ជាតិ
សង្គមជាតិ
ជិះទូកកម្សាន្តតាមស្ទឹងសៀមរាប២០នាទីម្នាក់២០០០រៀលជួយអ្នកភូមិចុងឃ្នៀស
× សៀមរាប៖ សហភាពសហព័ន្ធយុវជនកម្ពុជាខេត្តសៀមរាប បានរៀបចំកម្មវិធីអុំទូកកម្សាន្តតាមដងស្ទឹងសៀមរាប ក្នុងបំណងដើម្បីញ៉ាំងឲ្យកម្មវិធីបុណ្យអុំទូក មានភាពសប្បាយរីករាយថែមមួយកម្រិត។ ការជិះទូកកម្សាន្តតាមដងស្ទឹងសៀមរាប មានរយៈពេល២០នាទី ហើយក្នុងមនុស្សម្នាក់ត្រូវចំណាយត្រឹម២០០០រៀលតែប៉ុណ្ណោះ។
លោក ទឹម ថាវិត្យា ប្រធានគ្រប់គ្រងទូកអុំកម្សាន្ត បាននិយាយថា សហភាពសហព័ន្ធយុវជនកម្ពុជាខេត្តសៀមរាប បានរៀបចំឲ្យមានកម្មវិធីកម្សាន្តជិះទូកលេងតាមដងស្ទឹងសៀមរាប។ តាមការបញ្ជាក់របស់លោក ថាវិត្យា ទូកដែលនាំមកនេះ គឺជាទូករបស់សហគមន៍ចុងឃ្នៀស ដែលសរុបទាំងអស់មាន១៥ទូក។
ក្រៅពីដើម្បីឲ្យប្រជាពលរដ្ឋស្គាល់ពីការអុំទូក ការកម្សាន្តហើយនោះ កម្មវិធីជិះទូកកម្សាន្តនេះ ក៏មានបំណងចង់រកកំរៃដល់សហគមន៍ក្រីក្រនៅចុងឃ្នៀសផងដែរ។ លោក ថាវិត្យា បន្ថែមថា កម្មវិធីជិះទូកកម្សាន្តមានរយៈពេល២ថ្ងៃ គឺថ្ងៃទី១៣ និង១៤ វិច្ឆិកា ដោយទូកមួយគ្រឿងអាចផ្ទុកអ្នកដំណើរបាន២នាក់។ គោលដៅនៃការជិះទូកកម្សាន្តគឺចាប់ពីស្ពានថ្មវត្តព្រះព្រហ្មរតន៍ ដល់ស្ពានថ្មផ្សារចាស់៕
© រក្សាសិទ្ធិដោយ thmeythmey.com