ពីនេះ ពីនោះ
តើពាក្យ«វា, វារ និង វៀរ» ទាំងបីនេះ មានអត្ថន័យ និងការប្រើប្រាស់ខុសគ្នាដូចម្ដេច?
×![]()
ដោយ: ថ្មីៗ
ភ្នំពេញ៖ ពាក្យ«វា, វារ និង វៀរ»គឺជាពាក្យបីដែលមានសូរអានដូចគ្នា ប៉ុន្តែមានអត្ថន័យ និងការប្រើប្រាស់មិនដូចគ្នានោះទេ។ វចនានុក្រមខ្មែរសម្ដេចព្រះសង្ឃរាជ ជួន ណាត បានពន្យល់ពីអត្ថន័យ និងការប្រើប្រាស់ពាក្យទាំងនេះដូចខាងក្រោម៖
ពាក្យ «វា» គឺជាពាក្យសម្រាប់និយាយជាជំនួសឈ្មោះមនុស្សក្មេងជាង ឬមនុស្សថ្នាក់តូចទាបជាង ឬក៏សត្វតិរច្ឆាន, វត្ថុ, ធម្មជាតិ,...ផ្សេងៗៈ ហាមពួកក្មេងកុំឲ្យវាលេងទឹក, កូនខ្ញុំវាឈឺ, កូនគោវាយំរកមេវា, ការុងវាតូចច្រកអង្ករមិនអស់, គំនិតវារាក់។ល។
ចំណែកពាក្យ«វារ» ជាកិរិយាសព្ទ មានន័យថា លូនដោយប្រវាៈ កូនតូចទើបចេះវារ, ស្រមោចវាររសាវ។ ន័យម្យ៉ាងទៀតគឺ បោះទងចេញឬបោះទងតោងចាប់ៈ ល្ពៅវារ, ត្រឡាចវារឡើងទ្រើង, ម្លូវារតាមជន្លង់។
ដោយឡែកពាក្យ «វៀរ» ជាកិរិយាសព្ទ មានន័យថា លើកលែង, តម, ឈប់ខាន, អត់មិនធ្វើ។ វៀរចាកទុច្ចរិត មានន័យថា ឈប់មិនកាន់ ទុច្ចរិត។ វៀរតែ មានន័យថា លើកតែ, លើកលែងតែ។ វៀរត្រីសាច់ មានន័យថា តមត្រីសាច់។ វៀរបង់ មានន័យថា លះបង់, លះចោលបង់។ វៀរលែង មានន័យថា លះលែង, លះស្រឡះ។ វៀរលែងតែ មានន័យថា លើកលែងតែៈ ចង់ស៊ីអ្វីស៊ីចុះ វៀរលែងតែចេកពងមាន់៣ស្និតនុះ ទុកប្រគេនលោក! គេទៅទាំងអស់គ្នា វៀរលែងតែខ្ញុំត្រូវនៅចាំផ្ទះ។
យោងតាមអត្ថន័យខាងលើនេះ សាធារណជន អាចកត់សម្គាល់ពីអត្ថន័យ រវាងពាក្យទាំងបីនេះ ហើយប្រើប្រាស់ឲ្យបានត្រឹមត្រូវតាមវចនានុក្រមខ្មែរ៕
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជ ជួន ណាត
ពាក្យ «វា» គឺជាពាក្យសម្រាប់និយាយជាជំនួសឈ្មោះមនុស្សក្មេងជាង ឬមនុស្សថ្នាក់តូចទាបជាង ឬក៏សត្វតិរច្ឆាន, វត្ថុ, ធម្មជាតិ,...ផ្សេងៗៈ ហាមពួកក្មេងកុំឲ្យវាលេងទឹក, កូនខ្ញុំវាឈឺ, កូនគោវាយំរកមេវា, ការុងវាតូចច្រកអង្ករមិនអស់, គំនិតវារាក់។ល។
ចំណែកពាក្យ«វារ» ជាកិរិយាសព្ទ មានន័យថា លូនដោយប្រវាៈ កូនតូចទើបចេះវារ, ស្រមោចវាររសាវ។ ន័យម្យ៉ាងទៀតគឺ បោះទងចេញឬបោះទងតោងចាប់ៈ ល្ពៅវារ, ត្រឡាចវារឡើងទ្រើង, ម្លូវារតាមជន្លង់។
ដោយឡែកពាក្យ «វៀរ» ជាកិរិយាសព្ទ មានន័យថា លើកលែង, តម, ឈប់ខាន, អត់មិនធ្វើ។ វៀរចាកទុច្ចរិត មានន័យថា ឈប់មិនកាន់ ទុច្ចរិត។ វៀរតែ មានន័យថា លើកតែ, លើកលែងតែ។ វៀរត្រីសាច់ មានន័យថា តមត្រីសាច់។ វៀរបង់ មានន័យថា លះបង់, លះចោលបង់។ វៀរលែង មានន័យថា លះលែង, លះស្រឡះ។ វៀរលែងតែ មានន័យថា លើកលែងតែៈ ចង់ស៊ីអ្វីស៊ីចុះ វៀរលែងតែចេកពងមាន់៣ស្និតនុះ ទុកប្រគេនលោក! គេទៅទាំងអស់គ្នា វៀរលែងតែខ្ញុំត្រូវនៅចាំផ្ទះ។
យោងតាមអត្ថន័យខាងលើនេះ សាធារណជន អាចកត់សម្គាល់ពីអត្ថន័យ រវាងពាក្យទាំងបីនេះ ហើយប្រើប្រាស់ឲ្យបានត្រឹមត្រូវតាមវចនានុក្រមខ្មែរ៕
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជ ជួន ណាត
Tag:
ភាសាខ្មែរ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
