កីឡាជាតិ៖ មុនសម្ពោធផ្លូវការ ខេត្តកំពតទទួលមេដាយនាំមុខគេ

កីឡាជាតិ

ជាតិ

កីឡាជាតិ៖ មុនសម្ពោធផ្លូវការ ខេត្តកំពតទទួលមេដាយនាំមុខគេ

28, Oct 2016 , 2:17 pm

រូបភាព

ដោយ: ទេព ពិទូរ្យ

មុនបើកកម្មវិធីប្រកួតជាផ្លូវការនៃការប្រកួតកីឡាជាតិលើកទីមួយក្រោមអធិបតីភាព សម្តេចនាយករដ្ឋមន្ត្រី ហ៊ុន សែន ក្រុមកីឡាមកពីខេត្តកំពតកំពុងទទួលបានមេដាយនាំមុខគេបណ្តោះអាសន្នដោយទទួលបានមេដាយមាស៤ និងសំរិទ្ធ២ ។

គិតត្រឹមថ្ងៃសុក្រ ទី២៨ ខែតុលានេះ ក្រុមកីឡាមកពីខេត្តកំពតបានទទួលមេដាយនាំមុខគេក្នុងចំណោមរាជធានី ខេត្តទាំង ២៤ ដោយទទួលបានមេដាយ មាស៤ និងសំរិទ្ធ២ ដែលតាមពីក្រោយដោយក្រុមកីឡាមកពីរាជធានីភ្នំពេញ និង ខេត្តព្រះសីហនុ។

បណ្តារាជធានីខេត្តផ្សេងៗរួមមាន រាជធានីភ្នំពេញ បានមេដាយមាស២ ប្រាក់៥ សរុប៧, ខេត្តព្រះសីហនុ បានមាស២ ប្រាក់២ សំរិទ្ធ២ សរុប៦, ខេត្តតាកែវ មាស២, ខេត្តសៀមរាប មាស១ ប្រាក់១ សំរិទ្ធ៤ សរុប៦, ខេត្តកណ្តាល មាស១ ប្រាក់១ សំរិទ្ធ១ សរុប ៣, ខេត្តមណ្ឌលគិរី មាស១ ប្រាក់១ សំរិទ្ធ១ សរុប ៣, ខេត្តបាត់ដំបង ប្រាក់១ សំរិទ្ធ៤ សរុប៥, ខេត្តស្ទឹងត្រែង ប្រាក់១, ខេត្តព្រៃវែង ប្រាក់១, ក្រសួងការពារជាតិ សំរិទ្ធ១។

សូមបញ្ជាក់ថាព្រឹត្តិការណ៍ប្រកួតកីឡាជាតិលើកទី១ ជាព្រឹត្តិការណ៍កីឡាជាតិប្រវត្តិសាស្ត្រ ប្រារព្ធធ្វើឡើង នៅពហុកីឡដ្ឋានជាតិ រាជធានីភ្នំពេញ និងខេត្តកំពង់ចាម ដោយមានកីឡាចំនួន ១៥ប្រភេទ ត្រូវជា១៨៩វិញ្ញាសា និងមានកីឡាករ កីឡាការិនីចូលរួមប្រមាណ ២៦៣៧នាក់៕