ជាតិ
សង្គមជាតិ
អដ្ឋិធាតុ Papy (ប៉ាពី) មួយផ្នែកនឹងត្រូវដាក់តម្កល់លើគំនរសំរាមស្ទឹងមានជ័យនៅថ្ងៃស្អែក
×![]()
ដោយ: លីម តុលា
ភ្នំពេញ៖ អដ្ឋិធាតុមួយផ្នែករបស់លោក គ្រីស្យង់ ហ្គោកឺឡាំង ដេប៉ាលីយ៉ែរ ដែលកុមារនៃអង្គការភាពញញឹមនៃកុមារហៅថា Papy (ប៉ាពី) មានន័យថា លោកតា នោះ នឹងត្រូវគេយកទៅតម្កល់នៅលើទីតាំងគំនរសំរាមចាស់នៅតំបន់ស្ទឹងមានជ័យ។ ធាតុមួយផ្នែកទៀតនឹងត្រូវគេយកទៅតម្កល់នៅក្នុងព្រះវិហារគ្រឹះសាសនាមួយកន្លែងនៅទីក្រុងភ្នំពេញ និងធាតុមួយផ្នែកទៀត នឹងត្រូវក្រុមគ្រួសារយកត្រឡប់ទៅកាន់ប្រទេសបារាំងវិញ។ 
លោក ឃុន ចាន់ថា សមាជិកគណៈកម្មាធិការរៀបចំបុណ្យសពលោក គ្រីស្យង់ ហ្គោកឺឡាំង ដេប៉ាលីយ៉ែរនៃអង្គការភាពញញឹមនៃកុមារ បានឲ្យដឹងនៅថ្ងៃអង្ការនេះថា ក្រុមការងារនឹងយកអដ្ឋិធាតុលោកតា ប៉ាពី មួយផ្នែកទៅតម្កល់នៅលើគំនរសំរាមចាស់ស្ទឹងមានជ័យនៅវេលាម៉ោង៨កន្លះព្រឹក។ «ពេលគាត់នៅរស់ គាត់ធ្លាប់ប្រាប់ខ្ញុំថា នៅពេលគាត់ស្លាប់ទៅ ត្រូវយកអដ្ឋិធាតុរបស់គាត់ទៅតម្កល់នៅលើគំនរសំរាមស្ទឹងមានជ័យ។ មូលហេតុ គឺដោយសារគំនរសំរាមនេះហើយ ដែលជំរុញទឹកចិត្តលោកឲ្យបង្កើតអង្គការភាពញញឹមនៃកុមារ»។ នេះ គឺជាការរៀបរាប់ឡើងវិញរបស់លោក ឃុន ចាន់ថា សមាជិកគណៈកម្មាធិការរៀបចំបុណ្យសពដោយដកស្រង់បណ្តាំលោកតា ប៉ាពី កាលគាត់នៅមានជីវិត។
លោក គ្រីស្យង់ និងភរិយា Marie-France បានបង្កើតអង្គការដើម្បីភាពញញឹមនៃកុមារ (PSE) តាំងពីឆ្នាំ១៩៩៥ មក ហើយបានជួយដល់កុមារដែលរស់នៅម្តុំស្ទឹងមានជ័យ ជាយរាជធានីភ្នំពេញ ជាពិសេសនៅលើគំនរសំរាម ជាច្រើនពាន់នាក់ តាមរយៈការផ្តល់ឱកាសសិក្សា ការស្នាក់នៅ អាហារ និងការទំនុកបម្រុងផ្សេងៗ។ សប្បុរសជនទាំងពីរនាក់នេះ ត្រូវបានគេហៅថាតា និងយាយ (Papy Mami) និងត្រូវបានគេចាត់ទុកថា ជាឪពុកម្តាយទីពីររបស់កុមារកម្ពុជា។
លោក គ្រីស្យង់ ហ្គោកឺឡាំង ដេប៉ាលីយ៉ែរ បានទទួលមរណភាពដោយរោគាពាធកាលពីថ្ងៃទី២៤ ខែកញ្ញា ឆ្នាំ២០១៦ នាវេលាម៉ោង៦ និង៥៨នាទី ក្នុងជន្មាយុ៨២ឆ្នាំ។ សពលោក គ្រីស្យង់ ហ្គោកឺឡាំង ដេប៉ាលីយ៉ែរ ត្រូវបានគេបូជាកាលពីថ្ងៃចន្ទ ទី២៦ ខែកញ្ញា ឆ្នាំ២០១៦ វេលាម៉ោង ១ រសៀលម្សិលមិញ។
