ជាតិ
សង្គមជាតិ
គ.ជ.ប បង្កើតប្រព័ន្ធទូរសព្ទ ឲ្យពលរដ្ឋហៅចូល ដើម្បីស្តាប់សារទាក់ទងការបោះឆ្នោត
×![]()
ដោយ: ម៉ៅ សុផា
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានបង្កើតប្រព័ន្ធទូរសព្ទ ឲ្យប្រជាពលរដ្ឋហៅចូល ដើម្បីស្តាប់ព័ត៌មានទាំងឡាយ ដែលទាក់ទងនឹងការចុះឈ្មោះបោះឆ្នោត និងការបោះឆ្នោត។ ប្រព័ន្ធទូរសព្ទនេះ នឹងដាក់ឲ្យដំណើរការចាប់ពីថ្ងៃទី២១ ខែតុលា ឆ្នាំ២០១៦តទៅ។
លោក ហង្ស ពុទ្ធា អ្នកនាំពាក្យរបស់គ.ជ.ប បានប្រាប់ថា ក្រុមហ៊ុនចំនួន៣ ដែល គ.ជ.ប សហការជាមួយដើម្បីបង្កើតប្រព័ន្ធទូរសព្ទ ឲ្យប្រជាពលរដ្ឋហៅចូល។ បើតាមលោក ហង្ស ពុទ្ធា ក្រុមហ៊ុនទូរសព្ទទាំងនោះគឺMetfone Smart និង Mobitel។
អ្នកនាំពាក្យគ.ជ.បរូបនេះ បានបន្ថែមទៀតថាប្រជាពលរដ្ឋ ដែលប្រើប្រព័ន្ធទូរសព្ទទាំង៣ប្រភេទខាងលើ អាចហៅទៅកាន់លេខ ១២៨៥ដើម្បីស្តាប់សារជាង៣០ ជុំវិញការបោះឆ្នោត។ លោកបញ្ជាក់បែបនេះថា៖«ចាប់ពីថ្ងៃទី២១ ខែតុលាទៅ ប្រជាពលរដ្ឋអាចហៅទៅកាន់លេខ ១២៨៥បានហើយ។ ពេលយើងហៅទៅកាន់លេខហ្នឹង គេនឹងណែនាំហើយ ថាចុចលេខណា ដើម្បីស្តាប់ព័ត៌មានអ្វីមួយ។ ប្រជាពលរដ្ឋអាចស្តាប់សារជាង៣០ ទាក់ទងនឹងការចុះឈ្មោះបោះឆ្នោត»។
លោក ហង្ស ពុទ្ធា អះអាងថា ការបង្កើតប្រព័ន្ធនេះ គឺដើម្បីឲ្យប្រជាពលរដ្ឋ កាត់តែងាយស្រួលក្នុងការទទួលព័ត៌មាននិងចំណេះដឹង ទាក់ទងនឹងការបោះឆ្នោតឆ្នោត។ លោកថា មធ្យោបាយខាងលើ អាចជួយជំរុញឲ្យប្រជាពលរដ្ឋ ទៅចុះឈ្មោះបោះឆ្នោត កាត់ច្រើន នៅពេលដែលពួកគេបានស្តាប់និងយល់ពីការណែនាំរបស់គ.ជ.ប តាមរយៈសារជាសំឡេង។
ជាងនេះទៀត នៅថ្ងៃទី២១ ខែតុលា ឆ្នាំ២០១៦ គ.ជ.ប នឹងចុះអប់រំនិស្សិតនៅតាមសាកលវិទ្យាល័យមួយចំនួន ទាក់ទងនឹងការចុះឈ្មោះបោះឆ្នោត។ នេះបើតាមការអះអាងរបស់លោក ហង្ស ពុទ្ធា ដដែល ហើយបន្ទាប់មកលោក ក៏បានបន្ថែមទៀតថា នៅពេលដែលនិស្សិត មានការយល់ដឹង ពួកគេ អាចជួយផ្សព្វផ្សាយនិងណែនាំបន្តទៅកាន់ប្រជាពលរដ្ឋ៕
លោក ហង្ស ពុទ្ធា អ្នកនាំពាក្យរបស់គ.ជ.ប បានប្រាប់ថា ក្រុមហ៊ុនចំនួន៣ ដែល គ.ជ.ប សហការជាមួយដើម្បីបង្កើតប្រព័ន្ធទូរសព្ទ ឲ្យប្រជាពលរដ្ឋហៅចូល។ បើតាមលោក ហង្ស ពុទ្ធា ក្រុមហ៊ុនទូរសព្ទទាំងនោះគឺMetfone Smart និង Mobitel។
អ្នកនាំពាក្យគ.ជ.បរូបនេះ បានបន្ថែមទៀតថាប្រជាពលរដ្ឋ ដែលប្រើប្រព័ន្ធទូរសព្ទទាំង៣ប្រភេទខាងលើ អាចហៅទៅកាន់លេខ ១២៨៥ដើម្បីស្តាប់សារជាង៣០ ជុំវិញការបោះឆ្នោត។ លោកបញ្ជាក់បែបនេះថា៖«ចាប់ពីថ្ងៃទី២១ ខែតុលាទៅ ប្រជាពលរដ្ឋអាចហៅទៅកាន់លេខ ១២៨៥បានហើយ។ ពេលយើងហៅទៅកាន់លេខហ្នឹង គេនឹងណែនាំហើយ ថាចុចលេខណា ដើម្បីស្តាប់ព័ត៌មានអ្វីមួយ។ ប្រជាពលរដ្ឋអាចស្តាប់សារជាង៣០ ទាក់ទងនឹងការចុះឈ្មោះបោះឆ្នោត»។
លោក ហង្ស ពុទ្ធា អះអាងថា ការបង្កើតប្រព័ន្ធនេះ គឺដើម្បីឲ្យប្រជាពលរដ្ឋ កាត់តែងាយស្រួលក្នុងការទទួលព័ត៌មាននិងចំណេះដឹង ទាក់ទងនឹងការបោះឆ្នោតឆ្នោត។ លោកថា មធ្យោបាយខាងលើ អាចជួយជំរុញឲ្យប្រជាពលរដ្ឋ ទៅចុះឈ្មោះបោះឆ្នោត កាត់ច្រើន នៅពេលដែលពួកគេបានស្តាប់និងយល់ពីការណែនាំរបស់គ.ជ.ប តាមរយៈសារជាសំឡេង។
ជាងនេះទៀត នៅថ្ងៃទី២១ ខែតុលា ឆ្នាំ២០១៦ គ.ជ.ប នឹងចុះអប់រំនិស្សិតនៅតាមសាកលវិទ្យាល័យមួយចំនួន ទាក់ទងនឹងការចុះឈ្មោះបោះឆ្នោត។ នេះបើតាមការអះអាងរបស់លោក ហង្ស ពុទ្ធា ដដែល ហើយបន្ទាប់មកលោក ក៏បានបន្ថែមទៀតថា នៅពេលដែលនិស្សិត មានការយល់ដឹង ពួកគេ អាចជួយផ្សព្វផ្សាយនិងណែនាំបន្តទៅកាន់ប្រជាពលរដ្ឋ៕
Tag:
ហង្ស ពុទ្ធា
គជប
© រក្សាសិទ្ធិដោយ thmeythmey.com
