អន្តរជាតិ
នយោបាយអន្តរជាតិ
ចិន-អេហ្ស៊ីប យកការ«ប្រណាំងទូកនាគ»ដើម្បីបើកទំព័រប្រវត្តិសាស្ត្រផ្លាស់ប្តូរវប្បធម៌
×
រដ្ឋាភិបាលក្រុងប៉េកាំង និងរដ្ឋាភិបាលក្រុងកៃរ៉ូ នៅដើមខែតុលាកន្លងទៅ បានរៀបចំព្រឹតិ្តការណ៍នៃការប្រណាំងទូកជាលើកដំបូង ដែលជាព្រឹត្តិការណ៍ប្រវត្តិសាស្ត្រមួយរវាងប្រទេសទាំងពីរនៅក្នុងទន្លេនីលនៃប្រទេសអេហ្ស៊ីប។ ព្រឹត្តិការណ៍នេះ ត្រូវរៀបចំឡើងក្នុងទិសដៅដើម្បីផ្លាស់ប្តូរទំនាក់ទំនងកីឡា និងវប្បធម៌រវាងប្រទេសទាំងពីរ។
អភិបាលក្រុង កៃរ៉ូ លោក Atef Abdel Hamid បានថ្លែងប្រាប់ភ្នាក់ងារព័ត៌មាន
Xinhua ថា «ការរៀបចំព្រឹត្តិការណ៍នោះ គឺជាការផ្លាស់ប្តូរវប្បធម៌ និងអរិយធម៌រួមគ្នារវាងអេហ្ស៊ីប-ចិន»។ លោក ពន្យល់ ថា «យោងតាមប្រវត្តិសាស្ត្រភាពជាអ្នកដឹកនាំ ក្រុងកៃរ៉ូ និងប៉េកាំង តំណាងឲ្យពិភពលោកទាំងមូលលើវិស័យកីឡា និងព្រឹត្តិការណ៍ទេសចរណ៍»។
ការរៀបចំព្រឹត្តិការណ៍នៃការប្រណាំងទូកនាគនោះដែរ ក៏ត្រូវបានរៀបចំឡើងក្នុងឱកាសពិសេសនៃទំនាក់ទំនងប្រទេសទាំងពីរដែរ។ ឱកាសពិសេសនោះគឺ ស្របពេលនៃការរម្លឹកខួបចំណងការទូតរវាងប្រទេសទាំងពីរលើកទី៦០ និងជាខួបនៃការចាប់ផ្តើមកសាងប្រទេសចិនលើកទី៦៧ និងខួបជ័យជម្នះរបស់ប្រទេសអេហ្ស៊ីបនៅខែតុលាឆ្នាំ១៩៧៣ផងដែរ។
ទីប្រឹក្សាវប្បធម៌ស្ថានទូតចិនប្រចាំក្រុងកៃរ៉ូ Chen Dongyun ក៏បានអះអាងដែរថា ចាប់ពីព្រឹត្តិការណ៍នៃការប្រណាំងទូកនោះ អេហ្ស៊ីប មានក្រុមទូកនាគរបស់ខ្លួនឯង ដែលនេះ គឹជាឱកាសមួយដ៏ល្អសម្រាប់ប្រជាជនទាំងពីរក្នុងការសមាហរណកម្ម និងស្វែងយល់គ្នាកាន់តែស៊ីជម្រៅ៕
Tag:
អុំទូក
ចិន
អេហ្ស៊ីប
© រក្សាសិទ្ធិដោយ thmeythmey.com