ជាតិ
សង្គមជាតិ
×![]()
ដោយ: ថ្មីៗ
គូស្នេហ៍វ័យក្មេងមួយគូ បានសម្រេចរត់ទៅរកវិទ្យុអេប៊ីស៊ី ឲ្យជួយដោះស្រាយវិបត្តិស្នេហ៍ ខណៈដែលស្នេហារបស់ពួកគេ ត្រូវបានរារាំងពីសំណាក់ឪពុកម្តាយ។ តាមពិតទៅ វាគ្មានអ្វីប្លែកទេ ដែលគូស្នេហ៍ខាងលើរត់ទៅវិទ្យុអេប៊ីស៊ីនោះ ព្រោះថាវាជាជំនាញទៅហើយដែលប្រព័ន្ធផ្សព្វផ្សាយមួយនេះ តែងដោះស្រាយគ្រប់រឿងនាពេលកន្លងមក។ អ្វីដែលធ្វើឲ្យភ្ញាក់ផ្អើលនោះ គូស្នេហ៍ទុំមុនស្រគាលខាងលើ គឺជាខ្មែរឥស្លាម ដែលទង្វើពួកគេស្តែងផ្ទុយពីគោលការណ៍នៃច្បាប់សាសនាឥស្លាម។ ទោះជាមានការអបអរដល់គូស្នេហ៍ខាងលើ ដែលត្រូវបានឪពុកម្តាយទទួលស្គាល់ និងសន្យារៀបការឲ្យយ៉ាងណាក្តី ប៉ុន្តែចង់មិនចង់ ទង្វើពួកគេរងការរិះគន់មិនតិចទេ ពីសំណាក់មហាជន ពិសេសសាសនិកឥស្លាម ដែលគោរពប្រតិបត្តិសាសនាត្រឹមត្រូវ។
យុវជន និងយុវតីខ្មែរឥស្លាមមួយគូ បានវេចបង្វិចទៅជ្រកកោននៅស្ថានីយ៍វិទ្យុអេប៊ីស៊ីមួយរយៈ ក្រោយពេលពួកគេទាល់ច្រកមិនដឹងធ្វើយ៉ាងណា បន្ទាប់ពីស្នេហាពួកគេ ត្រូវបានឪពុកម្តាយខាងស្រីជំទាស់ និងតម្រូវឲ្យនាងរៀបការជាមួយគូដណ្តឹង ដែលបានផ្សំផ្គុំរួច។ គូស្នេហ៍ខាងលើត្រូវគេស្គាល់ថា ខាងស្រីមានទីលំនៅនៅខាងឫស្សីកែវ រាជធានីភ្នំពេញ និងខាងប្រុស ដែលមានអាយុខ្ទង់២០ឆ្នាំដូចគ្នា មានស្រុកកំណើតនៅស្រុកក្រូចឆ្មារ ខេត្តត្បូងឃ្មុំ។
រឿងនេះមានភាពល្បីល្បាញខ្លាំង ទាំងនៅលើបណ្តាញសង្គមហ្វេសប៊ុក និងនៅក្នុងវិទ្យុអេប៊ីស៊ីផ្ទាល់ ដែលបានធ្វើការផ្សាយផ្ទាល់ សឹងគ្មានម៉ោងដើម្បីចាក់ស្ពតពាណិជ្ជកម្មរបស់គេផង។ ក្រោយគូស្នេហ៍វ័យក្មេងរៀបរាប់រឿងរ៉ាវនៅលើរលកធាតុអាកាស រួមនិងការផ្សាយផ្ទាល់តាមទំព័រហ្វេសប៊ុក មានការចែកចាយជាច្រើន។ ការចែកចាយទាំងនោះ លាយឡំនឹងការអាណិតអាសូរ ដែលពួកគេខំស្រឡាញ់គ្នា តែបែរជាក្រុមគ្រួសារបំបែកបំបាក់។ ក៏មានដែរ ចំពោះអ្នករិះគន់។ ព្រោះថា ទង្វើរបស់គូស្នេហ៍ស្ទើរភ្លើងខាងលើ ខុសសីលធម៌ និងផ្ទុយស្រឡះពីច្បាប់សាសនា។
