អន្តរជាតិ
×![]()
ឥណ្ឌាបានប្រកាសផ្តល់ជំនួយ ១ពាន់លានដុល្លារដល់អាហ្វហ្កានីស្ថាននៅថ្ងៃចន្ទទី ១៤ កញ្ញាដើម្បីជួយកសាងវិស័យអប់រំ,សុខាភិបាល កសិកម្ម និងវិស័យសំខាន់ៗផ្សេងទៀតផងដែរ។ ហើយប្រទេសជាមិត្តទាំងពីរឥណ្ឌានិងអាហ្វហ្កានីស្ថានក៏បានប្តេជ្ញាចិត្តពង្រឹងកិច្ចសហប្រតិបត្តិការនិងអំពាវនាវទៅកាន់ភាគីពាក់ព័ន្ធឲ្យបញ្ចប់រាល់ការគាំទ្រនិងផ្តល់ជំនួយដល់ក្រុមភេរវជននៅក្នុងតំបន់ថែមទៀតផង។
សូមស្ដាប់ព័ត៌មានលម្អិត៖
នាយករដ្ឋមន្ត្រីឥណ្ឌាលោក នារិន្ទ្រា ម៉ូឌី (Narendra Modi) បានប្រកាសផ្តល់ជំនួយទំហំ១ពាន់លានដុល្លារដល់អាហ្វហ្កានីស្ថាន នៅក្នុងជំនួបទ្វេភាគីជាមួយប្រធានាធិបតីអាហ្វហ្កានីស្ថាន Ashraf Ghani ថ្ងៃពុធទី ១៤កញ្ញាកន្លងទៅ។
បើយោងតាម ទីភ្នាក់ងារព័ត៌មាន AFP កញ្ចប់ជំនួយទំហំ ១ពាន់លានដុល្លារដែលឥណ្ឌាផ្តល់ឲ្យនឹងជួយរដ្ឋាភិបាលក្រុងកាប៊ុលស្ថាបនាឡើងវិញនូវហេដ្ឋារចនាសម្ព័ន្ធ,អភិវឌ្ឍវិស័យអប់រំ, សុខាភិបាល, កសិកម្ម និងវិស័យផ្សេងទៀតផងដែរ។
ទោះជាយ៉ាងណាក៏ដោយចុះ គេមិនបានដឹងច្បាស់ទេថា រដ្ឋាភិបាលឥណ្ឌា នឹងផ្តល់ជំនួយយោធាដល់រដ្ឋាភិបាលក្រុងកាប៊ុលឬអត់នៅពេលខាងមុខ ព្រោះជំនួយយោធាមិនត្រូវបានគេលើកឡើងនៅក្នុងសេចក្តីថ្លែងការណ៍រួមរវាងមេដឹកនាំទាំងពីរឡើយ ។ កន្លងមករដ្ឋាភិបាលអាហ្វហ្កានីស្ថានបានស្នើសុំជំនួយយោធាពីរដ្ឋាភិបាលឥណ្ឌាផងដែរ។
ឥណ្ឌាជាប្រទេសដែលផ្តល់ជំនួយច្រើនបំផុតដល់អាហ្វហ្កានីស្ថានលំដាប់ទី ៥ ហើយមហាអំណាចតំបន់នេះតែងតែគាំទ្ររដ្ឋាភិបាលក្រុងកាប៊ុលក្នុងការដោះស្រាយបញ្ហាប្រឈមក្នុងប្រទេស។ បើគិតចាប់តាំងពីពេលរដ្ឋាភិបាលដែលគ្រប់គ្រងដោយក្រុមតាលីបង់ត្រូវបានផ្តួលរំលំក្នុងឆ្នាំ ២០០១ មក ឥណ្ឌាបានចំណាយលុយយ៉ាងហោចណាស់ ២ពាន់លានដុល្លារដើម្បីជួយអាហ្វហ្កានីស្ថាន។
ក្រៅពីពិភាក្សាពីបញ្ហាកិច្ចសហប្រតិបត្តិការទ្វេភាគី លោក នារិន្ទ្រា ម៉ូឌី និងលោក Ashraf Ghani បានពិភាក្សាពីការដោះស្រាយបញ្ហាសន្តិសុខតំបន់ថែមទៀតផង។ មេដឹកនាំទាំងពីរបានអំពាវទៅកាន់បណ្តាប្រទេសពាក់ព័ន្ធនៅក្នុងតំបន់ឲ្យនាំគា្នកាត់ផ្តាច់រាល់ការគាំទ្រនិងផ្តល់ជំនួយដល់ក្រុមភេរវជននិងចលនាប្រដាប់អាវុធខុសច្បាប់។ ប៉ុន្តែអ្នកទាំងពីរមិនបញ្ជាក់ឈ្មោះប៉ាគីស្ថានចំៗឡើយ។
