ពីនេះ ពីនោះ
យុវជន៖ យល់ដឹងទ្រឹស្ដីធ្វើឲ្យជីវិតជោគជ័យច្រើន ប៉ុន្តែខ្វះការរៀបចំគោលដៅ និងការតស៊ូ
×![]()
ដោយ: ថ្មីៗ
ភ្នំពេញ៖ ទ្រឹស្ដីធ្វើឲ្យជីវិតជោគជ័យ ត្រូវបានរីកសាយ និងជ្រួតជ្រាបដល់ការគិតរបស់មនុស្សខ្មែរ។ ជាពិសេស ក្នុងស្រទាប់យុវជនសម័យថ្មីនេះ គឺបានទទួលការបណ្ដុះបណ្ដាល និងបានអានសៀវភៅ ដែលបង្ហាញពីគន្លឹះជោគជ័យបានច្រើន។ ទោះបីជា យុវជនខ្មែរសម័យថ្មីនេះ យល់ដឹងច្រើនពីទ្រឹស្ដីទាំងនោះ ប៉ុន្តែរបស់ពីរយ៉ាងដែលគេនៅខ្វះ គឺការរៀបចំផែនការជីវិត និងការតស៊ូ នៅតែជាចំណុចខ្វះខាតដដែល។
នៅក្នុងសង្គមខ្មែរបច្ចុប្បន្ននេះវគ្គបណ្ដុះបណ្ដាល ដែលនិយាយពីគន្លឹះដើម្បីធ្វើឲ្យជីវិតបានជោគជ័យនេះគឺមិនខ្វះនោះទេ ហើយក៏បានបើកវគ្គបណ្ដុះបណ្ដាលដល់យុវជនជាច្រើនម៉ឺននាក់។ វគ្គផបណ្ដុះបណ្ដាលទាំងនោះបានបង្រៀនសាធារណជន យុវជន ទាក់ទងនឹង គន្លឹះដើម្បីជោគជ័យក្នុងជីវិត, ប្រសិទ្ធភាពក្នុងការកំណត់គោលដៅជីវិត, ភាពជោគជ័យនៅក្នុងដៃអ្នក, ជោគជ័យមិនចាំថ្ងៃស្អែក, ធ្វើបែបណាដើម្បីឲ្យជីវិតជោគជ័យ, ចង់ឲ្យជីវិតជោគជ័យ ត្រូវចាប់ផ្ដើមពីខ្លួនអ្នក,...ដែលសុទ្ធតែជាប្រធានបទ ដែលអ្នកជំនាញផ្នែកអភិវឌ្ឍន៍ធនធានមនុស្ស និងអ្នកជោគជ័យ មួយចំនួនបានចែករំឡែក។
ចំណែកការសរសេរ រៀបរៀង បកប្រែ ដែលបានបោះពុម្ពជាសៀវភៅវិញ ក៏មានមិនក្រោមម៉ឺនក្បាលនោះទេ នៅទូទាំងប្រទេស។ ចំនួនសៀវភៅរាប់ម៉ឺនក្បាលនោះ ក៏បានទៅដល់ដៃមនុស្សគ្រប់មជ្ឈដ្ឋាន ទាំងអ្នកជំនួញធំ ថ្នាក់ដឹកនាំ មន្ត្រីរាជការ អាជីវករ និយោជក សិស្ស-និស្សិត និងយុវជន ដែលបានផ្ដល់ជាពន្លឺផ្នែកបញ្ញា និងគំនិតដល់ជនទាំងនោះក្នុងការរៀបចំជីវិតរបស់ពួកគេ ឲ្យទទួលបានជោគជ័យ ក្នុងការងារ, ដឹកនាំ, គ្រប់គ្រង, ជំនួញ និងសិក្សា ជាដើម។
វិភាគទាននៃវគ្គបណ្ដុះបណ្ដា និងសៀវភៅរាប់ម៉ឺនក្បាលនេះ បានធ្វើឲ្យមនុស្សរាប់ម៉ឺននាក់ បានយល់ដឹងយ៉ាងច្បាស់ ហើយអាចនិយាយ និងសរសេរបានយ៉ាងស្ទាត់ជំនាញ ពីទ្រឹស្ដីដែលអាចនាំឲ្យជីវិតរបស់គេជោគជ័យ។ បន្ថែមពីនេះ ពួកគេក៏អាចយកទ្រឹស្ដីទាំងនោះទៅពន្យល់បន្ដបានយ៉ាងស្ទាត់ជំនាញផងដែរ។
