ពីនេះ ពីនោះ
×![]()
ដោយ: ថ្មីៗ
ភ្នំពេញ៖ បុគ្គលម្នាក់ដែលមានចំណេះដឹង មានសមត្ថភាព គឺជាជនគម្រូដែលមនុស្សគ្រប់រូបគេគោរពនឹងឲ្យតម្លៃ។ សង្គមមួយដែលសម្បូរទៅដោយអ្នកចេះដឹង សង្គមនោះកាន់តែក្លាយជាសង្គមដែលមានសន្តិភាព និងមានការរីកចម្រើន ប្រកបដោយពន្លឺនៃសេចក្ដីល្អ។ 
ការរីកចម្រើនផ្នែកចំណេះដឹង មានន័យថា សង្គមមានការកើនឡើងក្រុម វិញ្ញូជនឬបណ្ឌិត។ ជនទាំងនេះ គឺជាជំពូកអ្នកប្រាជ្ញ អ្នកចេះដឹងច្បាស់លាស់អំពីអ្វីមួយ និងមើលបានឆ្ងាយ មានសណ្ដាប់ធ្នាប់ ទម្លាប់ទៀងទាត់ មានគុណធម៌ រហូតទៅដល់វីរភាពថែមទៀត។ ជនប្រភេទនេះ គឺពុំញាប់ញ័រដោយលោកធម៌ទាំងប្រាំបីដូចជា លាភ, អលាភ, យស, អយស, និន្ទា, បសំសា, សុខ, ទុក្ខ ឡើយ។ សុក្រឹតភាពនៃជីវិតប្រកបដោយគុណធម៌ ទើបជាសេចក្ដីប្រាថ្នារបស់វិញ្ញូជន។
ជនមានចំណេះ មានការគោរព និងផ្តល់តម្លៃដល់អ្នកដទៃ ទៅតាមតួនាទីភារកិច្ច និងតម្លៃក្នុងនាមជាមនុស្សដូចគ្នា។ បុគ្គលមានចំណេះ ចេះរៀបចំខ្លួនឯង មានក្រមសីលធម៌ គុណធម៌ និងការសហការគ្នារៀបចំអ្វីមួយ ប្រកបដោយភាពថ្លៃថ្នូរក្នុងនាមជាមនុស្សជាតិ។ បន្ថែមពីនេះ អ្នកមានចំណេះ ទោះបីត្រូវផ្ដល់ ឬបញ្ចេញទស្សនៈ យោបល់ ការវិភាគ តែងប្រកាន់យកមាគ៌ាសីលធម៌ យុត្តិធម៌ និងមានគំនិតជឿនលឿន និងថ្លៃថ្នូរ។
អ្នកមានចំណេះ ទោះបីត្រូវបង្ហាញគំនិត យោបល់ គឺមិនទាត់ចោលការគិតពីតម្លៃនៃតម្លាភាព សុចរិតភាព គណនេយ្យភាព និងសន្តិភាព ហើយគ្មានការប្រមាថ ញុះញង់បំបែកបំបាក់ ហែកជាតិ ជេរជាតិ ប្រមាថជាតិ លាបពណ៌គ្នា ដែលទង្វើទាំងនេះមិនអាចរកភាពថ្លៃថ្នូរឲ្យសង្គម និងជាតិមាតុភូមិបាន។
ព្រោះតែតម្លៃនៃចំណេះដឹង សមត្ថភាព គុណធម៌ សីលធម៌ សុចរិតភាព យុត្តិធម៌ ឆន្ទៈវិជ្ជមាន និងការគិតក្នុងមាគ៌ាសន្តិភាពបែបនេះហើយ ដែលនាំឲ្យក្រុមបុគ្គលដែលមានចំណេះ ក្រុមវិញ្ញូជន ត្រូវបានមនុស្សទូទៅ គោរព និងឲ្យតម្លៃខ្ពស់លើសពីមនុស្សសាមញ្ញធម្មតា។
ស្រប់ជាមួយគ្នានេះ ចំណេះដឹង សមត្ថភាព គុណធម៌ សីលធម៌ មានក៏មិនអាចបញ្ជាក់ថា បុគ្គលនោះត្រូវបានគេវាយតម្លៃក្នុងផ្លូវវិជ្ជមានទាំងស្រុង និងកំណត់ថាបុគ្គលនោះមានកម្រិតតម្លៃខ្ពស់នោះដែរ។ បច្ចុប្បន្ននេះ ការចេះអនាម័យខ្លួនប្រាណ ទាំងក្លិនខ្លួន របៀបស្លៀកពាក់ ដែលចេះរៀបចំខ្លួនឲ្យសមជាអ្នកចេះដឹង គឺជាតម្លៃផ្នែកខាងក្រៅមួយយ៉ាងសំខាន់ដើម្បីបង្ហាញពីតម្លៃនៃជននោះ។ ចំណុចនេះ ក្នុងស្រទាប់យុវជនតែងតែមើលរំលងជានិច្ច ជាពិសេសចំពោះក្រុមយុវជនដែលមិនសូវបានប្រឡូកក្នុងជីវិតសង្គមទំនើប។ តែទោះជាយ៉ាងណា មិនមែនមានន័យថា ឲ្យតែងខ្លួន និងចំណាយលុយឥតប្រយោជន៍ទៅលើការតុបតែងខ្លួននោះដែរ។
ជារួមមក តម្លៃពីរសំខាន់របស់មនុស្សគឺតម្លៃខាងក្នុងដែលសំដៅដល់ សមត្ថភាព ចំណេះដឹង ជំនាញ សីលធម៌ គុណធម៌...និងតម្លៃខាងក្រៅ ទាក់ទងនឹងការរៀបចំខ្លួន ព្រមទាំងបរិស្ថានខ្លួនប្រាណនេះ គឺតម្លៃពីរយ៉ាងដែលបុគ្គលគ្រប់រូបត្រូវព្យាយាមយកឲ្យបានមកដាក់ខ្លួន៕
