អន្តរជាតិ
ប្រធានាធិបតីស៊ីរី Bashar al Assad (រូបភាពពី SANA)
×![]()
ដោយ: តន ចាន់រិទ្ធារ៉ា
កងកម្លាំងរដ្ឋាភិបាលស៊ីរី កំពុងបង្កើនប្រតិបត្តិការវាយយកទីក្រុង Aleppo ត្រឡប់មកវិញពីការគ្រប់គ្រងរបស់ក្រុមឧទ្ទាម។ មនុស្សរាប់ម៉ឺននាក់ កំពុងជាប់ខ្លួនក្នុងទីក្រុងនេះ ហើយសុវត្ថិភាពរបស់ពួកគេ ក៏មិនត្រូវបានធានាដែរ។ ដោយឡែកប្រធានាធិបតីស៊ីរី ក៏បានផ្ដល់ភ្លើងខៀវឲ្យពួកឧទ្ទាមទទួលបានការលើកលែងទោស ប្រសិនបើពួកគេចាកចេញពីទីក្រុង Aleppo។ ប៉ុន្តែគេសង្ឃឹមតិចណាស់ថា ក្រុមឧទ្ទាមនឹងចាកចេញមែននោះ។
ប្រធានាធិបតីស៊ីរី បាសសា អាល់អាសាដ (Bashar al Assad) និយាយថា ក្រុមឧទ្ទាមដែលជាប់ខ្លួននៅ Aleppo អាចចាកចេញជាមួយគ្រួសារពួកគេបាន ប្រសិនបើពួកគេទម្លាក់អាវុធនោះ។ ហើយលោកក៏ប្រកាសដែរថា កងកម្លាំងរដ្ឋាភិបាល នឹងបង្កើនការប្រយុទ្ធដណ្ដើមទីក្រុងនេះ ដើម្បីគ្រប់គ្រងទឹកដីទាំងអស់ឡើងវិញ។
ការប្រកាសផ្ដល់ការលើកលែងទោសនេះ ធ្វើឡើងក្រោយពេលដែលការទម្លាក់គ្រាប់បែកលើទីក្រុង Aleppo ត្រូវបានបង្កើនយ៉ាងខ្លាំង ដែលបានឆក់យកជីវិតប្រជាជនដែលរស់នៅក្នុងទីក្រុងនេះ ជាច្រើននាក់មកហើយនោះ។ ចំណែកផែនការសន្តិភាពថ្មីមួយទៀតដែលផ្ដួចផ្ដើមដោយក្រុងវ៉ាស៊ិនតោន ក៏បរាជ័យផងដែរ ដ្បិតគ្មានការសហការពីក្រុងមូស្គូ ដែលទើបបញ្ជូនប្រព័ន្ធការពារអាកាសមកកាន់ស៊ីរីនោះ។
យោងតាមទីភ្នាក់ងារព័ត៌មាន Reuters ក៏មានអ្នកប្រយុទ្ធខ្លះដូចជានៅទីក្រុង Daraya ដែលមានទីតាំងនៅជាយរដ្ឋធានីដាម៉ាស បានទទួលយកសំណើរបស់រដ្ឋាភិបាលស៊ីរីហើយដែរ។ ប៉ុន្តែក្រុមឧទ្ទាមវិញ បានប្រកាសថា ខ្លួនគ្មានផែនការចាកចេញពី Aleppo ឡើយ ហើយចាត់ទុកសំណើរបស់រដ្ឋាភិបាលជា ការបំភាន់ប៉ុណ្ណោះ។ មិនត្រឹមតែក្រុមឧទ្ទាមទេ សូម្បីតែអាមេរិក ក៏សង្ស័យនឹងសំណើរបស់របបស៊ីរីដែរ។
ទន្ទឹមគ្នានោះ កងទ័ពស៊ីរី ក៏បានប្រកាសកាត់បន្ថយការបាញ់កាំភ្លើងធំលើទីក្រុង Aleppo ដែរ ដើម្បីទុកពេលឲ្យប្រជាជនក្នុងទីក្រុងចាកចេញឲ្យអស់។ កងទ័ពស៊ីរីបញ្ជាក់ថា អ្នកណាដែលមិនឆក់យកឱកាសនេះដើម្បីទម្លាក់អាវុធទេ នឹងត្រូវប្រឈមមុខវាសនាដែលស្មានមិនដល់។ ហើយកងទ័ពក៏ប្រាប់ឲ្យប្រជាជនទាំងអស់ បោះបង់ក្រុមឧទ្ទាមទៅ ចៀសវាងគ្រោះថ្នាក់ ក៏ដូចជាបញ្ហាកង្វះអាហារ និងថ្នាំសង្កូវដែរ។
