គួរឲ្យអាម៉ាស់ ប្រសិន អ្នកណាម្នាក់ មានហេតុផលលាក់បាំងផ្សេងទៀតនោះ។» នេះគឺជាចម្លើយរបស់អ្នកនាំពាក្យក្រសួងការបរទេសចិន លោកស្រី Hua Chunying នៅថ្ងៃទី១៣ ខែកញ្ញា ទៅនឹងសំណួរអ្នកកាសែតដែលបានសួរថា «តើចិនគិតយ៉ាងដូចម្តេចចំពោះរបាយការណ៍ ដែលថា ជប៉ុន កំពុងតែចរចាលក់អាវុធឲ្យឥណ្ឌា ដោយសន្យាថា នឹងបញ្ចុះតម្លៃ ហើយ ជប៉ុន ក៏បានលើកទឹកចិត្តឲ្យឥណ្ឌានិយាយពីបញ្ហាសមុទ្រចិនខាងត្បូងនោះ?»
បើយោងតាមការចុះផ្សាយរបស់សារព័ត៌មាន The Time of India នៅថ្ងៃទី១១ ខែកញ្ញាកន្លងទៅ ជប៉ុន កំពុងតែចរចាលក់យន្តហោះរុករក ប្រភេទ Shinmaywa US-2+ និងយន្តហោះសង្គ្រោះឲ្យឥណ្ឌា ដោយមិនគិតពីផលប្រយោជន៍សេដ្ឋកិច្ចនោះទេ តែ ក៏ព្រោះតែ ឥណ្ឌាគឺជាប្រទេសមានទំនាក់ទំនងល្អ និងគួរឲ្យចង់រាប់អាន។
តាមប្រភពព័ត៌មានដដែលនោះ មន្ត្រីជាន់ខ្ពស់ក្រសួងការពារជាតិជប៉ុន បានអះអាងថា ជប៉ុន កំពុងតែពិចារណាក្នុងការបញ្ចុះតម្លៃប្រមាណ ១.៦ពាន់លានដុល្លារ ចំពោះកិច្ចព្រមព្រៀងនោះ ដោយអាស្រ័យលើការចរចាគ្នាសិន។ ហើយមន្ត្រីរូបនោះ ក៏បានបន្ថែមថា «ប្រសិនបើ កិច្ចព្រមព្រៀងនោះអាចធ្វើទៅបានមែននោះ វា នឹងផ្តល់លក្ខខណ្ឌអនុគ្រោះសម្រាប់ទំនាក់ទំនងជប៉ុន និងឥណ្ឌា»។
សូមជម្រាបផងដែរ ឥណ្ឌា គឺជាប្រទេសជិតខាងដ៏មានសក្តានុពលរបស់ចិន។ រយៈពេលចុងក្រោយនេះ មហាយក្សអាស៊ីឥណ្ឌា ក៏មានការប្រឈមមុខជាមួយនឹងចិនតាមបណ្តោយព្រំដែនផងដែរ។ ក្នុងន័យនេះ មានន័យថា ជប៉ុន អាចកំពុងតែព្យាយាមចាប់ដៃគូជាមួយនឹងឥណ្ឌា ដើម្បីប្រឆាំងចិន ដែលជាភាគីជម្លោះសមុទ្រខាងកើតរបស់ខ្លួននោះ។ ថ្មីៗនេះ ជប៉ុន ក៏បានប្រកាសផ្តល់ជំនួយការពារជាតិដល់ហ្វីលីពីន និងវៀតណាមដែលជាភាគីជម្លោះរបស់ចិននៅក្នុងសមុទ្រចិនខាងត្បូងផងដែរ៕
Tag:
ចិន
ជប៉ុន
ឥណ្ឌា
© រក្សាសិទ្ធិដោយ thmeythmey.com
