ជនរងគ្រោះរម្លឹកពីឥទ្ធិពលគ្រាប់បែកចង្កោម

ជាតិ

បទសម្ភាសន៍

សង្គមជាតិ

ជនរងគ្រោះរម្លឹកពីឥទ្ធិពលគ្រាប់បែកចង្កោម

20, Oct 2016 , 11:00 am

រូបភាព

ដោយ: ថ្មីៗ

ខេត្តត្បូងឃ្មុំគឺតំបន់មួយ ដែលរងគ្រោះដោយសារការទម្លាក់គ្រាប់បែកពីសហរដ្ឋអាមេរិកក្នុងចន្លោះទស្សវត្ស១៩៦០ និង១៩៧០ ដោយបានបន្សល់ស្នាក់ស្នាមឈឺចាប់ដល់ប្រជាពលរដ្ឋជាច្រើនគ្រួសារ។ ប្រជាពលរដ្ឋដែលរងគ្រោះដោយសារការទម្លាក់គ្រាប់បែកនោះ ខ្លះបាត់បង់អាយុជីវិត ហើយមួយចំនួនច្រើនទៀតទទួលរងពិការភាព និងប៉ះពាល់ផ្លូវចិត្តយ៉ាងធ្ងន់ធ្ងរ ដែលធ្វើឲ្យពួកគេមិនអាចបំភ្លេចស្នាក់ស្នាមឈឺចាប់នោះបានឡើយ។ ហើយរហូតមកដល់បច្ចុប្បន្ននេះ បើទោះបីជាកម្ពុជាមិនមានសង្គ្រាមក្តី តែគ្រាប់បែកចង្កោមដែលមិនទាន់ផ្ទុះកប់ក្នុងដីស្រែចំការ ប្រជាពលរដ្ឋនោះនៅតែបន្តគំរាមកំហែងអាយុជីវិត និងប៉ះពាល់ដល់ជីវភាពរស់នៅពួកគេជារៀងរាល់ថ្ងៃ។

ឯកសារព័ត៌មានរបស់អង្គការជនពិការអន្តរជាតិ ស្តីពីគ្រាប់បែកចង្កោមនៅកម្ពុជា បង្ហាញថា គ្រាប់ប្រភេទនេះ ត្រូវបានសហរដ្ឋអាមេរិក ទម្លាក់មកលើប្រទេសខ្មែរចំនួន ៨ ម៉ឺនគ្រាប់ធំៗ ដែលមានចំនួនគ្រាប់តូចៗ សរុបជាង ២៦លានគ្រាប់ នៅតំបន់ភាគខាងកើតនិងភាគឥ្ឍសាន។ គ្រាប់បែកចង្កោមទាំងនោះ បានទម្លាក់ក្នុងចន្លោះទសវត្សរ៍ឆ្នាំ១៩៦០ និង១៩៧០ ហើយគ្រាប់ដែលនៅសេសសល់ក្នុងផ្ទៃដីប្រទេសកម្ពុជាប្រហែល២២០គីឡូម៉ែត្រការ៉េ គឺបង្កការគំរាមកំហែងធ្ងន់ធ្ងរដល់ជីវភាពរស់នៅរបស់ពលរដ្ឋ ។បើតាមឯកសារព័ត៌មានរបស់អង្គការជនពិការអន្តរជាតិដែដល ចាប់តាំងពីឆ្នាំ១៩៩៨ គឺមានប្រជាពលរដ្ឋរងគ្រោះដោយសារគ្រាប់បែកចង្កោម ១៩៤នាក់៕