ព័ត៍មានសុខភាព
សុខភាព៖ មនុស្សប្រុសអាយុកាន់តែច្រើន លែងសុបិន្តឃើញរួមភេទទៀតហើយមែនទេ?
× ខ្ញុំទើបតែអាយុ ១៣ ឆ្នាំទេ ហើយថ្មីៗនេះ ខ្ញុំក៏បានគេងសុបិន្តឃើញរួមភេទ រហូតដល់ចេញទឹកកាមដែរ។ តើបញ្ហានេះនឹងបាត់ទៅវិញទេ នៅពេលដែលខ្ញុំអាយុកាន់តែច្រើន?
ការគេងសុបិន្តឃើញរួមភេទ រហូតដល់ចេញទឹកកាម ច្រើនតែកើតឡើង នៅពេលដែលមនុស្សប្រុសកំពុងតែសុបិន្តឃើញ រឿងទាក់ទងនឹងផ្លូវភេទ។ ពេលខ្លះ គេក៏អាចនឹងភ្ញាក់ពីគេងដែរ នៅពេលចេញទឹកកាមទទឹកខោ ហើយខ្លះទៀត អាចនឹងគេងទាំងអញ្ចឹងទៀតក៏មានដែរ។ មនុស្សប្រុសអាចនឹងមិនចងចាំថា គេបានសុបិន្តឃើញអ្វីផង។
ការគេងសុបិន្តឃើញរួមភេទ រហូតដល់ចេញទឹកកាម ចាប់ផ្តើមកើតមានក្នុងវ័យយុវវ័យ ជាពិសេស នៅពេលរាងកាយ ចាប់ផ្តើមបង្កើតអ័រម៉ូនតេស្តូស្តេរ៉ូន ដែលជាអ័រម៉ូនភេទបុរសដ៏សំខាន់។ មនុស្សប្រុសភាគច្រើននឹងជួបករណី គេងសុបិន្តចេញទឹកកាម ក្នុងពេលវេលាណាមួយនៃវ័យមួយនេះ ហើយពេលខ្លះដល់ធំ អាយុច្រើនហើយ ក៏នៅតែអញ្ចឹងដែរ។ យ៉ាងណាមិញ វាអាចនឹងមិនសូវកើតមានញឹកញាប់ ឬឈប់តែម្តង នៅពេលអាយុកាន់តេច្រើន និងឈានដល់ចុងបញ្ចប់នៃវ័យជាយុវវ័យ។
បុរសខ្លះ អាចនឹងមានអារម្មណ៍អៀនខ្មាស់ច្រើន អំពីការសុបិន្តឃើញរួមភេទ រហូតដល់ចេញទឹកកាមបែបនេះ ប៉ុន្តែ វាគឺជារឿងធម្មតា នៃការលូតលាស់របស់មនុស្សប្រុសទេ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com