នៅពេលសង្កេតឃើញបែបនេះ គឺជារឿងដែលល្អបំផុតសម្រាប់ជាតិ ព្រោះជាតិមានសង្ឃឹមយ៉ាងមុតមាំ ថាក្រុមមនុស្សដែលបានចេះ បានយល់ដឹងពីទ្រឹស្ដីជោគជ័យជីវិតនេះ អាចរៀបចំជីវិតរបស់ពួកគេឲ្យជោគជ័យ និងមានជីវភាពរស់នៅមានបាន សមរម្យតាមលទ្ធភាពរបស់ពួកគេ។
ជាការពិត ចំពោះការអនុវត្តទ្រឹស្ដីអាចជោគជ័យ និងមិនជោគជ័យ ប៉ុន្តែអ្វីដែលសំខាន់ គឺនៅត្រង់ថា មានយុវជនបច្ចុប្បន្នមួយចំនួន តែងតែទន្ទេញទ្រឹស្ដី ជោគជ័យរាល់ថ្ងៃ តែគេ ហាក់មិនសូវខ្វល់ពីការព្យាយាម រៀបចំផែនការជីវិតឲ្យបាន ច្បាស់លាស់។ ចំណែកអ្នកខ្លះបានរៀបចំដែរ ប៉ុន្តែខ្វះការតស៊ូ ជម្នះនឹងបញ្ហា។ ព្រោះពេលខ្លះនៅពេលដែលប្រឡូក នៅក្នុងកិច្ចការអ្វីមួយ ពេលជួបបញ្ហា គេក៏ចាប់គេចវេះមិនព្រមដោះស្រាយ។ ចំណែកយុវជនមួយចំនួនវិញ ពូកែណាស់ទ្រឹស្ដីធ្វើឲ្យជោគជ័យ ប៉ុន្តែខ្លួនមិនព្រមប្រឹងប្រែងឲ្យមានជំនាញអ្វីមួយឲ្យពិតប្រាកដទៅវិញ។ ត្រង់ចំណុចនេះ គឺចាត់ទុកជាការចេះដឹងគ្មានប្រសិទ្ធភាព។
ជារួមមក ការទ្រឹស្ដីជោគជ័យក្នុងជីវិត បានចូលរួមយ៉ាងសំខាន់ដើម្បីឲ្យមនុស្សខ្មែរបច្ចុប្បន្ន ចេះបែងចែកបានច្បាស់ពីគោលដៅជីវិតរបស់ខ្លួន។ ប៉ុន្តែនៅក្នុងនោះក៏មានបុគ្គលមួយចំនួនហាក់សប្បាយជាមួយនឹងទ្រឹស្ដីជោគជ័យ ប៉ុន្តែមិនអាចធ្វើឲ្យខ្លួនឯងជោគជ័យបាន។ ច្បាស់ណាស់ ភាពជោគជ័យមានតិច មានច្រើន ទៅតាមលទ្ធភាព ការខិតខំប្រឹងប្រែងនិងការព្យាយាមយកទ្រឹស្ដីមកប្រតិបត្តិជាក់ស្ដែង៕
នៅក្នុងសង្គមខ្មែរបច្ចុប្បន្ននេះវគ្គបណ្ដុះបណ្ដាល ដែលនិយាយពីគន្លឹះដើម្បីធ្វើឲ្យជីវិតបានជោគជ័យនេះគឺមិនខ្វះនោះទេ ហើយក៏បានបើកវគ្គបណ្ដុះបណ្ដាលដល់យុវជនជាច្រើនម៉ឺននាក់។ វគ្គផបណ្ដុះបណ្ដាលទាំងនោះបានបង្រៀនសាធារណជន យុវជន ទាក់ទងនឹង គន្លឹះដើម្បីជោគជ័យក្នុងជីវិត, ប្រសិទ្ធភាពក្នុងការកំណត់គោលដៅជីវិត, ភាពជោគជ័យនៅក្នុងដៃអ្នក, ជោគជ័យមិនចាំថ្ងៃស្អែក, ធ្វើបែបណាដើម្បីឲ្យជីវិតជោគជ័យ, ចង់ឲ្យជីវិតជោគជ័យ ត្រូវចាប់ផ្ដើមពីខ្លួនអ្នក,...ដែលសុទ្ធតែជាប្រធានបទ ដែលអ្នកជំនាញផ្នែកអភិវឌ្ឍន៍ធនធានមនុស្ស និងអ្នកជោគជ័យ មួយចំនួនបានចែករំឡែក។