ក្នុងរយៈពេល២១ឆ្នាំកន្លងមកនេះ កុមារលើគំនរសំរាមជាច្រើននាក់ដែលធ្លាប់ក្រីក្រ បានក្លាយទៅជាធនធានមនុស្សដ៏ពូកែនៅក្នុងស្ថាប័នរដ្ឋ និងឯកជននៅក្នុងប្រទេសកម្ពុជា។ កុមារមួយចំនួនធំដែលធ្លាប់តែរើសសំរាម បានក្លាយទៅជាថ្នាក់ដឹកនាំក្រុមហ៊ុនធំៗ ជាតិ និងអន្តរជាតិ។ កុមារខ្លះ បានក្លាយទៅជាអ្នកមានធនធាន និងមានមុខមានមាត់យ៉ាងខ្លាំងនៅក្នុងសង្គមខ្មែរនាពេលបច្ចុប្បន្ននេះ។ សម្រាប់កុមាររើសសំរាម និងសម្រាប់កុមារដែលធ្លាប់ក្រីក្រហើយជួយសង្គ្រោះដោយលោក គី ស្យង់, លោក គ្រីស្យង់ គឺជាវីរបុរសមនុស្សធម៌របស់ពួកគេ។ អ្នកខ្លះ ហៅលោក គ្រីស្យង់ ថា ជា«តា»របស់កុមាររើសសំរាម និងកុមារក្រីក្រ។ អ្នកខ្លះទៀតចាត់ទុកលោកតា ជាបីតាទីពីររបស់ពួកគេ។
លើពីនេះទៅទៀត អ្វីដែលគ្រួសារខ្មែរមួយចំនួនសម្រក់ទឹកភ្នែកទាំងមិនអស់ចិត្តនោះ គឺនៅត្រង់ថា លោកតា គ្រីស្យង់ គឺជាជនជាតិបារាំងសោះ តែលោកតា មានទឹកចិត្តសប្បុរសធម៌ ទឹកចិត្តជ្រះថ្លា ទឹកចិត្តសណ្តោស ទឹកចិត្តបុណ្យ…ជួយសង្គ្រោះជីវិតកុមារក្រីក្ររើសសំរាមខ្មែរឲ្យចាកចេញពីរណ្តៅអវិជ្ជា និងចេញពីរណ្តៅនៃភាពក្រីក្រ។
លោក ឃុន ចាន់ថា បានបន្តឲ្យដឹងទៀតថា ធាតុមួយផ្នែកទៀតនឹងត្រូវគេយកទៅតម្កល់នៅក្នុងព្រះវិហារគ្រឹះសាសនាមួយកន្លែងនៅទីក្រុងភ្នំពេញ និងធាតុមួយផ្នែកទៀត នឹងត្រូវក្រុមគ្រួសារយកត្រឡប់ទៅកាន់ប្រទេសបារាំងវិញ។ «ភរិយារបស់លោកនឹងយកធាតុត្រឡប់ទៅប្រទេសបារាំងនៅថ្ងៃអាទិត្យទី២ខែតុលាខាងមុខនេះ»។ នេះ គឺជាការបញ្ជាក់បន្ថែមរបស់លោក ឃុន ចាន់ថា៕
លោក ឃុន ចាន់ថា សមាជិកគណៈកម្មាធិការរៀបចំបុណ្យសពលោក គ្រីស្យង់ ហ្គោកឺឡាំង ដេប៉ាលីយ៉ែរនៃអង្គការភាពញញឹមនៃកុមារ បានឲ្យដឹងនៅថ្ងៃអង្ការនេះថា ក្រុមការងារនឹងយកអដ្ឋិធាតុលោកតា ប៉ាពី មួយផ្នែកទៅតម្កល់នៅលើគំនរសំរាមចាស់ស្ទឹងមានជ័យនៅវេលាម៉ោង៨កន្លះព្រឹក។ «ពេលគាត់នៅរស់ គាត់ធ្លាប់ប្រាប់ខ្ញុំថា នៅពេលគាត់ស្លាប់ទៅ ត្រូវយកអដ្ឋិធាតុរបស់គាត់ទៅតម្កល់នៅលើគំនរសំរាមស្ទឹងមានជ័យ។ មូលហេតុ គឺដោយសារគំនរសំរាមនេះហើយ ដែលជំរុញទឹកចិត្តលោកឲ្យបង្កើតអង្គការភាពញញឹមនៃកុមារ»។ នេះ គឺជាការរៀបរាប់ឡើងវិញរបស់លោក ឃុន ចាន់ថា សមាជិកគណៈកម្មាធិការរៀបចំបុណ្យសពដោយដកស្រង់បណ្តាំលោកតា ប៉ាពី កាលគាត់នៅមានជីវិត។
