ពីនេះ ពីនោះ
×![]()
ដោយ: ថ្មីៗ
ភ្នំពេញ៖ គ្រូបង្រៀនមានតួនាទីយ៉ាងសំខាន់ ក្នុងនាមជាភ្នាក់ងារចម្លង(ផ្ទេរខ្លឹមសារមេរៀន ចំណេះដឹងឲ្យសិស្ស) និងជាភ្នាក់ងារផ្លាស់ប្ដូរ(ការពិភាក្សារវាងគ្រូ និងសិស្ស ដើម្បីកំណត់ខ្លឹមសារ និងផ្លាស់ប្ដូរសង្គម)។ បន្ថែមពីនេះ គ្រូបង្រៀនមានតួនាទីយ៉ាងសំខាន់នៅក្នុងសង្គមដោយមានជំហរក្លាហានខាងសីលធម៌ និងការរិះគន់ដោយស្ថិតនៅក្នុងតួនាទីជាគ្រូបង្រៀន។ 
គ្រូបង្រៀនមិនមែនគ្រាន់តែជាអ្នកទៅសាលា ដើម្បីប្រាប់មេរៀនដែលក្រសួងបានកំណត់នៅក្នុងកម្មវិធីសិក្សា និងមេរៀនដែលតម្រូវឲ្យសិស្សសិក្សារៀនសូត្រនោះទេ។ ប៉ុន្តែក្នុងនាមជាបុគ្គលគ្រូបង្រៀនមួយរូប គឺត្រូវដើរតួនាទីជាច្រើនក្នុងអាជីពរបស់ខ្លួន។ គ្រូបង្រៀនគឺជាឪពុកម្ដាយ ជាអ្នកសិក្សាស្រាវជ្រាវ ជាមិត្តភក្តិ ជាមគ្គុទេសក៍ ជាទីប្រឹក្សា ជាអ្នកច្នៃប្រឌិត ជាអ្នកវិភាគ ជាអ្នកកំចាត់បក្សពួកនិយម ជាអ្នកផ្ដល់នូវទស្សនវិស័យ ជាអ្នកវាយតម្លៃ ជាសិល្បករ និងជាអ្នកសម្របសម្រួលដ៏ស្ទាត់ជំនាញជាដើម។ល។
មូលហេតុដែលត្រូវចាត់ទុកគ្រូបង្រៀនជាឪពុកម្ដាយ ព្រោះថាគ្រូបង្រៀនត្រូវតែរក្សាទឹកចិត្តស្រឡាញ់រាប់អានសិស្សប្រៀបដូចជាកូនរបស់ខ្លួន មានក្ដីស្រឡាញ់ មានការអាណិតអាសូរ រក្សាទឹកចិត្តអត់ឱន ស្និតស្នាលក្នុងឋានៈជាឪពុកម្ដាយ។ ស្រឡាញ់ និងផ្ដល់ចំណេះឲ្យសិស្ស ដោយមិនលម្អៀង ប្រៀបដូចជាឪពុកម្ដាយផ្ដល់នូវសេចក្ដីស្រឡាញ់ដល់កូនៗដូច្នេះដែរ។ បន្ថែមពីនេះគ្រូបង្រៀនក៏ជាមិត្តភក្តិដ៏ល្អជាមួយសិស្សផងដែរនៅក្នុងលំហរនិងកាលខ្លះ។
យ៉ាងណាមិញ គ្រូបង្រៀនក៏ជាអ្នកមគ្គុទេសក៍ ដ៏ចំណានក្នុងការបង្ហាញផ្លូវ ជាអ្នកបំភ្លឺផ្លូវ ដែលមានភាពស្មោះត្រង់ មានគុណធម៌ខ្ពស់ចំពោះសិក្សា-នុសិស្ស។ ក្នុងនោះផងដែរ គ្រូបង្រៀនត្រូវធ្វើជាទីប្រឹក្សា ដែលត្រូវដើរតួនាទីជាអ្នកអប់រំ ជាអ្នកដឹកនាំ ព្រមទាំងផ្ដល់ឲ្យសិស្សបានឃើញ បានយល់ពីឧត្ដមគតិជឿនលឿន និងបង្ហាញសិស្សពីមាគ៌ាអភិវឌ្ឍនចំណេះដឹង សមត្ថភាព ប្រកបដោយភាពត្រឹមត្រូវ។
