ពីនេះ ពីនោះ
ស្លឹកមមាញ ប្រជាជនខ្មែរ និយមយកមកធ្វើជ្រក់សម្រាប់បរិភោគ
× មមាញ គឺជាឈ្មោះស្មៅមួយប្រភេទ ដុះលើដីគ្មានដើមឈើ និងដុះជុំវិញគេហដ្ឋានក្នុងភូមិនានាតាមតំបន់ស្រុកស្រែចម្ការ។ រុក្ខជាតិនេះ មានដើមកំណើតនៅអាស៊ី ឬអាហ្វ្រិក ហើយត្រូវបានគេនាំពូជ ទៅដាំដល់ស្រុកអាមេរិកក្ដៅ។
ឥឡូវ មមាញ មានដុះគ្រប់ប្រទេសក្ដៅនៅក្នុងសកលលោក។ ចំពោះ ស្លឹកមមាញ ប្រជាជនខ្មែរ និយមយកមកធ្វើជ្រក់សម្រាប់បរិភោគ ដោយយកស្លឹកមកជ្រកក្នុងទឹកខ្មេះ ឬក្នុងទឹកបាយ ដោយដាក់អំបិលទុកមួយរយៈពេលខ្លី ហើយ បរិភោគជ្រក់នេះ ជាមួយត្រីអាំង។
ធ្វើបែបនេះ បានក្លាយជាម្ហូបមួយប្រភេទដែលប្រជាជនខ្មែរនិយមចូលចិត្តធ្វើ។ ចំណែកមែក នឹងឫស របស់មមាញ គ្រូថ្នាំខ្មែរ តែងប្រើសម្រាប់ព្យាបាលជំងឺប្រមេះស្ត្រី៕
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com