ជាតិ
សង្គមជាតិ
អ្នកភូមិអូរដូងដង្ហើយសុំស្ពានថ្មីខណៈស្ពានឈើមានសភាពចាស់ទ្រុឌទ្រោមខ្លាំង
× កំពង់ធំ៖ ស្ពានអូរដូង ស្ថិតនៅភូមិអូរដូង ឃុំម្ស៉ាក្រង ស្រុកស្ទោង ខេត្តកំពង់ធំ។ បច្ចុប្បន្ន ស្ពានឈើអូរដូង ដែលសង់អំឡុងឆ្នាំ៩០ មានសភាពចាស់ទ្រុឌទ្រោមខ្លាំង ហើយអ្នកភូមិបានអំពាវនាវសុំឲ្យមានការស្ថាបនាស្ពានថ្មី។
អ្នកភូមិអូរដូង បានប្រើប្រាស់ស្ពានអូរដូងដោយមមាញឹក។ ស្ពាននេះកសាងឡើងដោយការរៃអង្គាសថវិកាពីប្រជាពលរដ្ឋក្នុងអំឡុងឆ្នាំ៩០។ ដោយសារមានសភាពចាស់ទ្រុឌទ្រោម ជារៀងរាល់ឆ្នាំ ចាស់ព្រឹទចារ្យក្នុងភូមិ តែងរៃអង្គាសថវិកាអ្នកភូមិ ដើម្បីជួសជុល។ តាមការបញ្ជាក់របស់អ្នកភូមិអូរដូងមួយរូប បានបញ្ជាក់ថា ស្ពាននេះហាក់នៅឆ្ងាយពីការអភិវឌ្ឍ ដោយសារនៅភូមិក្បែរនោះ គេមានស្ពានថ្មថ្មីអស់ហើយ។
អ្នកភូមិអូរដូង ស្នើសុំឲ្យអាជ្ញាធរជួយស្ថាបនាស្ពានថ្មថ្មី ខណៈការប្រើប្រាស់ស្ពានបច្ចុប្បន្ន ស្ថិតក្នុងស្ថានភាពហានិភ័យ។ ស្ពានអូរដូង ជាស្ពានមួយក្នុងចំណោមស្ពានជាច្រើន ដែលឆ្លងកាត់ស្ទឹងស្ទោង ខេត្តកំពង់ធំ។
សូមទស្សនារូបភាពខ្លះៗ ពីស្ថានភាពស្ពានអូរដូង ដូចតទៅ
© រក្សាសិទ្ធិដោយ thmeythmey.com