ចំណែកការសរសេរ រៀបរៀង បកប្រែ ដែលបានបោះពុម្ពជាសៀវភៅវិញ ក៏មានមិនក្រោមម៉ឺនក្បាលនោះទេ នៅទូទាំងប្រទេស។ ចំនួនសៀវភៅរាប់ម៉ឺនក្បាលនោះ ក៏បានទៅដល់ដៃមនុស្សគ្រប់មជ្ឈដ្ឋាន ទាំងអ្នកជំនួញធំ ថ្នាក់ដឹកនាំ មន្ត្រីរាជការ អាជីវករ និយោជក សិស្ស-និស្សិត និងយុវជន ដែលបានផ្ដល់ជាពន្លឺផ្នែកបញ្ញា និងគំនិតដល់ជនទាំងនោះក្នុងការរៀបចំជីវិតរបស់ពួកគេ ឲ្យទទួលបានជោគជ័យ ក្នុងការងារ, ដឹកនាំ, គ្រប់គ្រង, ជំនួញ និងសិក្សា ជាដើម។
វិភាគទាននៃវគ្គបណ្ដុះបណ្ដា និងសៀវភៅរាប់ម៉ឺនក្បាលនេះ បានធ្វើឲ្យមនុស្សរាប់ម៉ឺននាក់ បានយល់ដឹងយ៉ាងច្បាស់ ហើយអាចនិយាយ និងសរសេរបានយ៉ាងស្ទាត់ជំនាញ ពីទ្រឹស្ដីដែលអាចនាំឲ្យជីវិតរបស់គេជោគជ័យ។ បន្ថែមពីនេះ ពួកគេក៏អាចយកទ្រឹស្ដីទាំងនោះទៅពន្យល់បន្ដបានយ៉ាងស្ទាត់ជំនាញផងដែរ។
នៅពេលសង្កេតឃើញបែបនេះ គឺជារឿងដែលល្អបំផុតសម្រាប់ជាតិ ព្រោះជាតិមានសង្ឃឹមយ៉ាងមុតមាំ ថាក្រុមមនុស្សដែលបានចេះ បានយល់ដឹងពីទ្រឹស្ដីជោគជ័យជីវិតនេះ អាចរៀបចំជីវិតរបស់ពួកគេឲ្យជោគជ័យ និងមានជីវភាពរស់នៅមានបាន សមរម្យតាមលទ្ធភាពរបស់ពួកគេ។
ជាការពិត ចំពោះការអនុវត្តទ្រឹស្ដីអាចជោគជ័យ និងមិនជោគជ័យ ប៉ុន្តែអ្វីដែលសំខាន់ គឺនៅត្រង់ថា មានយុវជនបច្ចុប្បន្នមួយចំនួន តែងតែទន្ទេញទ្រឹស្ដី ជោគជ័យរាល់ថ្ងៃ តែគេ ហាក់មិនសូវខ្វល់ពីការព្យាយាម រៀបចំផែនការជីវិតឲ្យបាន ច្បាស់លាស់។ ចំណែកអ្នកខ្លះបានរៀបចំដែរ ប៉ុន្តែខ្វះការតស៊ូ ជម្នះនឹងបញ្ហា។ ព្រោះពេលខ្លះនៅពេលដែលប្រឡូក នៅក្នុងកិច្ចការអ្វីមួយ ពេលជួបបញ្ហា គេក៏ចាប់គេចវេះមិនព្រមដោះស្រាយ។ ចំណែកយុវជនមួយចំនួនវិញ ពូកែណាស់ទ្រឹស្ដីធ្វើឲ្យជោគជ័យ ប៉ុន្តែខ្លួនមិនព្រមប្រឹងប្រែងឲ្យមានជំនាញអ្វីមួយឲ្យពិតប្រាកដទៅវិញ។ ត្រង់ចំណុចនេះ គឺចាត់ទុកជាការចេះដឹងគ្មានប្រសិទ្ធភាព។
ជារួមមក ការទ្រឹស្ដីជោគជ័យក្នុងជីវិត បានចូលរួមយ៉ាងសំខាន់ដើម្បីឲ្យមនុស្សខ្មែរបច្ចុប្បន្ន ចេះបែងចែកបានច្បាស់ពីគោលដៅជីវិតរបស់ខ្លួន។ ប៉ុន្តែនៅក្នុងនោះក៏មានបុគ្គលមួយចំនួនហាក់សប្បាយជាមួយនឹងទ្រឹស្ដីជោគជ័យ ប៉ុន្តែមិនអាចធ្វើឲ្យខ្លួនឯងជោគជ័យបាន។ ច្បាស់ណាស់ ភាពជោគជ័យមានតិច មានច្រើន ទៅតាមលទ្ធភាព ការខិតខំប្រឹងប្រែងនិងការព្យាយាមយកទ្រឹស្ដីមកប្រតិបត្តិជាក់ស្ដែង៕
© រក្សាសិទ្ធិដោយ thmeythmey.com
