អន្តរជាតិ
លោក ប្រាយុទ្ធ ថា ដោយសារការដឹកនាំរបស់លោក ទើបប្រជាជនថៃ អាចមានស្នាមញញឹមឡើងវិញ
×![]()
បើទោះជាការរិះគន់ពីបញ្ហាសិទ្ធិមនុស្ស និងការដើរថយក្រោយនៃដំណើរការលទ្ធិប្រជាធិបតេយ្យពីសហគមន៍អន្តរជាតិ និងចលនាប្រឆាំងរបបសឹកនៅតែបន្តកើតមានក៏ដោយ លោកនាយករដ្ឋមន្ត្រីរដ្ឋប្រហារថៃ ប្រាយុទ្ធ ចន្ទ អូចា នៅតែអួតអាងថា ដោយសារតែការដឹកនាំរបស់លោកក្នុងរយៈពេលពីរឆ្នាំមកនេះ ទើបប្រជាជនថៃ អាចមានស្នាមញញឹមជាថ្មីដែលបានបង់អស់រយៈជាងមួយទសវត្សរ៍ហើយនោះ។
ថ្លែងនៅក្នុងវិមានរដ្ឋាភិបាលថៃនៅថ្ងៃទី១៥ ខែកញ្ញាម្សិលមិញនេះ លោកឧត្តមសេនីយ៍ ប្រាយុទ្ធ ចន្ទ អូចា បានអះអាងថា លោក បានដឹកនាំប្រទេសប្រកបដោយជោគជ័យ ហើយ លោក ពិតជារីករាយណាស់ដែលឃើញស្នាមញញឹមនៅនឹងមុខរបស់ប្រជាជនថៃឡើងវិញ។ លោកនាយករដ្ឋមន្ត្រី ថែមទាំងហ៊ាននិយាយថា របបដឹកនាំរបស់លោក បានសម្អាតភាពអាណាធិបតេយ្យរបស់ប្រទេសដែលតោងជាប់ជាយូរមកហើយនោះ។ នេះបើយោងតាមការចុះផ្សាយរបស់សារព័ត៌មានបាងកកប៉ុស្តិ៍។
តាមប្រភពព័ត៌មានដដែលនោះ ក្នុងសន្ទរកថារយៈពេល៥ម៉ោងពាក់ព័ន្ធសមិទ្ធផលនៃការដឹកនាំកន្លងមក លោកឧត្តមសេនីយ៍ ប្រាយុទ្ធ ក៏បានសង្កត់ធ្ងន់យ៉ាងដូច្នេះ «ឈ្នាមញញឹមប្រជាជនថៃ បានបាត់បង់ពីសង្គមអស់រយៈពេលជាង១០ឆ្នាំមកហើយដែលពេលនោះប្រទេស មិនមានសន្តិភាព ហើយ ការអភិវឌ្ឍ ក៍ដើរយឺតផងដែរនោះ។ ហើយកន្លងមក មិនមានការកែទម្រង់សេដ្ឋកិច្ច, អសមភាព, អយុត្តិធម៌សង្គម, ប្រជាជនរកចំណូលបានតិច និងជាពិសេសនោះ សង្គម ក៏ធ្លាប់ក្នុងភាពច្របូកច្របល់ទៀតផង។»
យ៉ាងណាក៏ដោយ បញ្ហាទាំងនោះ ត្រូវបានលោកឧត្តមសេនីយ៍ ប្រាយុទ្ធ អះអាងថា រដ្ឋាភិបាលរបស់លោក បានដោះស្រាយ និងបោសសម្អាតរួចហើយ។ លោកឧត្តមសេនីយ៍ បានលើករបបដឹកនាំរបស់ខ្លួន ថា បានសម្រេចនូវសមិទ្ធផលពិតប្រាកដក្នុងរយៈពីរឆ្នាំ ដែលមានភស្តុតាងជាក់ស្តែងតាមរយៈការវាយតម្លៃពីភ្នាក់ងារ និងអង្គការជាច្រើន។ ក្នុងនោះ លោក បានលើកពីភាពល្អប្រសើរនៃចំណាត់ថ្នាក់អំពើពុករលួយ កំណើនសេដ្ឋកិច្ច និងការធានាបានពីសន្តិសុខតាមរយៈការប្រើប្រាស់បទបញ្ញត្តិយោធាដើម្បីអនុវត្តក្នុងប្រទេសជាដើម។
សូមជម្រាបផងដែរថា លោកឧត្តមសេនីយ៍ ប្រាយុទ្ធ ចន្ទ អូចា បានឡើងកាន់អំណាចជានាយករដ្ឋមន្ត្រីថៃ ក្រោយលោក បានដឹកនាំរដ្ឋប្រហារយោធាទម្លាក់អតីតនាយករដ្ឋមន្ត្រីថៃ លោកស្រី យីងឡាក់ ស៊ីនណាវ៉ាត់ត្រា នៅថ្ងៃទី២២ ខែឧសភា ឆ្នាំ២០១៤។ ការណ៍ដែលលោក អាចបន្តកាន់អំណាចមកដល់សព្វថ្ងៃនេះ ក៏ដោយសារតែ លោក បានអនុវត្តតាមបញ្ញត្តិ៤៤នៃធម្មនុញ្ញ ដោយអនុញ្ញាតឲ្យយោធា អាចដឹកនាំប្រទេសបានក្នុងពេលប្រទេសប្រឈមនឹងបញ្ហានយោបាយ៕