ក្នុងនោះផងដែរ គ្រូបង្រៀនក៏ជាអ្នកស្រាវជ្រាវ អ្នកបង្កើតថ្មី និងអ្នកផ្ដល់ទស្សនវិស័យ ដល់សិស្សទៅតាមលទ្ធភាព សមត្ថភាពដែលខ្លួនមាន និងព្យាយាមពង្រីកចំណេះដឹងខ្លួនឯងផងដែរ។ កត្តានេះគឺមានន័យថាគ្រូបង្រៀន គឺមិនមែនគ្រាន់តែជាបុគ្គលដែលចាំបាច់ត្រូវតែផ្ទេរចំណេះដឹង និងបង្រៀនទេ។ ប៉ុន្តែគ្រូបង្រៀន គឺជាអ្នកសិក្សាស្រាវជ្រាវមួយរូបដែលត្រូវតែស្វែងរកអ្វីដែលថ្មី យកបង្ហាញនិងពិភាក្សាជាមួយសិស្ស ដើម្បីស្វែងរកគំនិតដែលជួយឲ្យមានភាពជឿនលឿនដល់សង្គម និងសមត្ថភាពសិស្ស។
បន្ថែមពីនេះគ្រូបង្រៀន ក៏ត្រូវតែជាអ្នកមានជំនាញក្នុងការវិភាគពីអ្វីដែលកើតមាននៅក្នុងសង្គមឲ្យសិស្សបានយល់ បានដឹងក្នុងក្របខណ្ឌវិជ្ជាជីវៈ មានមូលដ្ឋានហេតុនិងផលច្បាស់លាស់ ប៉ុន្តែមិនមែនជាអ្នកបំពុលទស្សនៈ ព្រោះតែនិន្នាការណាមួយទៅលើសិស្សឡើយ។ យ៉ាងណាមិញ គ្រូបង្រៀន ក៏ដូចជាសិល្បករមួយរូបច្នៃសិស្សឲ្យក្លាយជាមនុស្សដែលមានប្រយោជន៍។ ជាអ្នកវាយតម្លៃសិស្ស ឲ្យសិស្សបានស្គាល់ពីទីតាំងពិតនៃចំណេះដឹង សមត្ថភាពរបស់ពួកគេ។ ជាអ្នកសម្របសម្រួលដល់សិស្ស ក្នុងគ្រប់ស្ថានភាពដែលខ្លួនអាចជួយដល់សិស្សបាន។
ជារួមមក ក្នុងកិច្ចការជាគ្រូបង្រៀន មិនមែនគ្រាន់តែទៅបង្រៀនតាមតែមេរៀនដែលគេបានកំណត់នោះទេ។ ប៉ុន្តែត្រូវតែជាអ្នកចេះរំលេចឲ្យសិស្សបានឃើញ ពីសង្គមដែលពួកគេបានរស់នៅផង និងបង្ហាញពីគំនិតជឿនលឿនផង។ ហេតុផលនេះហើយ ទើបអាជីពជាគ្រូបង្រៀនមានតម្លៃ។ ក្នុងគំនិតនេះ មិនមែនលើកឡើងសំដៅទៅលើគ្រូបង្រៀន ដែលមានគំនិតអាក្រក់ ឬមិនមានលក្ខណៈសម្បត្តិសមជាបុគ្គលគម្រូនោះទេ៕
គ្រូបង្រៀនមិនមែនគ្រាន់តែជាអ្នកទៅសាលា ដើម្បីប្រាប់មេរៀនដែលក្រសួងបានកំណត់នៅក្នុងកម្មវិធីសិក្សា និងមេរៀនដែលតម្រូវឲ្យសិស្សសិក្សារៀនសូត្រនោះទេ។ ប៉ុន្តែក្នុងនាមជាបុគ្គលគ្រូបង្រៀនមួយរូប គឺត្រូវដើរតួនាទីជាច្រើនក្នុងអាជីពរបស់ខ្លួន។ គ្រូបង្រៀនគឺជាឪពុកម្ដាយ ជាអ្នកសិក្សាស្រាវជ្រាវ ជាមិត្តភក្តិ ជាមគ្គុទេសក៍ ជាទីប្រឹក្សា ជាអ្នកច្នៃប្រឌិត ជាអ្នកវិភាគ ជាអ្នកកំចាត់បក្សពួកនិយម ជាអ្នកផ្ដល់នូវទស្សនវិស័យ ជាអ្នកវាយតម្លៃ ជាសិល្បករ និងជាអ្នកសម្របសម្រួលដ៏ស្ទាត់ជំនាញជាដើម។ល។
មូលហេតុដែលត្រូវចាត់ទុកគ្រូបង្រៀនជាឪពុកម្ដាយ ព្រោះថាគ្រូបង្រៀនត្រូវតែរក្សាទឹកចិត្តស្រឡាញ់រាប់អានសិស្សប្រៀបដូចជាកូនរបស់ខ្លួន មានក្ដីស្រឡាញ់ មានការអាណិតអាសូរ រក្សាទឹកចិត្តអត់ឱន ស្និតស្នាលក្នុងឋានៈជាឪពុកម្ដាយ។ ស្រឡាញ់ និងផ្ដល់ចំណេះឲ្យសិស្ស ដោយមិនលម្អៀង ប្រៀបដូចជាឪពុកម្ដាយផ្ដល់នូវសេចក្ដីស្រឡាញ់ដល់កូនៗដូច្នេះដែរ។ បន្ថែមពីនេះគ្រូបង្រៀនក៏ជាមិត្តភក្តិដ៏ល្អជាមួយសិស្សផងដែរនៅក្នុងលំហរនិងកាលខ្លះ។