ក្នុងអំឡុងស្នាក់នៅ ហូបចុកក្នុងស្ថានីយ៍វិទ្យុអេប៊ីស៊ីជាច្រើនថ្ងៃ កម្មវិធីផ្សាយទាំងមូលរបស់វិទ្យុអាចារ្យអេ ដែលធ្លាប់ហៅក្រុមអ្នកកាសែតជាក្រុមចោរនោះ ផ្តោតសំខាន់លើរឿងរ៉ាវស្នេហាវ័យក្មេងខាងលើ។ គូស្នេហ៍ទាំងនោះ បានគំរាមក្នុងរលកធាតុអាកាសថា នឹងមិនព្រមត្រឡប់ទៅផ្ទះទេ ទាល់តែឪពុកម្តាយមកទទួល និងព្រមរៀបការតាមផ្លូវច្បាប់ដល់ពួកគេ។
ដើម្បីកុំឲ្យរឿងកាន់តែធ្ងន់ធ្ងរ និងគិតពីអនាគត មុខមាត់ក្រុមគ្រួសារ ឪពុកនារីដែលសម្រេចដឹកដៃគូស្នេហ៍ចូលវិទ្យុអេប៊ីស៊ី បានទូរសព្ទចូលកម្មវិធីដែលកំពុងផ្សាយរឿងកូនស្រី និងបានទទូចឲ្យកូនត្រឡប់ទៅផ្ទះ និងសន្យាថា មិនបំបែកពួកគេទៀតឡើយ។ ទោះបែបនេះក្តី វាមិនទាន់គ្រប់គ្រាន់ និងជឿជាក់ចំពោះការបញ្ជាក់របស់ឪពុកទេ នាងចង់ឲ្យឪពុកម្តាយមកទទួលដល់ស្ថានីយ៍ ខណៈដែលគ្រួសារថាម្តាយកំពុងមិនស្រួលខ្លួន។
ក្រោយការសម្រុះសម្រួល និងការផ្តល់មតិជាច្រើន នៅថ្ងៃទី២៥ តុលា គូស្នេហ៍ខាងលើសម្រេចត្រឡប់ទៅផ្ទះវិញ ដោយមានបងប្រុសខាងស្រីមកទទួល និងធ្វើបទសម្ភាសចុងក្រោយទៀតផង។ បងប្រុសខាងនារី បញ្ជាក់ថា គ្រួសារនឹងធ្វើតាមការសន្យា ហើយឲ្យប្អូនស្រីជឿជាក់លើឪពុកម្តាយ។
មតិមួយចំនួនបានកោតសរសើរនូវសេចក្តីក្លាហានគូស្នេហ៍ខាងលើ ថាមានចិត្តស្រឡាញ់គ្នាស្មោះស្ម័គ្រ ស៊ូព្យាយាមនៅជាមួយគ្នា កាន់ដៃគ្នាមិនលែង ទោះជាមានឧបសគ្គយ៉ាងណាក្តី។ យ៉ាងណាក៏ដោយ ទង្វើនេះរងការរិះគន់មិនស្ទើរទេ ពីអ្នកនិយមលេងបណ្តាញសង្គម ពិសេសហ្វេសប៊ុក ដែលថាទង្វើពួកគេ បានចេញឆ្ងាយពីច្បាប់សាសនាឥស្លាម។ ការពង្រាត់គ្នា មិនមែនជាទង្វើល្អ ដែលសាសនាបានបង្គាប់ឡើយ។ លើសពីនេះ គឺកំហុសរបស់កូនដែលបានដាក់គំនាបដល់ឪពុកម្តាយ ដែលជាអ្នកមានគុណ ឲ្យព្រមទទួលយកការសម្រេចចិត្តតែឯកឯងរបស់ខ្លួន វារិតតែស្រែងចេញពីភាពផ្ទុយគ្នារបស់សាសនានីមួយៗ ដែលថាឪពុកម្តាយជាអ្នកមានគុណ និងត្រូវទទួលយកការសម្រេចចិត្តរបស់ពួកគេ ព្រោះគាត់ចង់ឲ្យកូនៗគ្រប់ៗរូប មានសេចក្តីសុខ និងសុភមង្គលទៅថ្ងៃមុន។