រដ្ឋលេខាធិការការបរទេសឥណ្ឌា Subrahmanyam Jaishankar បានអះអាងថា៖« មេដឹកនាំទាំងពីរបានជជែកពិភាក្សាពីស្ថានភាពតំបន់ និងបង្ហាញពីកង្វល់ចំពោះការបន្តប្រើប្រាស់ចលនាភេរវកម្ម និងហិង្សាប្រដាប់អាវុធនៅក្នុងតំបន់ដើម្បីសម្រេចប្រយោជន៍នយោបាយរបស់ខ្លួន។ ដូច្នេះហើយអ្នកទាំងពីរបានអំពាវនាវឲ្យបណ្តាប្រទេសពាក់ព័ន្ធបញ្ចប់ឲ្យអស់នូវការគាំទ្រ, ផ្តល់ជំនួយ និងផ្តល់ជម្រកដល់ក្រុមភេរវជនក្នុងនោះមានទាំងក្រុមភេរវជនដែលចង់វាយប្រហារអាហ្វហ្កានីស្ថាននិងឥណ្ឌាផង»។
តាំងពីយូរមកហើយ មេដឹកនាំអាហ្វហ្កានីស្ថាន Ashraf Ghani តែងតែរិះគន់និងចោទប្រទេសជិតខាងប៉ាគីស្ថានថាជាប្រទេសដែលគាំទ្រចលនាភេរវជនតាលីបង់នៅក្នុងប្រទេអាហ្វហ្កានីស្ថាន។ ចំណែកឥណ្ឌាឯណោះវិញ ក៏បានចោទប្រកាន់ថា ប៉ាគីស្ថាននេះបានផ្តល់ជំនួយដល់ក្រុមប្រដាប់អាវុធដែលឆ្លងដែនចូលដល់តំបន់កាស្មៀដែលស្ថិតក្រោមការកាន់កាប់របស់ឥណ្ឌា។ ប៉ុន្តែរដ្ឋាភិបាលក្រុងអ៊ីស្លាម៉ាបាត បានទាត់ចោលរាល់ការចោលប្រកាន់ទាំងនេះ ហើយអះអាងថាខ្លួនស្អាតស្អំគ្មានពាក់ព័ន្ធចលនាទាំងនេះឡើយ។
សូមបញ្ជាក់ថា លោក ប្រធានាធិបតីអាហ្វហ្កានីស្ថាន Ashraf Ghani បានអញ្ជើញទៅទស្សនកិច្ចនៅប្រទេសឥណ្ឌារយៈពេល ២ថ្ងៃ ដោយទស្សនកិច្ចចាប់ផ្តើមពីថ្ងៃពុធទី ១៤ កញ្ញានេះ។ ហើយលោក Ashraf Ghani ក៏នឹងផ្តល់សុន្ទរកថានៅក្នុងកម្មវិធី« ប្រឆាំងភេរវកម្មពិភពលោក» នៅមជ្ឈមណ្ឌលស្រាវជ្រាវមួយនៅទីក្រុងដែលីដែរក្រោយជួបជាមួយនាយករដ្ឋមន្ត្រីឥណ្ឌា៕
សូមស្ដាប់ព័ត៌មានលម្អិត៖
នាយករដ្ឋមន្ត្រីឥណ្ឌាលោក នារិន្ទ្រា ម៉ូឌី (Narendra Modi) បានប្រកាសផ្តល់ជំនួយទំហំ១ពាន់លានដុល្លារដល់អាហ្វហ្កានីស្ថាន នៅក្នុងជំនួបទ្វេភាគីជាមួយប្រធានាធិបតីអាហ្វហ្កានីស្ថាន Ashraf Ghani ថ្ងៃពុធទី ១៤កញ្ញាកន្លងទៅ។
បើយោងតាម ទីភ្នាក់ងារព័ត៌មាន AFP កញ្ចប់ជំនួយទំហំ ១ពាន់លានដុល្លារដែលឥណ្ឌាផ្តល់ឲ្យនឹងជួយរដ្ឋាភិបាលក្រុងកាប៊ុលស្ថាបនាឡើងវិញនូវហេដ្ឋារចនាសម្ព័ន្ធ,អភិវឌ្ឍវិស័យអប់រំ, សុខាភិបាល, កសិកម្ម និងវិស័យផ្សេងទៀតផងដែរ។
ទោះជាយ៉ាងណាក៏ដោយចុះ គេមិនបានដឹងច្បាស់ទេថា រដ្ឋាភិបាលឥណ្ឌា នឹងផ្តល់ជំនួយយោធាដល់រដ្ឋាភិបាលក្រុងកាប៊ុលឬអត់នៅពេលខាងមុខ ព្រោះជំនួយយោធាមិនត្រូវបានគេលើកឡើងនៅក្នុងសេចក្តីថ្លែងការណ៍រួមរវាងមេដឹកនាំទាំងពីរឡើយ ។ កន្លងមករដ្ឋាភិបាលអាហ្វហ្កានីស្ថានបានស្នើសុំជំនួយយោធាពីរដ្ឋាភិបាលឥណ្ឌាផងដែរ។