ថ្លែងនៅក្នុងវិមានរដ្ឋាភិបាលថៃនៅថ្ងៃទី១៥ ខែកញ្ញាម្សិលមិញនេះ លោកឧត្តមសេនីយ៍ ប្រាយុទ្ធ ចន្ទ អូចា បានអះអាងថា លោក បានដឹកនាំប្រទេសប្រកបដោយជោគជ័យ ហើយ លោក ពិតជារីករាយណាស់ដែលឃើញស្នាមញញឹមនៅនឹងមុខរបស់ប្រជាជនថៃឡើងវិញ។ លោកនាយករដ្ឋមន្ត្រី ថែមទាំងហ៊ាននិយាយថា របបដឹកនាំរបស់លោក បានសម្អាតភាពអាណាធិបតេយ្យរបស់ប្រទេសដែលតោងជាប់ជាយូរមកហើយនោះ។ នេះបើយោងតាមការចុះផ្សាយរបស់សារព័ត៌មានបាងកកប៉ុស្តិ៍។
តាមប្រភពព័ត៌មានដដែលនោះ ក្នុងសន្ទរកថារយៈពេល៥ម៉ោងពាក់ព័ន្ធសមិទ្ធផលនៃការដឹកនាំកន្លងមក លោកឧត្តមសេនីយ៍ ប្រាយុទ្ធ ក៏បានសង្កត់ធ្ងន់យ៉ាងដូច្នេះ «ឈ្នាមញញឹមប្រជាជនថៃ បានបាត់បង់ពីសង្គមអស់រយៈពេលជាង១០ឆ្នាំមកហើយដែលពេលនោះប្រទេស មិនមានសន្តិភាព ហើយ ការអភិវឌ្ឍ ក៍ដើរយឺតផងដែរនោះ។ ហើយកន្លងមក មិនមានការកែទម្រង់សេដ្ឋកិច្ច, អសមភាព, អយុត្តិធម៌សង្គម, ប្រជាជនរកចំណូលបានតិច និងជាពិសេសនោះ សង្គម ក៏ធ្លាប់ក្នុងភាពច្របូកច្របល់ទៀតផង។»
យ៉ាងណាក៏ដោយ បញ្ហាទាំងនោះ ត្រូវបានលោកឧត្តមសេនីយ៍ ប្រាយុទ្ធ អះអាងថា រដ្ឋាភិបាលរបស់លោក បានដោះស្រាយ និងបោសសម្អាតរួចហើយ។ លោកឧត្តមសេនីយ៍ បានលើករបបដឹកនាំរបស់ខ្លួន ថា បានសម្រេចនូវសមិទ្ធផលពិតប្រាកដក្នុងរយៈពីរឆ្នាំ ដែលមានភស្តុតាងជាក់ស្តែងតាមរយៈការវាយតម្លៃពីភ្នាក់ងារ និងអង្គការជាច្រើន។ ក្នុងនោះ លោក បានលើកពីភាពល្អប្រសើរនៃចំណាត់ថ្នាក់អំពើពុករលួយ កំណើនសេដ្ឋកិច្ច និងការធានាបានពីសន្តិសុខតាមរយៈការប្រើប្រាស់បទបញ្ញត្តិយោធាដើម្បីអនុវត្តក្នុងប្រទេសជាដើម។
សូមជម្រាបផងដែរថា លោកឧត្តមសេនីយ៍ ប្រាយុទ្ធ ចន្ទ អូចា បានឡើងកាន់អំណាចជានាយករដ្ឋមន្ត្រីថៃ ក្រោយលោក បានដឹកនាំរដ្ឋប្រហារយោធាទម្លាក់អតីតនាយករដ្ឋមន្ត្រីថៃ លោកស្រី យីងឡាក់ ស៊ីនណាវ៉ាត់ត្រា នៅថ្ងៃទី២២ ខែឧសភា ឆ្នាំ២០១៤។ ការណ៍ដែលលោក អាចបន្តកាន់អំណាចមកដល់សព្វថ្ងៃនេះ ក៏ដោយសារតែ លោក បានអនុវត្តតាមបញ្ញត្តិ៤៤នៃធម្មនុញ្ញ ដោយអនុញ្ញាតឲ្យយោធា អាចដឹកនាំប្រទេសបានក្នុងពេលប្រទេសប្រឈមនឹងបញ្ហានយោបាយ៕
Tag:
ថៃ
អាស៊ាន
© រក្សាសិទ្ធិដោយ thmeythmey.com