ទោះយ៉ាងណា មតិជាច្រើនបានគាំទ្រការបន្លន់ឥរិយាបថពីខាងអាណាព្យាបាល ដោយពួកគេគិតថា ឪពុកម្តាយខាងស្រីធ្វើត្រឹមត្រូវ ព្រោះដឹងថា ទង្វើកូនរបស់ខ្លួនកំពុងដើរខុស ហើយពួកគេមិនគួរបន្តឲ្យកូនខ្លួនធ្វើបែបនេះតទៅទៀតដែរ៕
យុវជន និងយុវតីខ្មែរឥស្លាមមួយគូ បានវេចបង្វិចទៅជ្រកកោននៅស្ថានីយ៍វិទ្យុអេប៊ីស៊ីមួយរយៈ ក្រោយពេលពួកគេទាល់ច្រកមិនដឹងធ្វើយ៉ាងណា បន្ទាប់ពីស្នេហាពួកគេ ត្រូវបានឪពុកម្តាយខាងស្រីជំទាស់ និងតម្រូវឲ្យនាងរៀបការជាមួយគូដណ្តឹង ដែលបានផ្សំផ្គុំរួច។ គូស្នេហ៍ខាងលើត្រូវគេស្គាល់ថា ខាងស្រីមានទីលំនៅនៅខាងឫស្សីកែវ រាជធានីភ្នំពេញ និងខាងប្រុស ដែលមានអាយុខ្ទង់២០ឆ្នាំដូចគ្នា មានស្រុកកំណើតនៅស្រុកក្រូចឆ្មារ ខេត្តត្បូងឃ្មុំ។
រឿងនេះមានភាពល្បីល្បាញខ្លាំង ទាំងនៅលើបណ្តាញសង្គមហ្វេសប៊ុក និងនៅក្នុងវិទ្យុអេប៊ីស៊ីផ្ទាល់ ដែលបានធ្វើការផ្សាយផ្ទាល់ សឹងគ្មានម៉ោងដើម្បីចាក់ស្ពតពាណិជ្ជកម្មរបស់គេផង។ ក្រោយគូស្នេហ៍វ័យក្មេងរៀបរាប់រឿងរ៉ាវនៅលើរលកធាតុអាកាស រួមនិងការផ្សាយផ្ទាល់តាមទំព័រហ្វេសប៊ុក មានការចែកចាយជាច្រើន។ ការចែកចាយទាំងនោះ លាយឡំនឹងការអាណិតអាសូរ ដែលពួកគេខំស្រឡាញ់គ្នា តែបែរជាក្រុមគ្រួសារបំបែកបំបាក់។ ក៏មានដែរ ចំពោះអ្នករិះគន់។ ព្រោះថា ទង្វើរបស់គូស្នេហ៍ស្ទើរភ្លើងខាងលើ ខុសសីលធម៌ និងផ្ទុយស្រឡះពីច្បាប់សាសនា។
ក្នុងអំឡុងស្នាក់នៅ ហូបចុកក្នុងស្ថានីយ៍វិទ្យុអេប៊ីស៊ីជាច្រើនថ្ងៃ កម្មវិធីផ្សាយទាំងមូលរបស់វិទ្យុអាចារ្យអេ ដែលធ្លាប់ហៅក្រុមអ្នកកាសែតជាក្រុមចោរនោះ ផ្តោតសំខាន់លើរឿងរ៉ាវស្នេហាវ័យក្មេងខាងលើ។ គូស្នេហ៍ទាំងនោះ បានគំរាមក្នុងរលកធាតុអាកាសថា នឹងមិនព្រមត្រឡប់ទៅផ្ទះទេ ទាល់តែឪពុកម្តាយមកទទួល និងព្រមរៀបការតាមផ្លូវច្បាប់ដល់ពួកគេ។