ឥណ្ឌាជាប្រទេសដែលផ្តល់ជំនួយច្រើនបំផុតដល់អាហ្វហ្កានីស្ថានលំដាប់ទី ៥ ហើយមហាអំណាចតំបន់នេះតែងតែគាំទ្ររដ្ឋាភិបាលក្រុងកាប៊ុលក្នុងការដោះស្រាយបញ្ហាប្រឈមក្នុងប្រទេស។ បើគិតចាប់តាំងពីពេលរដ្ឋាភិបាលដែលគ្រប់គ្រងដោយក្រុមតាលីបង់ត្រូវបានផ្តួលរំលំក្នុងឆ្នាំ ២០០១ មក ឥណ្ឌាបានចំណាយលុយយ៉ាងហោចណាស់ ២ពាន់លានដុល្លារដើម្បីជួយអាហ្វហ្កានីស្ថាន។
ក្រៅពីពិភាក្សាពីបញ្ហាកិច្ចសហប្រតិបត្តិការទ្វេភាគី លោក នារិន្ទ្រា ម៉ូឌី និងលោក Ashraf Ghani បានពិភាក្សាពីការដោះស្រាយបញ្ហាសន្តិសុខតំបន់ថែមទៀតផង។ មេដឹកនាំទាំងពីរបានអំពាវទៅកាន់បណ្តាប្រទេសពាក់ព័ន្ធនៅក្នុងតំបន់ឲ្យនាំគា្នកាត់ផ្តាច់រាល់ការគាំទ្រនិងផ្តល់ជំនួយដល់ក្រុមភេរវជននិងចលនាប្រដាប់អាវុធខុសច្បាប់។ ប៉ុន្តែអ្នកទាំងពីរមិនបញ្ជាក់ឈ្មោះប៉ាគីស្ថានចំៗឡើយ។
រដ្ឋលេខាធិការការបរទេសឥណ្ឌា Subrahmanyam Jaishankar បានអះអាងថា៖« មេដឹកនាំទាំងពីរបានជជែកពិភាក្សាពីស្ថានភាពតំបន់ និងបង្ហាញពីកង្វល់ចំពោះការបន្តប្រើប្រាស់ចលនាភេរវកម្ម និងហិង្សាប្រដាប់អាវុធនៅក្នុងតំបន់ដើម្បីសម្រេចប្រយោជន៍នយោបាយរបស់ខ្លួន។ ដូច្នេះហើយអ្នកទាំងពីរបានអំពាវនាវឲ្យបណ្តាប្រទេសពាក់ព័ន្ធបញ្ចប់ឲ្យអស់នូវការគាំទ្រ, ផ្តល់ជំនួយ និងផ្តល់ជម្រកដល់ក្រុមភេរវជនក្នុងនោះមានទាំងក្រុមភេរវជនដែលចង់វាយប្រហារអាហ្វហ្កានីស្ថាននិងឥណ្ឌាផង»។
តាំងពីយូរមកហើយ មេដឹកនាំអាហ្វហ្កានីស្ថាន Ashraf Ghani តែងតែរិះគន់និងចោទប្រទេសជិតខាងប៉ាគីស្ថានថាជាប្រទេសដែលគាំទ្រចលនាភេរវជនតាលីបង់នៅក្នុងប្រទេអាហ្វហ្កានីស្ថាន។ ចំណែកឥណ្ឌាឯណោះវិញ ក៏បានចោទប្រកាន់ថា ប៉ាគីស្ថាននេះបានផ្តល់ជំនួយដល់ក្រុមប្រដាប់អាវុធដែលឆ្លងដែនចូលដល់តំបន់កាស្មៀដែលស្ថិតក្រោមការកាន់កាប់របស់ឥណ្ឌា។ ប៉ុន្តែរដ្ឋាភិបាលក្រុងអ៊ីស្លាម៉ាបាត បានទាត់ចោលរាល់ការចោលប្រកាន់ទាំងនេះ ហើយអះអាងថាខ្លួនស្អាតស្អំគ្មានពាក់ព័ន្ធចលនាទាំងនេះឡើយ។
សូមបញ្ជាក់ថា លោក ប្រធានាធិបតីអាហ្វហ្កានីស្ថាន Ashraf Ghani បានអញ្ជើញទៅទស្សនកិច្ចនៅប្រទេសឥណ្ឌារយៈពេល ២ថ្ងៃ ដោយទស្សនកិច្ចចាប់ផ្តើមពីថ្ងៃពុធទី ១៤ កញ្ញានេះ។ ហើយលោក Ashraf Ghani ក៏នឹងផ្តល់សុន្ទរកថានៅក្នុងកម្មវិធី« ប្រឆាំងភេរវកម្មពិភពលោក» នៅមជ្ឈមណ្ឌលស្រាវជ្រាវមួយនៅទីក្រុងដែលីដែរក្រោយជួបជាមួយនាយករដ្ឋមន្ត្រីឥណ្ឌា៕
Tag:
នារិន្ទ្រា ម៉ូឌី
Ashraf Ghani
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