បើទោះជាប្រកាសផ្ដល់ការលើកលែងទោសឲ្យក្រុមឧទ្ទាមដែលព្រមចាកចេញពី Aleppo ក៏ដោយ លោកប្រធានាធិបតីស៊ីរី អាសាដ ក៏ប្រកាសបន្តការប្រយុទ្ធរហូតដល់ពេលក្រុមឧទ្ទាមចាកចេញពីទីក្រុងនេះ។ លោកប្រាប់ទូរទស្សន៍ដាណឺម៉ាក TV 2 ថា លោកចង់ឲ្យក្រុមឧទ្ទាមទាំងអស់ចាកចេញជាមួយគ្រួសាររបស់ពួកគេ ដូចអ្នកប្រយុទ្ធនៅ Daraya ដែរ៕
ប្រធានាធិបតីស៊ីរី បាសសា អាល់អាសាដ (Bashar al Assad) និយាយថា ក្រុមឧទ្ទាមដែលជាប់ខ្លួននៅ Aleppo អាចចាកចេញជាមួយគ្រួសារពួកគេបាន ប្រសិនបើពួកគេទម្លាក់អាវុធនោះ។ ហើយលោកក៏ប្រកាសដែរថា កងកម្លាំងរដ្ឋាភិបាល នឹងបង្កើនការប្រយុទ្ធដណ្ដើមទីក្រុងនេះ ដើម្បីគ្រប់គ្រងទឹកដីទាំងអស់ឡើងវិញ។
ការប្រកាសផ្ដល់ការលើកលែងទោសនេះ ធ្វើឡើងក្រោយពេលដែលការទម្លាក់គ្រាប់បែកលើទីក្រុង Aleppo ត្រូវបានបង្កើនយ៉ាងខ្លាំង ដែលបានឆក់យកជីវិតប្រជាជនដែលរស់នៅក្នុងទីក្រុងនេះ ជាច្រើននាក់មកហើយនោះ។ ចំណែកផែនការសន្តិភាពថ្មីមួយទៀតដែលផ្ដួចផ្ដើមដោយក្រុងវ៉ាស៊ិនតោន ក៏បរាជ័យផងដែរ ដ្បិតគ្មានការសហការពីក្រុងមូស្គូ ដែលទើបបញ្ជូនប្រព័ន្ធការពារអាកាសមកកាន់ស៊ីរីនោះ។
យោងតាមទីភ្នាក់ងារព័ត៌មាន Reuters ក៏មានអ្នកប្រយុទ្ធខ្លះដូចជានៅទីក្រុង Daraya ដែលមានទីតាំងនៅជាយរដ្ឋធានីដាម៉ាស បានទទួលយកសំណើរបស់រដ្ឋាភិបាលស៊ីរីហើយដែរ។ ប៉ុន្តែក្រុមឧទ្ទាមវិញ បានប្រកាសថា ខ្លួនគ្មានផែនការចាកចេញពី Aleppo ឡើយ ហើយចាត់ទុកសំណើរបស់រដ្ឋាភិបាលជា ការបំភាន់ប៉ុណ្ណោះ។ មិនត្រឹមតែក្រុមឧទ្ទាមទេ សូម្បីតែអាមេរិក ក៏សង្ស័យនឹងសំណើរបស់របបស៊ីរីដែរ។
ទន្ទឹមគ្នានោះ កងទ័ពស៊ីរី ក៏បានប្រកាសកាត់បន្ថយការបាញ់កាំភ្លើងធំលើទីក្រុង Aleppo ដែរ ដើម្បីទុកពេលឲ្យប្រជាជនក្នុងទីក្រុងចាកចេញឲ្យអស់។ កងទ័ពស៊ីរីបញ្ជាក់ថា អ្នកណាដែលមិនឆក់យកឱកាសនេះដើម្បីទម្លាក់អាវុធទេ នឹងត្រូវប្រឈមមុខវាសនាដែលស្មានមិនដល់។ ហើយកងទ័ពក៏ប្រាប់ឲ្យប្រជាជនទាំងអស់ បោះបង់ក្រុមឧទ្ទាមទៅ ចៀសវាងគ្រោះថ្នាក់ ក៏ដូចជាបញ្ហាកង្វះអាហារ និងថ្នាំសង្កូវដែរ។
បើទោះជាប្រកាសផ្ដល់ការលើកលែងទោសឲ្យក្រុមឧទ្ទាមដែលព្រមចាកចេញពី Aleppo ក៏ដោយ លោកប្រធានាធិបតីស៊ីរី អាសាដ ក៏ប្រកាសបន្តការប្រយុទ្ធរហូតដល់ពេលក្រុមឧទ្ទាមចាកចេញពីទីក្រុងនេះ។ លោកប្រាប់ទូរទស្សន៍ដាណឺម៉ាក TV 2 ថា លោកចង់ឲ្យក្រុមឧទ្ទាមទាំងអស់ចាកចេញជាមួយគ្រួសាររបស់ពួកគេ ដូចអ្នកប្រយុទ្ធនៅ Daraya ដែរ៕
Tag:
ស៊ីរី
Aleppo
© រក្សាសិទ្ធិដោយ thmeythmey.com