ដើម្បីកុំឲ្យរឿងកាន់តែធ្ងន់ធ្ងរ និងគិតពីអនាគត មុខមាត់ក្រុមគ្រួសារ ឪពុកនារីដែលសម្រេចដឹកដៃគូស្នេហ៍ចូលវិទ្យុអេប៊ីស៊ី បានទូរសព្ទចូលកម្មវិធីដែលកំពុងផ្សាយរឿងកូនស្រី និងបានទទូចឲ្យកូនត្រឡប់ទៅផ្ទះ និងសន្យាថា មិនបំបែកពួកគេទៀតឡើយ។ ទោះបែបនេះក្តី វាមិនទាន់គ្រប់គ្រាន់ និងជឿជាក់ចំពោះការបញ្ជាក់របស់ឪពុកទេ នាងចង់ឲ្យឪពុកម្តាយមកទទួលដល់ស្ថានីយ៍ ខណៈដែលគ្រួសារថាម្តាយកំពុងមិនស្រួលខ្លួន។
ក្រោយការសម្រុះសម្រួល និងការផ្តល់មតិជាច្រើន នៅថ្ងៃទី២៥ តុលា គូស្នេហ៍ខាងលើសម្រេចត្រឡប់ទៅផ្ទះវិញ ដោយមានបងប្រុសខាងស្រីមកទទួល និងធ្វើបទសម្ភាសចុងក្រោយទៀតផង។ បងប្រុសខាងនារី បញ្ជាក់ថា គ្រួសារនឹងធ្វើតាមការសន្យា ហើយឲ្យប្អូនស្រីជឿជាក់លើឪពុកម្តាយ។
មតិមួយចំនួនបានកោតសរសើរនូវសេចក្តីក្លាហានគូស្នេហ៍ខាងលើ ថាមានចិត្តស្រឡាញ់គ្នាស្មោះស្ម័គ្រ ស៊ូព្យាយាមនៅជាមួយគ្នា កាន់ដៃគ្នាមិនលែង ទោះជាមានឧបសគ្គយ៉ាងណាក្តី។ យ៉ាងណាក៏ដោយ ទង្វើនេះរងការរិះគន់មិនស្ទើរទេ ពីអ្នកនិយមលេងបណ្តាញសង្គម ពិសេសហ្វេសប៊ុក ដែលថាទង្វើពួកគេ បានចេញឆ្ងាយពីច្បាប់សាសនាឥស្លាម។ ការពង្រាត់គ្នា មិនមែនជាទង្វើល្អ ដែលសាសនាបានបង្គាប់ឡើយ។ លើសពីនេះ គឺកំហុសរបស់កូនដែលបានដាក់គំនាបដល់ឪពុកម្តាយ ដែលជាអ្នកមានគុណ ឲ្យព្រមទទួលយកការសម្រេចចិត្តតែឯកឯងរបស់ខ្លួន វារិតតែស្រែងចេញពីភាពផ្ទុយគ្នារបស់សាសនានីមួយៗ ដែលថាឪពុកម្តាយជាអ្នកមានគុណ និងត្រូវទទួលយកការសម្រេចចិត្តរបស់ពួកគេ ព្រោះគាត់ចង់ឲ្យកូនៗគ្រប់ៗរូប មានសេចក្តីសុខ និងសុភមង្គលទៅថ្ងៃមុន។
ទោះយ៉ាងណា មតិជាច្រើនបានគាំទ្រការបន្លន់ឥរិយាបថពីខាងអាណាព្យាបាល ដោយពួកគេគិតថា ឪពុកម្តាយខាងស្រីធ្វើត្រឹមត្រូវ ព្រោះដឹងថា ទង្វើកូនរបស់ខ្លួនកំពុងដើរខុស ហើយពួកគេមិនគួរបន្តឲ្យកូនខ្លួនធ្វើបែបនេះតទៅទៀតដែរ៕
Tag:
សហគមន៍ខ្មែរឥស្លាម
© រក្សាសិទ្ធិដោយ thmeythmey.com
