ជាតិ
សង្គមជាតិ
×![]()
ដោយ: ម៉ៅ សុផា
ផលបុណ្យ និងផលបាប កើតចេញមកពីទង្វើរបស់អ្នក ដែលបានប្រព្រឹត្ត។ និយាយឲ្យងាយយល់ គឺថា «ផល កើចេញពីហេតុ ឬហេតុនាំឲ្យកើតផល»។
បុណ្យបាប ប្រាកដជាឲ្យផល តែគ្រាន់តែយើងមិនអាចដឹងថា នឹងឲ្យផលពេលណា ឬក៏ឲ្យផលយ៉ាងដូចម្តេចឲ្យពិតប្រាកដ។ ការដឹងលទ្ធផលនៃអំពើបុណ្យបាប គឺនៅពេលដែលកម្មនៃអំពើទាំងពីរនេះ ហុចផលឲ្យ។
ផលនៃអំពើបុណ្យបាប ប្រៀបដូចជា ផលនៃផ្លែស្វាយអ៊ីចឹងដែរ។ បើយើងកំពុងតែដាំដើមស្វាយ យើងមិនអាចសួរថា តើដើមស្វាយនឹងផលិតចេញនូវផ្លែស្វាយប៉ុន្មាន? ហើយផ្លែស្វាយទាំងនោះ នឹងដុះចេញពីមែកណាខ្លះ? ហើយផ្លែស្វាយទាំងនោះ នឹងមានទំហំប៉ុនណាទៅ? ធម្មជាតិទាំងនេះ យើងមិនអាចឆ្លើយបានទេ។ អ្វីដែលយើងអាចដឹងបាន គឺនៅពេលដែលផ្លែស្វាយទាំងនោះដុះចេញជាក់ស្តែង។
ចូរអ្នកកុំព្រួយឡើយ ប្រសិនបើអ្នកនៅតែមិនទាន់យល់ច្បាស់ថា ជាតិក្រោយមានឬមិនមាន ហើយមិនដឹងថា អ្នកនឹងកើតជាអ្វី ហើយកើតនៅស្ថានសួគ៌ឬស្ថាននរក ឬក៏មិនដឹងថាបុណ្យបាប នឹងឲ្យផលដល់អ្នកយ៉ាងណានោះ។ អ្នកគ្រាន់តែប្រកាន់ខ្ជាប់ក្នុងចិត្តថា៖ «បច្ចុប្បន្នភ្លឺ ទៅអនាគត ក៏ភ្លឺដែរ»។
យ៉ាងណាក៏ដោយ បុគ្គលមួយចំនួន មិនបានជឿថា មានបុណ្យបាប នោះទេ។ ការមិនជឿថាមានបុណ្យបាប នេះ គឺកើតចេញមកពីការជឿថា មិនមានជាតិក្រោយ ឬអាចនិយាយថា ជីវិតរបស់មនុស្សមានតែមួយជាតិ ហើយពេលស្លាប់ ប្រាកដជារលត់សូន្យសុង ដោយមិនមានការចាប់កំណើតជាថ្មីឡើយ។ ជំនឿបែបនេះហើយ ទើបធ្វើឲ្យបុគ្គលទាំងនោះ យល់ថា បុណ្យបាប នឹងមិនផ្តល់ផលឲ្យទេ។
ទោះបីជា អំពើបាបមិនទាន់ឲ្យផលជាក់ស្តែង ក្នុងបច្ចុប្បន្នភាពក៏ដោយ ក៏បុគ្គលគ្រប់រូប គួរតែចៀសវាងឲ្យផុតពីការប្រព្រឹត្តនូវអំពើបាបទាំងពួង ហើយងាកមកសាងតែអំពើល្អទាំងពួងវិញ ដើម្បីជាហេតុបច្ច័យនាំមកនូវសេចក្តីសុខផ្ទាល់ខ្លួន និងសុខសន្តិភាពដល់សង្គម ព្រមទាំងពិភពលោកទាំងមូល៕
បុណ្យបាប ប្រាកដជាឲ្យផល តែគ្រាន់តែយើងមិនអាចដឹងថា នឹងឲ្យផលពេលណា ឬក៏ឲ្យផលយ៉ាងដូចម្តេចឲ្យពិតប្រាកដ។ ការដឹងលទ្ធផលនៃអំពើបុណ្យបាប គឺនៅពេលដែលកម្មនៃអំពើទាំងពីរនេះ ហុចផលឲ្យ។
ផលនៃអំពើបុណ្យបាប ប្រៀបដូចជា ផលនៃផ្លែស្វាយអ៊ីចឹងដែរ។ បើយើងកំពុងតែដាំដើមស្វាយ យើងមិនអាចសួរថា តើដើមស្វាយនឹងផលិតចេញនូវផ្លែស្វាយប៉ុន្មាន? ហើយផ្លែស្វាយទាំងនោះ នឹងដុះចេញពីមែកណាខ្លះ? ហើយផ្លែស្វាយទាំងនោះ នឹងមានទំហំប៉ុនណាទៅ? ធម្មជាតិទាំងនេះ យើងមិនអាចឆ្លើយបានទេ។ អ្វីដែលយើងអាចដឹងបាន គឺនៅពេលដែលផ្លែស្វាយទាំងនោះដុះចេញជាក់ស្តែង។
ចូរអ្នកកុំព្រួយឡើយ ប្រសិនបើអ្នកនៅតែមិនទាន់យល់ច្បាស់ថា ជាតិក្រោយមានឬមិនមាន ហើយមិនដឹងថា អ្នកនឹងកើតជាអ្វី ហើយកើតនៅស្ថានសួគ៌ឬស្ថាននរក ឬក៏មិនដឹងថាបុណ្យបាប នឹងឲ្យផលដល់អ្នកយ៉ាងណានោះ។ អ្នកគ្រាន់តែប្រកាន់ខ្ជាប់ក្នុងចិត្តថា៖ «បច្ចុប្បន្នភ្លឺ ទៅអនាគត ក៏ភ្លឺដែរ»។
យ៉ាងណាក៏ដោយ បុគ្គលមួយចំនួន មិនបានជឿថា មានបុណ្យបាប នោះទេ។ ការមិនជឿថាមានបុណ្យបាប នេះ គឺកើតចេញមកពីការជឿថា មិនមានជាតិក្រោយ ឬអាចនិយាយថា ជីវិតរបស់មនុស្សមានតែមួយជាតិ ហើយពេលស្លាប់ ប្រាកដជារលត់សូន្យសុង ដោយមិនមានការចាប់កំណើតជាថ្មីឡើយ។ ជំនឿបែបនេះហើយ ទើបធ្វើឲ្យបុគ្គលទាំងនោះ យល់ថា បុណ្យបាប នឹងមិនផ្តល់ផលឲ្យទេ។
ទោះបីជា អំពើបាបមិនទាន់ឲ្យផលជាក់ស្តែង ក្នុងបច្ចុប្បន្នភាពក៏ដោយ ក៏បុគ្គលគ្រប់រូប គួរតែចៀសវាងឲ្យផុតពីការប្រព្រឹត្តនូវអំពើបាបទាំងពួង ហើយងាកមកសាងតែអំពើល្អទាំងពួងវិញ ដើម្បីជាហេតុបច្ច័យនាំមកនូវសេចក្តីសុខផ្ទាល់ខ្លួន និងសុខសន្តិភាពដល់សង្គម ព្រមទាំងពិភពលោកទាំងមូល៕
© រក្សាសិទ្ធិដោយ thmeythmey.com