ការរីកចម្រើនផ្នែកចំណេះដឹង មានន័យថា សង្គមមានការកើនឡើងក្រុម វិញ្ញូជនឬបណ្ឌិត។ ជនទាំងនេះ គឺជាជំពូកអ្នកប្រាជ្ញ អ្នកចេះដឹងច្បាស់លាស់អំពីអ្វីមួយ និងមើលបានឆ្ងាយ មានសណ្ដាប់ធ្នាប់ ទម្លាប់ទៀងទាត់ មានគុណធម៌ រហូតទៅដល់វីរភាពថែមទៀត។ ជនប្រភេទនេះ គឺពុំញាប់ញ័រដោយលោកធម៌ទាំងប្រាំបីដូចជា លាភ, អលាភ, យស, អយស, និន្ទា, បសំសា, សុខ, ទុក្ខ ឡើយ។ សុក្រឹតភាពនៃជីវិតប្រកបដោយគុណធម៌ ទើបជាសេចក្ដីប្រាថ្នារបស់វិញ្ញូជន។
ជនមានចំណេះ មានការគោរព និងផ្តល់តម្លៃដល់អ្នកដទៃ ទៅតាមតួនាទីភារកិច្ច និងតម្លៃក្នុងនាមជាមនុស្សដូចគ្នា។ បុគ្គលមានចំណេះ ចេះរៀបចំខ្លួនឯង មានក្រមសីលធម៌ គុណធម៌ និងការសហការគ្នារៀបចំអ្វីមួយ ប្រកបដោយភាពថ្លៃថ្នូរក្នុងនាមជាមនុស្សជាតិ។ បន្ថែមពីនេះ អ្នកមានចំណេះ ទោះបីត្រូវផ្ដល់ ឬបញ្ចេញទស្សនៈ យោបល់ ការវិភាគ តែងប្រកាន់យកមាគ៌ាសីលធម៌ យុត្តិធម៌ និងមានគំនិតជឿនលឿន និងថ្លៃថ្នូរ។
អ្នកមានចំណេះ ទោះបីត្រូវបង្ហាញគំនិត យោបល់ គឺមិនទាត់ចោលការគិតពីតម្លៃនៃតម្លាភាព សុចរិតភាព គណនេយ្យភាព និងសន្តិភាព ហើយគ្មានការប្រមាថ ញុះញង់បំបែកបំបាក់ ហែកជាតិ ជេរជាតិ ប្រមាថជាតិ លាបពណ៌គ្នា ដែលទង្វើទាំងនេះមិនអាចរកភាពថ្លៃថ្នូរឲ្យសង្គម និងជាតិមាតុភូមិបាន។
ព្រោះតែតម្លៃនៃចំណេះដឹង សមត្ថភាព គុណធម៌ សីលធម៌ សុចរិតភាព យុត្តិធម៌ ឆន្ទៈវិជ្ជមាន និងការគិតក្នុងមាគ៌ាសន្តិភាពបែបនេះហើយ ដែលនាំឲ្យក្រុមបុគ្គលដែលមានចំណេះ ក្រុមវិញ្ញូជន ត្រូវបានមនុស្សទូទៅ គោរព និងឲ្យតម្លៃខ្ពស់លើសពីមនុស្សសាមញ្ញធម្មតា។
ស្រប់ជាមួយគ្នានេះ ចំណេះដឹង សមត្ថភាព គុណធម៌ សីលធម៌ មានក៏មិនអាចបញ្ជាក់ថា បុគ្គលនោះត្រូវបានគេវាយតម្លៃក្នុងផ្លូវវិជ្ជមានទាំងស្រុង និងកំណត់ថាបុគ្គលនោះមានកម្រិតតម្លៃខ្ពស់នោះដែរ។ បច្ចុប្បន្ននេះ ការចេះអនាម័យខ្លួនប្រាណ ទាំងក្លិនខ្លួន របៀបស្លៀកពាក់ ដែលចេះរៀបចំខ្លួនឲ្យសមជាអ្នកចេះដឹង គឺជាតម្លៃផ្នែកខាងក្រៅមួយយ៉ាងសំខាន់ដើម្បីបង្ហាញពីតម្លៃនៃជននោះ។ ចំណុចនេះ ក្នុងស្រទាប់យុវជនតែងតែមើលរំលងជានិច្ច ជាពិសេសចំពោះក្រុមយុវជនដែលមិនសូវបានប្រឡូកក្នុងជីវិតសង្គមទំនើប។ តែទោះជាយ៉ាងណា មិនមែនមានន័យថា ឲ្យតែងខ្លួន និងចំណាយលុយឥតប្រយោជន៍ទៅលើការតុបតែងខ្លួននោះដែរ។
ជារួមមក តម្លៃពីរសំខាន់របស់មនុស្សគឺតម្លៃខាងក្នុងដែលសំដៅដល់ សមត្ថភាព ចំណេះដឹង ជំនាញ សីលធម៌ គុណធម៌...និងតម្លៃខាងក្រៅ ទាក់ទងនឹងការរៀបចំខ្លួន ព្រមទាំងបរិស្ថានខ្លួនប្រាណនេះ គឺតម្លៃពីរយ៉ាងដែលបុគ្គលគ្រប់រូបត្រូវព្យាយាមយកឲ្យបានមកដាក់ខ្លួន៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
