ពីនេះ ពីនោះ
ព័ត៍មានសុខភាព
វិធីប្រើទឹកឃ្មុំ ដើម្បីសម្រកទម្ងន់ (ងាយធ្វើ ងាយបានលទ្ធផល)
× អត្ថប្រយោជន៍របស់ទឹកឃ្មុំ ដូចយើងបានដឹងច្រើនហើយ ប៉ុន្តែមួយក្នុងចំណោមនោះគឺ វាក៏ជួយដល់ការសម្រកទម្ងន់ដែរ។ បើសិនជាអ្នកកំពុងតែព្យាយាមសម្រកទម្ងន់ អ្នកពិតជារកអូសប្រទេសចង្ក្រានហ្គាសហើយ។
ទឹកឃ្មុំគឺជាសារធាតុផ្អែមបែបធម្មជាតិមួយប្រភេទដែលជួយសម្រកទម្ងន់បានយ៉ាងល្អ ជាពិសេសវានឹងមានប្រយោជន៍កាន់តែខ្លាំងក្នុងការបង្ការកុំឲ្យធាត់ជ្រុលតែម្តង។ ទឹកឃ្មុំមានជីវជាតិច្រើនណាស់ដូចជា ប្រូតេអ៊ីន ជាតិសរសៃ ថាមពល ស្ករ និងវីតាមីន និងជាតិរ៉ែផ្សេងៗទៀត។
វិធីប្រើទឹកឃ្មុំដើម្បីសម្រកទម្ងន់៖
ទឹកឃ្មុំ និងតែខ្ញី
តែខ្ញីតែមួយមុខគឺល្អណាស់ហើយក្នុងការបង្កើនការរំលាយអាហារ ប៉ុន្តែនៅពេលលាយជាមួយទឹកឃ្មុំទៀត វានឹងក្លាយទៅជាទឹកអម្រឹតដ៏ខ្លាំងក្លាតែម្តង។ បើសិនជាអ្នកញ៉ាំតែមួយកែវជាមួយនឹងទឹកឃ្មុំមួយស្លាបព្រាកាហ្វេ ២០នាទីមុនបាយ នោះវានឹងជំរុញដល់ការរក្សាលំនឹងរបស់ជាតិស្ករក្នុងឈាម រំលាយអាហារកាន់តែល្អ និងរំលាយជាតិខ្លាញ់ទៀត។
ទឹកឃ្មុំ និងក្រូចឆ្មារ
ទឹកឃ្មុំក៏អាចជួយសម្រកទម្ងន់បាននៅពេលអ្នកញ៉ាំវាជាមួយទឹកក្រូចឆ្មា និងទឹកក្តៅឧណ្ហៗ។ មនុស្សភាគច្រើនញ៉ាំភេសជ្ជៈបែបនេះនៅពេលចាប់ផ្តើមថ្ងៃថ្មី ឬព្រឹកឡើងដើម្បីភ្ញោចដល់ការសម្រកទម្ងន់តែម្តង។ ភេសជ្ជៈនេះនឹងទៅរំលាយជាតិខ្លាញ់ទៅជាថាមពលដើម្បីប្រើប្រាស់ និងទទួលបានសុខភាពកាន់តែល្អផង។
ទឹកឃ្មុំ និងទឹកក្តៅឧណ្ហៗ
ជាធម្មតា ខ្លាញ់រាងកាយដែលសល់ វានឹងប្រមូលផ្តុំគ្នាច្រើនទៅៗ និងបង្កការឡើងទម្ងន់។ ប៉ុន្តែ ទឹកឃ្មុំត្រូវបានគេអះអាងថា មានសមត្ថភាពរំលាយជាតិខ្លាញ់ដែលនៅសល់ ហើយនៅពេលខ្លាញ់នេះត្រូវបានរំលាយទៅជាថាមពល អ្នកនឹងស្រកទម្ងន់បានបន្តិចម្តងៗជាមិនខាន។
ទឹកឃ្មុំក៏ត្រូវបានគេស្គាល់ថា ជួយបង្កើនកម្រិតកូឡេស្តេរ៉ុលល្អៗក្នុងរាងកាយ និងជួយកាត់បន្ថយសម្ពាធបេះដូងសរសៃឈាមដែរ ដូច្នេះវានឹងធ្វើឲ្យអ្នកសម្រកទម្ងន់ ហើយមានសុខភាពល្អទៀត។
តាមការសិក្សាបានឲ្យដឹងថា ការញ៉ាំទឹកឃ្មុំប្រហែលមួយស្លាបព្រាបាយរាល់ថ្ងៃ ជាមួយនឹងទឹកក្តៅឧណ្ហៗចំណុះល្មមមួយ ពិតជាអាចភ្ញោចដល់ការសម្រកទម្ងន់បាន។
ថ្វីបើទឹកឃ្មុំគឺជាអាហារដ៏មានប្រយោជន៍មែនក៏ដោយ ប៉ុន្តែយកល្អគួរតែជ្រើសរើស និងទិញទឹកឃ្មុំដែលសុទ្ធល្អដែរ ដើម្បីចៀសវាងផលរំខាននៃផលិតផលក្លែងក្លាយ ឬមិនសុទ្ធ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com