លោក គ្រីស្យង់ និងភរិយា Marie-France បានបង្កើតអង្គការដើម្បីភាពញញឹមនៃកុមារ (PSE) តាំងពីឆ្នាំ១៩៩៥ មក ហើយបានជួយដល់កុមារដែលរស់នៅម្តុំស្ទឹងមានជ័យ ជាយរាជធានីភ្នំពេញ ជាពិសេសនៅលើគំនរសំរាម ជាច្រើនពាន់នាក់ តាមរយៈការផ្តល់ឱកាសសិក្សា ការស្នាក់នៅ អាហារ និងការទំនុកបម្រុងផ្សេងៗ។ សប្បុរសជនទាំងពីរនាក់នេះ ត្រូវបានគេហៅថាតា និងយាយ (Papy Mami) និងត្រូវបានគេចាត់ទុកថា ជាឪពុកម្តាយទីពីររបស់កុមារកម្ពុជា។
លោក គ្រីស្យង់ ហ្គោកឺឡាំង ដេប៉ាលីយ៉ែរ បានទទួលមរណភាពដោយរោគាពាធកាលពីថ្ងៃទី២៤ ខែកញ្ញា ឆ្នាំ២០១៦ នាវេលាម៉ោង៦ និង៥៨នាទី ក្នុងជន្មាយុ៨២ឆ្នាំ។ សពលោក គ្រីស្យង់ ហ្គោកឺឡាំង ដេប៉ាលីយ៉ែរ ត្រូវបានគេបូជាកាលពីថ្ងៃចន្ទ ទី២៦ ខែកញ្ញា ឆ្នាំ២០១៦ វេលាម៉ោង ១ រសៀលម្សិលមិញ។
ក្នុងរយៈពេល២១ឆ្នាំកន្លងមកនេះ កុមារលើគំនរសំរាមជាច្រើននាក់ដែលធ្លាប់ក្រីក្រ បានក្លាយទៅជាធនធានមនុស្សដ៏ពូកែនៅក្នុងស្ថាប័នរដ្ឋ និងឯកជននៅក្នុងប្រទេសកម្ពុជា។ កុមារមួយចំនួនធំដែលធ្លាប់តែរើសសំរាម បានក្លាយទៅជាថ្នាក់ដឹកនាំក្រុមហ៊ុនធំៗ ជាតិ និងអន្តរជាតិ។ កុមារខ្លះ បានក្លាយទៅជាអ្នកមានធនធាន និងមានមុខមានមាត់យ៉ាងខ្លាំងនៅក្នុងសង្គមខ្មែរនាពេលបច្ចុប្បន្ននេះ។ សម្រាប់កុមាររើសសំរាម និងសម្រាប់កុមារដែលធ្លាប់ក្រីក្រហើយជួយសង្គ្រោះដោយលោក គី ស្យង់, លោក គ្រីស្យង់ គឺជាវីរបុរសមនុស្សធម៌របស់ពួកគេ។ អ្នកខ្លះ ហៅលោក គ្រីស្យង់ ថា ជា«តា»របស់កុមាររើសសំរាម និងកុមារក្រីក្រ។ អ្នកខ្លះទៀតចាត់ទុកលោកតា ជាបីតាទីពីររបស់ពួកគេ។
លើពីនេះទៅទៀត អ្វីដែលគ្រួសារខ្មែរមួយចំនួនសម្រក់ទឹកភ្នែកទាំងមិនអស់ចិត្តនោះ គឺនៅត្រង់ថា លោកតា គ្រីស្យង់ គឺជាជនជាតិបារាំងសោះ តែលោកតា មានទឹកចិត្តសប្បុរសធម៌ ទឹកចិត្តជ្រះថ្លា ទឹកចិត្តសណ្តោស ទឹកចិត្តបុណ្យ…ជួយសង្គ្រោះជីវិតកុមារក្រីក្ររើសសំរាមខ្មែរឲ្យចាកចេញពីរណ្តៅអវិជ្ជា និងចេញពីរណ្តៅនៃភាពក្រីក្រ។
លោក ឃុន ចាន់ថា បានបន្តឲ្យដឹងទៀតថា ធាតុមួយផ្នែកទៀតនឹងត្រូវគេយកទៅតម្កល់នៅក្នុងព្រះវិហារគ្រឹះសាសនាមួយកន្លែងនៅទីក្រុងភ្នំពេញ និងធាតុមួយផ្នែកទៀត នឹងត្រូវក្រុមគ្រួសារយកត្រឡប់ទៅកាន់ប្រទេសបារាំងវិញ។ «ភរិយារបស់លោកនឹងយកធាតុត្រឡប់ទៅប្រទេសបារាំងនៅថ្ងៃអាទិត្យទី២ខែតុលាខាងមុខនេះ»។ នេះ គឺជាការបញ្ជាក់បន្ថែមរបស់លោក ឃុន ចាន់ថា៕
Tag:
Papy
ប៉ាពី
© រក្សាសិទ្ធិដោយ thmeythmey.com