យ៉ាងណាមិញ គ្រូបង្រៀនក៏ជាអ្នកមគ្គុទេសក៍ ដ៏ចំណានក្នុងការបង្ហាញផ្លូវ ជាអ្នកបំភ្លឺផ្លូវ ដែលមានភាពស្មោះត្រង់ មានគុណធម៌ខ្ពស់ចំពោះសិក្សា-នុសិស្ស។ ក្នុងនោះផងដែរ គ្រូបង្រៀនត្រូវធ្វើជាទីប្រឹក្សា ដែលត្រូវដើរតួនាទីជាអ្នកអប់រំ ជាអ្នកដឹកនាំ ព្រមទាំងផ្ដល់ឲ្យសិស្សបានឃើញ បានយល់ពីឧត្ដមគតិជឿនលឿន និងបង្ហាញសិស្សពីមាគ៌ាអភិវឌ្ឍនចំណេះដឹង សមត្ថភាព ប្រកបដោយភាពត្រឹមត្រូវ។
ក្នុងនោះផងដែរ គ្រូបង្រៀនក៏ជាអ្នកស្រាវជ្រាវ អ្នកបង្កើតថ្មី និងអ្នកផ្ដល់ទស្សនវិស័យ ដល់សិស្សទៅតាមលទ្ធភាព សមត្ថភាពដែលខ្លួនមាន និងព្យាយាមពង្រីកចំណេះដឹងខ្លួនឯងផងដែរ។ កត្តានេះគឺមានន័យថាគ្រូបង្រៀន គឺមិនមែនគ្រាន់តែជាបុគ្គលដែលចាំបាច់ត្រូវតែផ្ទេរចំណេះដឹង និងបង្រៀនទេ។ ប៉ុន្តែគ្រូបង្រៀន គឺជាអ្នកសិក្សាស្រាវជ្រាវមួយរូបដែលត្រូវតែស្វែងរកអ្វីដែលថ្មី យកបង្ហាញនិងពិភាក្សាជាមួយសិស្ស ដើម្បីស្វែងរកគំនិតដែលជួយឲ្យមានភាពជឿនលឿនដល់សង្គម និងសមត្ថភាពសិស្ស។
បន្ថែមពីនេះគ្រូបង្រៀន ក៏ត្រូវតែជាអ្នកមានជំនាញក្នុងការវិភាគពីអ្វីដែលកើតមាននៅក្នុងសង្គមឲ្យសិស្សបានយល់ បានដឹងក្នុងក្របខណ្ឌវិជ្ជាជីវៈ មានមូលដ្ឋានហេតុនិងផលច្បាស់លាស់ ប៉ុន្តែមិនមែនជាអ្នកបំពុលទស្សនៈ ព្រោះតែនិន្នាការណាមួយទៅលើសិស្សឡើយ។ យ៉ាងណាមិញ គ្រូបង្រៀន ក៏ដូចជាសិល្បករមួយរូបច្នៃសិស្សឲ្យក្លាយជាមនុស្សដែលមានប្រយោជន៍។ ជាអ្នកវាយតម្លៃសិស្ស ឲ្យសិស្សបានស្គាល់ពីទីតាំងពិតនៃចំណេះដឹង សមត្ថភាពរបស់ពួកគេ។ ជាអ្នកសម្របសម្រួលដល់សិស្ស ក្នុងគ្រប់ស្ថានភាពដែលខ្លួនអាចជួយដល់សិស្សបាន។
ជារួមមក ក្នុងកិច្ចការជាគ្រូបង្រៀន មិនមែនគ្រាន់តែទៅបង្រៀនតាមតែមេរៀនដែលគេបានកំណត់នោះទេ។ ប៉ុន្តែត្រូវតែជាអ្នកចេះរំលេចឲ្យសិស្សបានឃើញ ពីសង្គមដែលពួកគេបានរស់នៅផង និងបង្ហាញពីគំនិតជឿនលឿនផង។ ហេតុផលនេះហើយ ទើបអាជីពជាគ្រូបង្រៀនមានតម្លៃ។ ក្នុងគំនិតនេះ មិនមែនលើកឡើងសំដៅទៅលើគ្រូបង្រៀន ដែលមានគំនិតអាក្រក់ ឬមិនមានលក្ខណៈសម្បត្តិសមជាបុគ្គលគម្រូនោះទេ៕
© រក្សាសិទ្ធិដោយ thmeythmey.com
